Eskualde hauteskundetan hautagai izaiteko engaiamendua hartu dut. Abertzale ez den ezkerreko zerrenda batean nere burua kokatu dut euskaldun, ezkerreko eta abertzale gisa. Eta aitortu behar dizuet kokapen arras aberatsgarria bihurtu zaidala, puntaren puntan bozka emaitza edozoin izanikan ere.
Idekidura politikoa aspaldi huntarik beharrezkoa dela hauteskunde mota batean konbentzitua nintzan. Bizi izan dutan esperientzia hunek indarberritu baizik ez du sinesmen hori. Ezkerreko ikuspegi abertzale batek posible du bere lekua izaitea abertzalea ez den sozialista zerrenda batean.
Egitarau eta eskakizun programatikoak osatzeko mementoan aski errexki eta naturalki kokatu izan ditugu betitik nereak diren oinarrizko punduak. Ez denak bixtan dena, bainan hainbat bai. Hauteskunde horren kontestu orokorra ikusi eta, lortu dugu programa ez demagogiko eta ez klientelista baten inguruan ados jartzea.
Eskuinak eta eskuin muturrak ez bezala, osatu dugun hauteskunde eskakizunak ez dira beldurraren edo amentsetako kontuen lilurakerietan oinarritzen.
Ez naiz business plan batean engaiatu, baizik eta ekintza publikoan zentratzen den norabide batean. Ez naiz engaiatu zerbitzu publikoa guttitzeko plan sozial bat oinarri duen zerrenda batean baizik eta herritarrentzat eraikia izan den plan egingarri batean.
Eguneroko erreforma egingarri bezain ausart eta partekatuan oinarritzen den politika helburu duen zerrenda batean.
Ikusmolde propioa eta askatasun osoa
Alabainan iduritzen zait Ipar Euskal Herriak, nahi ala ez bere lekua eta eskakizunak kokatzeko parada izan beharko duela Eskualde administratibo eta politiko hortan ere. Sortzear den Euskal Herri Elkargoak lagunduko du hortan nolaz ez. Alain Rousset berak ere ulertua du hori. Eskualde berri hortako bigarren indar politikoa bilakatzea ez da gauza arrunta eta guttiestekoa.
Agian aski fite ulertu behar dute ebidentzia hori Bordelen. Entzuna edo entzunaraziko den abotsa izanen da Euskal Herrikoa.
Eskakizun egingarri eta konkretuetan sinesten dutalako naiz engaiatzen hauteskunde horietan. Uste baitut hurbiltasuna ahal dela konkretizatu ezkerreko ikuspegitik abertzale gisa, abertzalea ez den zerrenda batean. Uste baitut ahal dela kontraktualizatu
lurraldeen beharrak kondutan hartuz.
Engaiatu naiz uste baitut ahal dela eskualde egituraketa hortan hurbileko hautetsi izan molde partehartzailean eta kontsentsuzko adostasunak lortuz hainbat eskakizunen artean. Engaiatu naiz nere ikusmolde propioa eta askatasun osoa ukanez Euskal Herriari doazkion hainbat gai korapilotsuetan.
Zerrenda hortan engaiatu naiz sinesten baitut egingarri dela lurralde antolaketa ausart bat bultzatzea Euskal Herriarentzat ere Eskualde hortarik, hemen bertan sortuko den Elkargotik bezala funtsean. Tarte oraino aski luze batean bi egituraketa politiko hauetatik osatuko baitira Ipar Euskal Herriari doazkion norabide ekonomiko, sozial eta kulturalak adibidez.
Engaiatu naiz zerrenda hortan uste baitut molde konkretuan ahal dela borrokatu langabezia urratska apalarazteko formakuntza eta enplegu politika ausart baten medioz.
Engaiatu naiz abertzale eta sozialista gisa sinesten baitut beharrezkoa dela sustengatzea eta lehenestea ekonomia sozial eta solidarioa bere forma guzietan: insertzioa, elkarte bizia, ekonomia partehartzaile zirkularra eta kooperatiboa bultzatuz.
Engaiatu naiz zerrenda hortan uste baitut Euskal Herriko Laborantza Ganbarako kide gisa ahalko direla laborantza herrikoi eta iraunkorraren saila eta ildoak hobekiago garratu, beharrezko elkarlan plangintza bat osatuz Eskualdea eta tokiko hainbat eragileen artean.
Ekinbide politiko partekatua
Zerrenda hortako partaideekin engaiatzen naiz helduden primaderatik Nafarroari ongi etorria egin duen Euroeskualdean Euskal Herriko zazpi lurraldeen bizkarhezurtze lan bat osatzea, eragile ezberdinen artean abertzale ikuspegi batetik.
Engaiatu naiz abertzaleak ez diren ezkerreko hautagai batzuekin haiekin bat egiten baitut nolabaiteko bizi kalitate bat eta elkartasunezko ekintza publikoak bultzatzeko, sozial eta kultur politiken buxetak fermuki mantenduz.
Orohar engaiatu naiz uste baitut Eskualdeko instituzione hortan ere, beste hainbat erabakigunetan bezala funtsean beharrezkoa dela ezkerreko ikuspegi politiko bat amankomunean duten abertzale eta ez abertzaleak batzea kontsentsuzko hainbat punduren inguruan. Ekinbide politiko partekatu batean elkar hobekiago ezagutzen delako lehenik, ondotik elkar hobekiago errespetatzeko.
Engaiatu naiz uste xumea baitut gisa hortako eskemen bidez ere bide berriak eta ausartak ahal direla landu biharko Euskal Herriko egituraketa berri batean akordio politiko eta programatikoak lantzeko eta bideratzeko.
Engaiatu naiz ezkerreko zerrenda hortan, ez pentsatuz egia osoaren jabe pribiligiatua nintzelako uste espantugarriarekin baizik eta egia parte baten molde partekatu bati bide emaiteko. Hauteskunde baten karietarat eta zergatik ez epe luzeagoan ere, herritar bozkatzaileak hala erabakitzen badu behintzat…
Indépendant, sans pub, en accès libre,
financé par ses lecteurs
Faites un don à Enbata.info
ou abonnez-vous au mensuel papier
Les temps sont difficiles, et nous savons que tout le monde n’a pas la possibilité de payer pour de l’information. Mais nous sommes financés par les dons de nos lectrices et lecteurs, et les abonnements au mensuel papier : nous dépendons de la générosité de celles et ceux qui peuvent se le permettre.
« Les choses sans prix ont souvent une grande valeur » Mixel Berhocoirigoin
Cette aide est vitale. Grâce à votre soutien, nous continuerons à proposer les articles d'Enbata.Info en libre accès et gratuits, afin que des milliers de personnes puissent continuer à les lire chaque semaine, pour faire ainsi avancer la cause abertzale et l’ancrer dans une perspective résolument progressiste, ouverte et solidaire des autres peuples et territoires.
Chaque don a de l’importance, même si vous ne pouvez donner que quelques euros. Quel que soit son montant, votre soutien est essentiel pour nous permettre de continuer notre mission.
Pour tout soutien de 50€/eusko ou plus, vous pourrez recevoir ou offrir un abonnement annuel d'Enbata à l'adresse postale indiquée. Milesker.
Si vous êtes imposable, votre don bénéficiera d’une déduction fiscale (un don de 50 euros / eusko ne vous en coûtera que 17).
Independentea, publizitaterik gabekoa, sarbide irekia, bere irakurleek diruztatua
Enbata.Info-ri emaitza bat egin
edo harpidetu zaitezte hilabetekariari
Garai gogorrak dira, eta badakigu denek ez dutela informazioa ordaintzeko ahalik. Baina irakurleen emaitzek eta paperezko hilabetekariaren harpidetzek finantzatzen gaituzte: ordaindu dezaketenen eskuzabaltasunaren menpe gaude.
«Preziorik gabeko gauzek, usu, balio handia dute» Mixel Berhocoirigoin
Laguntza hau ezinbestekoa zaigu. Zuen sustenguari esker, Enbata.Info artikuluak sarbide librean eta urririk eskaintzen segituko dugu, milaka lagunek astero irakurtzen segi dezaten, hola erronka abertzalea aitzinarazteko eta ikuspegi argiki aurrerakoi, ireki eta beste herri eta lurraldeekiko solidario batean ainguratuz.
Emaitza oro garrantzitsua da, nahiz eta euro/eusko guti batzuk eman. Zenbatekoa edozein heinekoa izanik ere, zure laguntza ezinbestekoa zaigu gure eginkizuna segitzeko.
50€/eusko edo gehiagoko edozein sustengurentzat, Enbataren urteko harpidetza lortzen edo eskaintzen ahalko duzu zehaztuko duzun posta helbidean. Milesker.
Zergapean bazira, zure emaitzak zerga beherapena ekarriko dizu (50 euro / eusko-ko emaitzak, 17 baizik ez zaizu gostako).