Azken denbora hauetan ikusirik Espainiako bi alderdi nagusiek terrorismoaren aurkako itun berri bat izenpetu dutela, harriturik gelditu dira, bai politikari batzuk, baita jende arrunt frango ere.
Orain arte Espainiako gobernuek egindako tankera honetako itunak ETA aritzen zen borroka armatuaren kontra ziren, bainan ETA-k alde bakarreko eta betiko sueten bat aldarrikatu ondoren, ulert daiteke dokumentu berria ez dela Euskal Herrian egiten den nazio aldarrikapenaren kontra egina izan. Bainan gauza hain argia ez da.
Tranzizio luze honetan ez da lehengo aldiz itun antiterrorista bat egiten dutela, eta berri baten egiteak, iduriz, ez du zentzurik, ala aurrekoak betiko baztertuak izan direla pentsa daiteke.
Estatu Islamistak antolatu atentatuetan ba omen du haren sustraia itun berri horrek, eta bereziki urtearen hasieran Charlie-Hebdo kazetari eta marrazkilarien erahilketan.
Azken denboretan, mehatxu islamista ez da Espaniako Estatuan Frantziakoan bezain handia, arrisku batzuk badirela aitortu behar arren.
Atentatu islamista bakarra eta bortitza, dakigunez, 2004 urteko martxoan gertatu zen Madrilen, bainan gauza arraroa da hameka urtez beranduago itun berri hori egin nahi izatea.
Askoz zilegiago izanen zen garai hartantxe egin izana, bainan sarraskiaren egilea ETA zen ala ez zenik polemikak Espainiako alderdietatik azkarrenak elkarren aurka jarri zituen.
2004-eko atentatuaren zergaitikoak Jose Maria Aznar garaiko lehen ministroak ongi ezagutzen zituen: Cortes-en adostasunaren aurka, Bush eta Blairekin batera Espainiako osteak Irakera igorri izana zen, eta dudarik gabe, egokituko zitzaion Aznarrari ETA horren egilea izan balitz. Bainan haren zoritxarrez ez zen hala gertatu eta hauteskundeak galdu zituen.
Gaurko egunetan aldiz, ia-hauteskundeen bezperan gaude, eta “Dana ETA ren kulpa » delako lemak ez du zentuzurik borroka armaturik ez delakoan.
Bainan Espainiako alderdi zaharrei bildurra ematen dioten beste faktore batzuk badira: kinka ekonomikoa; PODEMOS-en igoera; Katalunian eta Euskal Herrian indar abertzaleen aurrerapenak. Naski, horri monarki post frankistaren gorabeherak gehitu behar zaizkio. Horretaz gainera Parot dotrinaren kontrako Europako Giza Hauzitegiaren ebazpenak kolpe gogorra eman dio Espainiako «ingenieria juridikoa» delakoari.
Edozein estatu demokrazi-zaletan lege antiterrorista baten eratzea ez da bakarrik alderdi nagusi bien afera, botere juridikoarena baizik. Frantziako klase politikoak batasunaren froga egin zuen 2012-ko apirilan eta urte horren hasieran, Merah eta Charlie-Hebdo kasuetan hurrenez-hurren, azken horretan FN-ak, berak bakarrik ezagutzen dituen zioengatik, peto bat egin arren. Espainiako alderdietatik handienak, besteekin elkarrhizketatu gabe egin dute opozizioko besteak baztertuz, funtsean, nire aburuz, demokraziaren kontra doana.
Lege berri hau egiteko PP-ak eta PSOE-ak, nire ustez, gaurko egoera baliatzen dute Espainiako «Codigo Penal» delako hori alda eta gogor ditzaten. Europako Auzitegiak eraginda, ETA kide asko aske uzteko beharrak AVT-ko hasarrea piztu du, eta naski Espainiako Gobernuak haien botoak ez ditu galdu nahi.
Indépendant, sans pub, en accès libre,
financé par ses lecteurs
Faites un don à Enbata.info
ou abonnez-vous au mensuel papier
Les temps sont difficiles, et nous savons que tout le monde n’a pas la possibilité de payer pour de l’information. Mais nous sommes financés par les dons de nos lectrices et lecteurs, et les abonnements au mensuel papier : nous dépendons de la générosité de celles et ceux qui peuvent se le permettre.
« Les choses sans prix ont souvent une grande valeur » Mixel Berhocoirigoin
Cette aide est vitale. Grâce à votre soutien, nous continuerons à proposer les articles d'Enbata.Info en libre accès et gratuits, afin que des milliers de personnes puissent continuer à les lire chaque semaine, pour faire ainsi avancer la cause abertzale et l’ancrer dans une perspective résolument progressiste, ouverte et solidaire des autres peuples et territoires.
Chaque don a de l’importance, même si vous ne pouvez donner que quelques euros. Quel que soit son montant, votre soutien est essentiel pour nous permettre de continuer notre mission.
Pour tout soutien de 50€/eusko ou plus, vous pourrez recevoir ou offrir un abonnement annuel d'Enbata à l'adresse postale indiquée. Milesker.
Si vous êtes imposable, votre don bénéficiera d’une déduction fiscale (un don de 50 euros / eusko ne vous en coûtera que 17).
Independentea, publizitaterik gabekoa, sarbide irekia, bere irakurleek diruztatua
Enbata.Info-ri emaitza bat egin
edo harpidetu zaitezte hilabetekariari
Garai gogorrak dira, eta badakigu denek ez dutela informazioa ordaintzeko ahalik. Baina irakurleen emaitzek eta paperezko hilabetekariaren harpidetzek finantzatzen gaituzte: ordaindu dezaketenen eskuzabaltasunaren menpe gaude.
«Preziorik gabeko gauzek, usu, balio handia dute» Mixel Berhocoirigoin
Laguntza hau ezinbestekoa zaigu. Zuen sustenguari esker, Enbata.Info artikuluak sarbide librean eta urririk eskaintzen segituko dugu, milaka lagunek astero irakurtzen segi dezaten, hola erronka abertzalea aitzinarazteko eta ikuspegi argiki aurrerakoi, ireki eta beste herri eta lurraldeekiko solidario batean ainguratuz.
Emaitza oro garrantzitsua da, nahiz eta euro/eusko guti batzuk eman. Zenbatekoa edozein heinekoa izanik ere, zure laguntza ezinbestekoa zaigu gure eginkizuna segitzeko.
50€/eusko edo gehiagoko edozein sustengurentzat, Enbataren urteko harpidetza lortzen edo eskaintzen ahalko duzu zehaztuko duzun posta helbidean. Milesker.
Zergapean bazira, zure emaitzak zerga beherapena ekarriko dizu (50 euro / eusko-ko emaitzak, 17 baizik ez zaizu gostako).