par 
Euskal Moneta
Eguzkia nagusi, joan den larunbatean, apirilaren 13an, Ezpeletan, Eusko Eguna, tokiko monetaren aldeko urteroko besta handian. Publiko zabala bildu zen, proposatutako animazio desberdinetan parte hartzeko. Orotarat 1700 bat pertsona hurbildu ziren. Halako jendeketak erakusten du, batetik, tokiko moneta arrakastatsua dela, eta, bestetik, tokiko ekonomia solidariorako eta lurraldearen alternatibetarako suhartasun gero eta handiagoa dagoela. Urte batzuetako pausaren ondotik, iaz, 2023an antolatu zen berriz, euskoaren 10. urtebetetzearen kari. Eta, dirudienez, Eusko Eguna urteko besten egitarauaren eta lurraldeko hitzordu saihestezinen parte bilakatu da.
Euskoak eskutik eskura ibili ziren egun osoan, zirkuitu laburreko ekonomia sustatuz, batez ere laborarien eta artisauen merkatuan: kontsumitzaileen eta ekoizleen arteko harreman zuzena indartzeko manera bikaina da hori, eta tokiko monetaren proiektuaren balio nagusietarik bat. Tokiko ekoizpen anitz baziren ere ostatuko edarietan eta janarietan. Aipamen berezia laborarien bazkariari, iaz bezala, aurten ere, gaitzeko arrakasta bildu baitu baita bertsio vegetarioak ere bai!
Euskoa: hazkunde-ondoko gizarterako trantsizio-tresna hitzaldia antolatu zen Timothée Parrique ekonomialari, Elise Dillet militante eta Maitena Curutchet Elkargoko kontseilari ordezkariarekin. Gela mukuru bete zen, eta horrek baieztatu du jendeak gai horiekiko interes handia duela. Hitz hartzeek agerian utzi zuten tokiko monetek funtsezko eginkizuna dutela trantsizio ekologikoan, tokiko aktibitate ekonomikoak sustatzeko tresna gisa, mugarik gabeko eta baitezpadako hazkundea jada jasangarria ez den mundu honetan.
Aldi berean, pilotalekuan, ikusle kurios eta adituek bizitasun handiko esku huskako pilota partidez gozatu ahal izan zuten. Tokiko klubetako zenbait gazteren arteko partiden ondotik, Oinatz Bengoetxea txapeldun ohia eta Alexis Inchauspé Xingar Feriako txapelketako finalista elkarren kontra lehiatu ziren, binakako partidan. Pixka bat berantago, pilota plazan betiere, Gaiak ahala eman zien helduei taldean lehiatzeko, eta haurrei herri kirolak ezagutuz jostatzeko!
Eskola oporren lehen asteburu horretan, haurrendako egitarau aberatsa apailatu zen. Haurrek ongi pasatzeko parada izan zuten, partikularki hazi-bonbak eginez edo Euskal Herriko kabalak eta landareak ezagutuz. Irri egin edo harritu ahal izan ziren, Pontx pailazoaren ikuskizunari edo Hegalaldiak artatu harrapari baten laxatzeari esker. Azkenik, kermezako jokoetan jendea trumilka ari izan zen, eta trebeenak tokiko monetaren sareko profesionalek eskuzabaltasunez eskainitako opari anitzekin joan ziren.
Euskarak eta euskal kulturak ere beren lekua bazuten Eusko Egunean, Lous Bidaous konpainiaren ikuskizunari eta egun horretan giro alai eta beroa segurtatu zuten animazio musikalei esker –Txitxirioak txaranga, Ttipli Ttapla batukada, Herrian Kantuz, Patxi eta Konpania edo Kontrabanda, eguna ezin hobeki bururatzeko–.
200 laguntzaileren engaiamenduari eta lanari esker, Eusko Egunaren aurtengo edizioa beste behin ere arrakastatsua izan zen, eta, hala, belaunaldi desberdinetako jendeek giro goxoan elkar gurutzatu eta trukatu ahal izan zuten. Eguzki eder bati esker, gertakariak lehen lerroan ezarri du Euskoa, tokiko monetaren isla zen programa aberats eta askotarikoari esker. Tokiko ingurumen-, kultura-, hizkuntza- eta elkartasun-ekimenak nabarmendu zituen. Heldu den urteko hitzordua finkatua da jadaneko, 2025eko Eusko Egunaren ediziorako. Orduan ere euskoaren familia handia bilduko da, zentzuz eta balioz beteriko gertakari alai baten karietara.
Indépendant, sans pub, en accès libre,
financé par ses lecteurs
Faites un don à Enbata.info
ou abonnez-vous au mensuel papier
Les temps sont difficiles, et nous savons que tout le monde n’a pas la possibilité de payer pour de l’information. Mais nous sommes financés par les dons de nos lectrices et lecteurs, et les abonnements au mensuel papier : nous dépendons de la générosité de celles et ceux qui peuvent se le permettre.
« Les choses sans prix ont souvent une grande valeur » Mixel Berhocoirigoin
Cette aide est vitale. Grâce à votre soutien, nous continuerons à proposer les articles d'Enbata.Info en libre accès et gratuits, afin que des milliers de personnes puissent continuer à les lire chaque semaine, pour faire ainsi avancer la cause abertzale et l’ancrer dans une perspective résolument progressiste, ouverte et solidaire des autres peuples et territoires.
Chaque don a de l’importance, même si vous ne pouvez donner que quelques euros. Quel que soit son montant, votre soutien est essentiel pour nous permettre de continuer notre mission.
Pour tout soutien de 50€/eusko ou plus, vous pourrez recevoir ou offrir un abonnement annuel d'Enbata à l'adresse postale indiquée. Milesker.
Si vous êtes imposable, votre don bénéficiera d’une déduction fiscale (un don de 50 euros / eusko ne vous en coûtera que 17).
Independentea, publizitaterik gabekoa, sarbide irekia, bere irakurleek diruztatua
Enbata.Info-ri emaitza bat egin
edo harpidetu zaitezte hilabetekariari
Garai gogorrak dira, eta badakigu denek ez dutela informazioa ordaintzeko ahalik. Baina irakurleen emaitzek eta paperezko hilabetekariaren harpidetzek finantzatzen gaituzte: ordaindu dezaketenen eskuzabaltasunaren menpe gaude.
«Preziorik gabeko gauzek, usu, balio handia dute» Mixel Berhocoirigoin
Laguntza hau ezinbestekoa zaigu. Zuen sustenguari esker, Enbata.Info artikuluak sarbide librean eta urririk eskaintzen segituko dugu, milaka lagunek astero irakurtzen segi dezaten, hola erronka abertzalea aitzinarazteko eta ikuspegi argiki aurrerakoi, ireki eta beste herri eta lurraldeekiko solidario batean ainguratuz.
Emaitza oro garrantzitsua da, nahiz eta euro/eusko guti batzuk eman. Zenbatekoa edozein heinekoa izanik ere, zure laguntza ezinbestekoa zaigu gure eginkizuna segitzeko.
50€/eusko edo gehiagoko edozein sustengurentzat, Enbataren urteko harpidetza lortzen edo eskaintzen ahalko duzu zehaztuko duzun posta helbidean. Milesker.
Zergapean bazira, zure emaitzak zerga beherapena ekarriko dizu (50 euro / eusko-ko emaitzak, 17 baizik ez zaizu gostako).