par Otsailaren 9an, euskara ikusgarriagoa, entzunagoa eta erabiliagoa izatea bilatzen duen Plazara elkarteak bere lehen biltzar nagusia antolatu du Arbonako Arantzola etxean. Biltzar idekia eta publikoa, supazterreko giro goxoan. Hara horren berri.
2024ean, Plazara elkartea Europa mailako kooperatiba bilakatuko da. Eraldaketa hori burutzeko, Biltzar Nagusi berria antolatuko dugu urrats hau kolektiboki egiteko. Hori aitzin, udaberrian zehar Plazakideak gomitatuko ditugu proiektuan parte hartzeko formak eta moldeak elkarrekin aipatzeko.
PLAZARA
Ez dugu baitezpada data hoberena hautatu gure lehen biltzar nagusia finkatzeko: libertimendu, ate idekitze, beste eragileen biltzar nagusi, Marrazkirri, ihauteri, Korrika kulturala… Azken 15 hilabeteetan inguratu gaituzten lagun askok jakinarazi digu tamalez ezingo zutela gure artean izan ostiralean.
4 puntu nagusi jorratu ditugu elkarrekin:
Zer egin dugu, konkretuki, 2023an?
Zein dira 2024eko proiektu nagusiak?
Nola parte hartu daiteke Plazara proiektuan?
Zer dira bakoitzaren terrenotik ikusten diren erronka eta beharrak?
Trukaketa momentu interaktiboa
Bi orduz, Plazara-ko kideen aurkezpenak eta parte hartzaileen galderak tartekatu dira.Proiektuaren hauskortasuna eta prekarietateaz aparte, egindako bidea eta datozen hilabeteetako erronkak izan dira interes gehien piztu duten punduak.
Lehen 12 hilabeteetako aktibitatea harrigarria da: 57 formakuntza animatu ditugu, 71 eragilerekin lan egin dugu (%72a elkarteak dira), 197 bazkide bildu ditugu eta mundu mailako 18 hizkuntza eragilerekin trukatu dugu. Aurten, gure bi proiektu nagusiei bultzada berezia eman nahi diegu:
- “Ongi etorri euskararen munduetara” sentsibilizazio estrategia partekatua.
- Hizkuntza eragileen arteko lankidetza.
Horren baitan kokatzen dira, besteak beste: Baionako lokala, Euskara teknikarien eskola, Xare jardunaldia, Sektore sozioekonomikoa euskalduntzeko plana, Webgune erreferente baten sorrera, mundu mailako harremantzeak…
Paraleloki egiturak laguntzen segituko dugu, euskara erdigunera ekartzeko 4 lan ardatz uztartuz:
Komunikazioa: itzulpen, kanpaina, euskarri sortze.
Formakuntza: deskubrimendu, tailer, ahalduntze.
Aholkularitza: euskara plan, aholku, ikerketa.
Antolaketa: ekitaldien antolaketa, ekintzen obratzea, lankidetza sustatzea.
Lankidetza berriak
Orain arteko partaidetzak indartu eta eragile berriekin lan egiteko gogoa adierazi dugu baita ere. Euskal Herri mailan, euskalgintzako eragileen arteko sinergiak indartzen ibili nahi dugu, espazio desberdinetan presente izanez (Euskal konfederazioa…) eta proiektu konkretuak eramanez hurbil ditugun egiturekin (Garabide, UEMA, EMUN, Soziolinguistika klusterra, Euskarabentura, Topagunea, UEU…).
Aurten, ideia berri eta ero andana badugu obratzeko. Harriz harri eta hariz hari, eraiki eta ehunduko dugu euskararen herria.
Mundu mailan, Hego Ameriketako ekintzaileekin lan egiten segituko dugu Garabideren bidez eta Amazighekin hasitako lanari jarraipena ere emango diogu. Azkenik, integratu berri dugun kontsortzio baten baitan, Erasmus+ programari esker Europa mailan ere kokatuko da Plazara aurten.
Datozen hitz orduak
2024ean, Plazara elkartea Europa mailako kooperatiba bilakatuko da. Eraldaketa hori burutzeko, Biltzar Nagusi berria antolatuko dugu urrats hau kolektiboki egiteko.
Hori aitzin, udaberrian zehar Plazakideak gomitatuko ditugu proiektuan parte hartzeko formak eta moldeak elkarrekin aipatzeko.
Plazaratik, milesker handi bat hurbildu direnei, pintxo goxoak sukaldatu dituzten lagunei eta egunero urrats bat urrunago joatea ahalbidetzen gaituzten xinaurri ttiki guziei.
Urrunago joateko:
Aurkezpena: Prezi diaporama
Txostena deskargatu hemen: PLAZARA Biltzar nagusia (diapo)-2
Indépendant, sans pub, en accès libre,
financé par ses lecteurs
Faites un don à Enbata.info
ou abonnez-vous au mensuel papier
Les temps sont difficiles, et nous savons que tout le monde n’a pas la possibilité de payer pour de l’information. Mais nous sommes financés par les dons de nos lectrices et lecteurs, et les abonnements au mensuel papier : nous dépendons de la générosité de celles et ceux qui peuvent se le permettre.
« Les choses sans prix ont souvent une grande valeur » Mixel Berhocoirigoin
Cette aide est vitale. Grâce à votre soutien, nous continuerons à proposer les articles d'Enbata.Info en libre accès et gratuits, afin que des milliers de personnes puissent continuer à les lire chaque semaine, pour faire ainsi avancer la cause abertzale et l’ancrer dans une perspective résolument progressiste, ouverte et solidaire des autres peuples et territoires.
Chaque don a de l’importance, même si vous ne pouvez donner que quelques euros. Quel que soit son montant, votre soutien est essentiel pour nous permettre de continuer notre mission.
Pour tout soutien de 50€/eusko ou plus, vous pourrez recevoir ou offrir un abonnement annuel d'Enbata à l'adresse postale indiquée. Milesker.
Si vous êtes imposable, votre don bénéficiera d’une déduction fiscale (un don de 50 euros / eusko ne vous en coûtera que 17).
Independentea, publizitaterik gabekoa, sarbide irekia, bere irakurleek diruztatua
Enbata.Info-ri emaitza bat egin
edo harpidetu zaitezte hilabetekariari
Garai gogorrak dira, eta badakigu denek ez dutela informazioa ordaintzeko ahalik. Baina irakurleen emaitzek eta paperezko hilabetekariaren harpidetzek finantzatzen gaituzte: ordaindu dezaketenen eskuzabaltasunaren menpe gaude.
«Preziorik gabeko gauzek, usu, balio handia dute» Mixel Berhocoirigoin
Laguntza hau ezinbestekoa zaigu. Zuen sustenguari esker, Enbata.Info artikuluak sarbide librean eta urririk eskaintzen segituko dugu, milaka lagunek astero irakurtzen segi dezaten, hola erronka abertzalea aitzinarazteko eta ikuspegi argiki aurrerakoi, ireki eta beste herri eta lurraldeekiko solidario batean ainguratuz.
Emaitza oro garrantzitsua da, nahiz eta euro/eusko guti batzuk eman. Zenbatekoa edozein heinekoa izanik ere, zure laguntza ezinbestekoa zaigu gure eginkizuna segitzeko.
50€/eusko edo gehiagoko edozein sustengurentzat, Enbataren urteko harpidetza lortzen edo eskaintzen ahalko duzu zehaztuko duzun posta helbidean. Milesker.
Zergapean bazira, zure emaitzak zerga beherapena ekarriko dizu (50 euro / eusko-ko emaitzak, 17 baizik ez zaizu gostako).