Duela ia urte bat irabazi zituen Frantziako hauteskundeak François Hollandek. Eta Euskal Herrian berean, PSko kideez aparte ere, bazen bozkariatu zen jendea. Pentsatzen dut garaipen hura ospatu zuten aberzaleek bereziki Sarkozyren porrota zutela ospatu; baina, nahi hala ez, itxaropen zerbait piztu zuen Hollanderen garaipenak. Beste batzuek 1981ekoa zuten gogoan: orduan sekulako poza izan zuten abertzaleek, euskal departamendua hitz eman zuen François Mitterrand-ek irabazi zuelako. Irriak laster sartu zitzaizkien, Frantziako presidente berriak hitza jan zuelako. Baina orduan, Ipar Euskal Herriko hautetsien gehiengoa proiektu haren kontra agertu zen, eta hori izan zen arrazoia edo aizakia departamendurik ez emateko.
Orain beste testuinguru batean gaude: lurralde elkargo baten aldeko adostasuna zinez zabala da, borroka armatuaren aroa bururatua da, Frantziak dezentralizazio erreferma handi bat egin beharra du 2014rako… Ez ditu arrazoiak falta, behingoagatik, Ipar Euskal Herriari ezagupena onartzeko. Eta hara non Manuel Valls Frantziako Barne Ministroak bazterrak inarrosi zituen, eskaera horri ezezko gogor bat emanez, gauzak ETArekin nahasiz eta abar. Dena ez da trenkatua, baina Vallsek doinua emana du: ez da fandangoa izanen.
Valls katalana da sortzez, eta hogei urterekin lortu zuen frantziar nazionalitatea, 1982an. Katalana izanagatik, ez da nehoiz agertu Kataluniaren alde Espainiaren parean. 1985ean, 23 urte baizik ez zituela, Frantziako Giza Eskubideen Liga erakundea utzi zuen, erakunde horrek gaitzetsi zuenean ETAko errefuxiatu batzuk Espainiara estraditatzea. Frantziako Barne Ministroa ez da edozein frantses jakobino, Espainiarekin lotura zuzena dauka, eta beraz Euskal Herriaz daukan ikuspegia ere berezia da. Eta postu aski garrantzitsua dauka Frantziako Gobernuan, euskaldunen edozein itxaropen zapuztu ahal izateko.
Ez omen zuen deus ikustekorik Aurore Martinen atxiloketarekin. Nahi duenak sinets beza. Baina lurralde elkargoari buruzko adierazpenetatik egun gutxira nola atxilotu zuten ikusiz, dudak ukaitea zilegi da. Hendaiako ikastolaren inguruan sortu zen zalapartatik ere ez bide zen biziki urrun ibili. Martxoan jakin dugu hizkuntza gutxituen euroagiria ez duela berretsiko Frantziak. Alta, hori hitz emana zuen Hollandek.
Urte bat baizik ez da iragan, eta Hollanderen gobernuak dezepzioak baizik ez dizkigu eman. Harritu behar dugu? Beharbada ez, baina gogora ekar dezagun, berriz ere, testuingurua aldatu dela, eta bake prozesuaren aitzinamenduaren arabera batetik, eta Iparraldeko mugimendu politiko eta sozialaren garapenarekin bestetik, mementoko ezezkoak ez direla behin betikoak izanen, agian.
Indépendant, sans pub, en accès libre,
financé par ses lecteurs
Faites un don à Enbata.info
ou abonnez-vous au mensuel papier
Les temps sont difficiles, et nous savons que tout le monde n’a pas la possibilité de payer pour de l’information. Mais nous sommes financés par les dons de nos lectrices et lecteurs, et les abonnements au mensuel papier : nous dépendons de la générosité de celles et ceux qui peuvent se le permettre.
« Les choses sans prix ont souvent une grande valeur » Mixel Berhocoirigoin
Cette aide est vitale. Grâce à votre soutien, nous continuerons à proposer les articles d'Enbata.Info en libre accès et gratuits, afin que des milliers de personnes puissent continuer à les lire chaque semaine, pour faire ainsi avancer la cause abertzale et l’ancrer dans une perspective résolument progressiste, ouverte et solidaire des autres peuples et territoires.
Chaque don a de l’importance, même si vous ne pouvez donner que quelques euros. Quel que soit son montant, votre soutien est essentiel pour nous permettre de continuer notre mission.
Pour tout soutien de 50€/eusko ou plus, vous pourrez recevoir ou offrir un abonnement annuel d'Enbata à l'adresse postale indiquée. Milesker.
Si vous êtes imposable, votre don bénéficiera d’une déduction fiscale (un don de 50 euros / eusko ne vous en coûtera que 17).
Independentea, publizitaterik gabekoa, sarbide irekia, bere irakurleek diruztatua
Enbata.Info-ri emaitza bat egin
edo harpidetu zaitezte hilabetekariari
Garai gogorrak dira, eta badakigu denek ez dutela informazioa ordaintzeko ahalik. Baina irakurleen emaitzek eta paperezko hilabetekariaren harpidetzek finantzatzen gaituzte: ordaindu dezaketenen eskuzabaltasunaren menpe gaude.
«Preziorik gabeko gauzek, usu, balio handia dute» Mixel Berhocoirigoin
Laguntza hau ezinbestekoa zaigu. Zuen sustenguari esker, Enbata.Info artikuluak sarbide librean eta urririk eskaintzen segituko dugu, milaka lagunek astero irakurtzen segi dezaten, hola erronka abertzalea aitzinarazteko eta ikuspegi argiki aurrerakoi, ireki eta beste herri eta lurraldeekiko solidario batean ainguratuz.
Emaitza oro garrantzitsua da, nahiz eta euro/eusko guti batzuk eman. Zenbatekoa edozein heinekoa izanik ere, zure laguntza ezinbestekoa zaigu gure eginkizuna segitzeko.
50€/eusko edo gehiagoko edozein sustengurentzat, Enbataren urteko harpidetza lortzen edo eskaintzen ahalko duzu zehaztuko duzun posta helbidean. Milesker.
Zergapean bazira, zure emaitzak zerga beherapena ekarriko dizu (50 euro / eusko-ko emaitzak, 17 baizik ez zaizu gostako).