par 
Udaberri honetan ere Eusko Eguna ospatuko da Ezpeletako merkatu estalian, iaz, tokiko monetaren 10. urtebetetzearen karietara, 1.500 pertsona bildu ondoan. Aurten, besta herrikoi handia antolatuko da, apirilaren 13an, larunbatean. Aktibitate eta animazio anitz izanen dira, eta, hola, haurrak eta helduak loriatuko dira, goizetik gaueko ordu ttipietara!
Ipar Euskal Herriko tokiko monetak garatzen segitzen du. Euskoa moneta soil bat baino anitzez gehiago da: gizarte-lotura eta elkartasun ekarlea, balio jakin batzuk sustatzen dituen sarea eta lurraldearen eraldaketa kultural, ekonomiko eta ekologikoaren zerbitzura dagoen tresna ere bada. Urteroko besta honetan, nabarmenduko dira biharko lurraldea sortzen ari diren alternatibak. Eusko Eguna bateratzailea izanen da, topaketaz eta solasaldiz betea, belaunaldiak nahasiko dira, beti giro goxo eta alaian.
Eguna 10:00etan hasiko da, elkarteen herrixkarekin, laborarien eta artisauen merkatuarekin eta jantzi eta sehaska hustearekin, tokiko moneta eskutik eskura ibilarazi, kalitatezko tokiko produktuak salerosi eta bigarren eskuko produktuak berrerabiltzeko.
Eskola oporretako lehen asteburua izanen denez, hainbat aktibitate proposatuko zaizkie haurrei, goizetik arratsera. Goizean, itsuen futbol partida antolatuko du ASJ Espelette klubak, antzara joko erraldoia, laborantzako landare-motak ezagutzeko tailerrak, ereintza eta hazi-bonba tailerrak, asto bizkarrez ibiltzea, herri kirolak, etab. Arratsaldean, ikuskizunak izanen dira, hala nola Pontx pailazoarena edo Hegalaldia elkarteak proposatutako harraparien laxatzearena. Eta haurrik trebeenek kermezako erakusmahaietan sari bat baino gehiago irabazten ahalko dute!
Goizean, huts egin ezin diren honako hitzordu hauek izanen dira:
– Pilota-partiden jarraitzaileentzat, Oinatz Bengoetxea txapeldunaren erakustaldia. Ikuskizun ederra!
– Euskaraz mintzatzen ikasi nahi dutenentzat: Plazarak antolatu “Euskara ikasten hastea” tailerra. Horren ondotik, egun osoan ahal bezainbat euskaraz mintza!
– Historiaz eta ondareaz gehiago jakin nahi dutenentzat, bisita gidatua Ezpeletako herri barnean.
– Ekonomiaz eta desazkundeaz interesatzen direnentzat: Euskoa: hazkunde-ondoko gizarterako trantsizio-tresna hitzaldia, Ralentir ou périr liburuaren idazlea den Timothée Parrique ekonomialariarekin, Euskal Herria Burujabe lurralde-proiektuaren koordinatzailea den Elise Dillet Bizi!-ko militantearekin eta ekonomia sozial eta solidarioaren arloan Euskal Hirigune Elkargoko kontseilari ordezkaria den Maitena Curutchetekin. Mugagabeko hazkundea ezinezkoa denez mundu mugatu batean, desazkundea beharrezkoa ote da? Eta nola gauzatzen da hori gure lurraldean?
Erantzunetarik bat gure azietan dago, bereziki Eusko Egunean proposatuko zaizkizuen jakietan. Zirkuitu laburrak Euskoaren proiektuaren erdigunean egon dira tokiko moneta sortu zenetik, eta, beraz, arta berezia eskainiko zaie Eusko Egunean jatekoei eta edatekoei. Eguerdian, iaz bezala, laborarien bazkaria prestatuko da, laborarien merkatuko produktuekin. Eta arratsean, tokiko produktuekin ere, klasiko handi bat moldatuko da: tartifleta!
Egun osoan giro goxo eta alaia segurtatzeko, Txitxirioak txaranga, jendea leku batetik bestera ibilaraziko duen Tipli Tapla batukada eta zango-makolen ikuskizuna izanen dira. Gero, arratsean, Patxi eta Konpainiak Dantza Piko eskainiko du eta Herrian Kantuz koruaren boz ederrak entzunen dira. Azkenik, Kontrabanda taldeak kontzertua joko du, eta gaualdia bururatuko da DJ Doy ezpeletarrarekin!
Sartzea urririk eta libro denentzat, goizetik gauera!
Egitarau osoa eta ordutegia: euskoeguna.euskalmoneta.org
Indépendant, sans pub, en accès libre,
financé par ses lecteurs
Faites un don à Enbata.info
ou abonnez-vous au mensuel papier
Les temps sont difficiles, et nous savons que tout le monde n’a pas la possibilité de payer pour de l’information. Mais nous sommes financés par les dons de nos lectrices et lecteurs, et les abonnements au mensuel papier : nous dépendons de la générosité de celles et ceux qui peuvent se le permettre.
« Les choses sans prix ont souvent une grande valeur » Mixel Berhocoirigoin
Cette aide est vitale. Grâce à votre soutien, nous continuerons à proposer les articles d'Enbata.Info en libre accès et gratuits, afin que des milliers de personnes puissent continuer à les lire chaque semaine, pour faire ainsi avancer la cause abertzale et l’ancrer dans une perspective résolument progressiste, ouverte et solidaire des autres peuples et territoires.
Chaque don a de l’importance, même si vous ne pouvez donner que quelques euros. Quel que soit son montant, votre soutien est essentiel pour nous permettre de continuer notre mission.
Pour tout soutien de 50€/eusko ou plus, vous pourrez recevoir ou offrir un abonnement annuel d'Enbata à l'adresse postale indiquée. Milesker.
Si vous êtes imposable, votre don bénéficiera d’une déduction fiscale (un don de 50 euros / eusko ne vous en coûtera que 17).
Independentea, publizitaterik gabekoa, sarbide irekia, bere irakurleek diruztatua
Enbata.Info-ri emaitza bat egin
edo harpidetu zaitezte hilabetekariari
Garai gogorrak dira, eta badakigu denek ez dutela informazioa ordaintzeko ahalik. Baina irakurleen emaitzek eta paperezko hilabetekariaren harpidetzek finantzatzen gaituzte: ordaindu dezaketenen eskuzabaltasunaren menpe gaude.
«Preziorik gabeko gauzek, usu, balio handia dute» Mixel Berhocoirigoin
Laguntza hau ezinbestekoa zaigu. Zuen sustenguari esker, Enbata.Info artikuluak sarbide librean eta urririk eskaintzen segituko dugu, milaka lagunek astero irakurtzen segi dezaten, hola erronka abertzalea aitzinarazteko eta ikuspegi argiki aurrerakoi, ireki eta beste herri eta lurraldeekiko solidario batean ainguratuz.
Emaitza oro garrantzitsua da, nahiz eta euro/eusko guti batzuk eman. Zenbatekoa edozein heinekoa izanik ere, zure laguntza ezinbestekoa zaigu gure eginkizuna segitzeko.
50€/eusko edo gehiagoko edozein sustengurentzat, Enbataren urteko harpidetza lortzen edo eskaintzen ahalko duzu zehaztuko duzun posta helbidean. Milesker.
Zergapean bazira, zure emaitzak zerga beherapena ekarriko dizu (50 euro / eusko-ko emaitzak, 17 baizik ez zaizu gostako).