par Bere bizitzan naigabe ainitz jasanik, azkenik bere alaba galdurik, joan zauku Manuel Lasarte bertsulari handia. Ofizioz arotza zen. Bizitzako urterik gehienak Orion iragan ditu.
17 urtetarako plazetan bertsuka abiaturik, 42 urtez jarraian ibili da, hortik bizipidearen parte bat ateraz.
Lasarteren bertsu jarri andana bat K7 delakoetan argitaratu zituen Elkar dizketxeak. Omenaldi zonbait antolatuak izan zaizkio, aipagarriena 1975ko Martxoan bere sort-herrian. Egun hartan altxatu zuten orroitharria beti xutik dago Nafarroako Leitzan.
60 urtetarik goiti bakanxago plazaratu zen.
Ni ere doi bat kurutzatu izan naiz Manuelekin. Oraino pertsuka hasi gabea nintzalarik, Baigorriko laborari xahar batzu entzunak nituen Lasarte-z mintzo. Igandetan Loiolako Irratitik hedatzen ziren bertsu saioak entzuten baitzituzten. Leitza-ko “Franki” baserritik atera Manuel Lasarte-ren bertsuak ulergarri eta haren ahoskera gozoa gustagarri zitzaizkien.
Xalbador zenaren ehorzketan ikusi nuen lehen aldikotz. Entzun orduko gustaturik, “gordean neuzkanak” izeneko haren liburua erosi eta aldi pare batez irakurtu ere bai.
Maizenik Nafarroan eta Gipuzkoan kantatzen zuen bainan Iparraldera ere deitua izaiten zen noizetik noizera; hala nola 1960ko hamarkadan Eihalarreko kermezakari, eta Mixel Itzainak antolatu bertsu saioetara.
Denak xoraturik egoiten ginen neurtitz aberatsekin pertsua osatzeko nolako errextasuna zuen. Neurrietan ez zen behaztopatzen eta bertsu lerroak elgarri ongi josten bazakien.
Euskara garbian pentsatzen zuen, eskola zaharreko bertsulari guzien antzera. Ateraldi finak zituen plaza gizon serios eta maitagarria agertu da beti.
Uztapide, Zepai eta Basarrirekin aprendizgoak eginik, Mattin eta Xalbadorrekin ere ibili zen. Bertzeak bertze, Lazkao Txiki, Joxe Lizaso, Agirre, eta Mitxelena, Etxeberria, Xanpun zituen bere adintsuko beste bertsulariak. Belaunaldi gazteagoekin ere ukan ditu abesteko parada asko.
Idazle ona
Oharturik gauzarik xehenak zoin xinpleki eta polliki kondatzen zituen, Antonio Zavala Auspoa argitaletxeko zuzendariak azkarki sustatu zuen hitz laxoan ere idaztera, eta harek dizkio liburuak argitaratu. A.Zavalak bultzaturik urte ainitzez artikuluak idatzi zituen “Diario Vasco”n. Egunkari hartan, euskarazko artikulu bakarrak Lasarterenak izaiten omen ziren.
“Lazkao Txiki gogoan” eta “Uztapide go-goan”, eta geroxago “beranduko lanak” beste hiru liburu idatzi zituen. Beraz, Lasarteren obra eskuragarri gelditzen da. Hots, desagertzen ari diren bizimoldeen lekuko paregabea!
Norat goatzin jakiteko on baitugu nundik heldu giren jakitea, milesker Manuel utzi diguzun lan oparoarentzat! Zure Familiak eta oroz gainetik zure seme bakar bertsulari Eusebiok jakin bezate heien doluminean parte hartzen dugula!
Jean-Louis Laka
Indépendant, sans pub, en accès libre,
financé par ses lecteurs
Faites un don à Enbata.info
ou abonnez-vous au mensuel papier
Les temps sont difficiles, et nous savons que tout le monde n’a pas la possibilité de payer pour de l’information. Mais nous sommes financés par les dons de nos lectrices et lecteurs, et les abonnements au mensuel papier : nous dépendons de la générosité de celles et ceux qui peuvent se le permettre.
« Les choses sans prix ont souvent une grande valeur » Mixel Berhocoirigoin
Cette aide est vitale. Grâce à votre soutien, nous continuerons à proposer les articles d'Enbata.Info en libre accès et gratuits, afin que des milliers de personnes puissent continuer à les lire chaque semaine, pour faire ainsi avancer la cause abertzale et l’ancrer dans une perspective résolument progressiste, ouverte et solidaire des autres peuples et territoires.
Chaque don a de l’importance, même si vous ne pouvez donner que quelques euros. Quel que soit son montant, votre soutien est essentiel pour nous permettre de continuer notre mission.
Pour tout soutien de 50€/eusko ou plus, vous pourrez recevoir ou offrir un abonnement annuel d'Enbata à l'adresse postale indiquée. Milesker.
Si vous êtes imposable, votre don bénéficiera d’une déduction fiscale (un don de 50 euros / eusko ne vous en coûtera que 17).
Independentea, publizitaterik gabekoa, sarbide irekia, bere irakurleek diruztatua
Enbata.Info-ri emaitza bat egin
edo harpidetu zaitezte hilabetekariari
Garai gogorrak dira, eta badakigu denek ez dutela informazioa ordaintzeko ahalik. Baina irakurleen emaitzek eta paperezko hilabetekariaren harpidetzek finantzatzen gaituzte: ordaindu dezaketenen eskuzabaltasunaren menpe gaude.
«Preziorik gabeko gauzek, usu, balio handia dute» Mixel Berhocoirigoin
Laguntza hau ezinbestekoa zaigu. Zuen sustenguari esker, Enbata.Info artikuluak sarbide librean eta urririk eskaintzen segituko dugu, milaka lagunek astero irakurtzen segi dezaten, hola erronka abertzalea aitzinarazteko eta ikuspegi argiki aurrerakoi, ireki eta beste herri eta lurraldeekiko solidario batean ainguratuz.
Emaitza oro garrantzitsua da, nahiz eta euro/eusko guti batzuk eman. Zenbatekoa edozein heinekoa izanik ere, zure laguntza ezinbestekoa zaigu gure eginkizuna segitzeko.
50€/eusko edo gehiagoko edozein sustengurentzat, Enbataren urteko harpidetza lortzen edo eskaintzen ahalko duzu zehaztuko duzun posta helbidean. Milesker.
Zergapean bazira, zure emaitzak zerga beherapena ekarriko dizu (50 euro / eusko-ko emaitzak, 17 baizik ez zaizu gostako).