par 
Mizel Bergouignan joan zauku eta trixte gira… Bapatean joan zauku, eta sesituak gira… Euskal Herria zuen helburu, alde guzietarik zerbitzatu du!
Laborantza mailan, haste hastetik ELB-ko militante izan da, kalitatezko mahastigintzan inplikatua eta balio gehigarri sortzaile. Euskal Herriko Laborantza Ganbarako administrazio kontseiluko kide zen « Hemen Herrikoa » ren izenean.
Euskal Herriaren ekonomi orokorra zuen bere kezka. Baterako kide zen ere… Hots, eraikuntza sail guzietan hor zen, baztertu gabe politika edo kultura…
Eta, nola ez aipa, Luhusoko pausoarekin gure bideak nola berriz kurutzatu ziren, manera ezinago berezian, Euskal Herriko bake prosesuaren alde ! Hurbil hurbiletik bizi izan ditugu momento zinez intensoak, grabatuak geldituko direnak bihotzean…
Bihotz oneko militante osoa zen Mizel eta araberako agurra zor diogu !
Gogoan dugu ere penetan gelditzen den familia: dolumin bizienak zueri, tristura eta hutsunearen lehen lerroan zaretener. gure sentimenduak zuer doatzi…
Mixel Berhocoirigoin
Mizel Bergouignan joan zauku.
Etxauziako arima, gure elkarteko kide maitea. gugan biziko zira betiko.
‘Mizel’
Hire ustegabeko heriotza, Mizel, ximista bat bezala sartu zaukuk bihotzeraino.
Duela hamabost egun, Bilbon hintzan gurekin, Etxauzia proiektua aurkezten.
Duela aste bat berriz, Ortzaizen parte hartu hukan, bakearen artisau gisa, Basaizeak antolatu « herria eraiki » mahainguruan. Bi egun ere ez dituk joan azken aldiz ikusi hintugunetik. Nafarroaren Egunean. Elizako plazan, umore onean, osagarria untsa ez, baina halere, urteroko itxuliñoa egin nahi izan hukan.
Ez dakik untsa zonbat mintzen gaituen hire partitzeak. Zonbat sumatuko dugun hire falta Baigorrin eta Euskal Herrian, ez duk erretx hitzez azaltzen.
Mendi baten tamainako hutsunea utziko duk gure artean, Mizel, hi ere, mendi bat bezain handia izan haizelako. Baigorrialdeko mendi bat, horixe izanen haiz beti, Mizel. Jakintsua. Lanerako laguna. Entzuten dakiena. Beti hor dena. Eta besteok galduak giren aldietan, paisaia guzia kolpe bakarrean ikusteko so lasaia duena. Baina, mendiak zubi ere izaiten dituk batzutan. Eta horietakoa haukagu hi.
Euskal Herria bitan zatitzeko ezarri daukuten muga faltsua behin eta berriz hautsi duen Baigorriko mendia: AUZA kaskoa.
« Herria eraiki » zian izena apirilaren 26ko Ortzaizeko mahainguruak. Eta hori bera egin duk hik bizitza osoan. Atsedenik gabe, ekonomian, politikan, kulturan… herria eraiki, azken hatsera arte. Etxauzia zabal eta bizi bat amesten hukan, Iparralde barnekaldea piztu eta ekonomikoki biziaraziko zuena, Euskal Herri aske eta euskaldun batean.
Hi gabe, nekezago izanen dituk lan guzi horiek, Mizel, baina ez duda bururaino eremanen ditugula. Herria eraikitzen segiko diagu. Hik nahiko hukeen bezala. Eta noizbait noraezean, edo galdurik sentitzen bagaituk, Auza mendira itzuliko diagu begirada, hire kontseilu on bat entzuteko prest. Adiorik ez, adiskidea.
Anje Arregi (Etxauzia Nafartarren Etxearen lehendakaria)
Indépendant, sans pub, en accès libre,
financé par ses lecteurs
Faites un don à Enbata.info
ou abonnez-vous au mensuel papier
Les temps sont difficiles, et nous savons que tout le monde n’a pas la possibilité de payer pour de l’information. Mais nous sommes financés par les dons de nos lectrices et lecteurs, et les abonnements au mensuel papier : nous dépendons de la générosité de celles et ceux qui peuvent se le permettre.
« Les choses sans prix ont souvent une grande valeur » Mixel Berhocoirigoin
Cette aide est vitale. Grâce à votre soutien, nous continuerons à proposer les articles d'Enbata.Info en libre accès et gratuits, afin que des milliers de personnes puissent continuer à les lire chaque semaine, pour faire ainsi avancer la cause abertzale et l’ancrer dans une perspective résolument progressiste, ouverte et solidaire des autres peuples et territoires.
Chaque don a de l’importance, même si vous ne pouvez donner que quelques euros. Quel que soit son montant, votre soutien est essentiel pour nous permettre de continuer notre mission.
Pour tout soutien de 50€/eusko ou plus, vous pourrez recevoir ou offrir un abonnement annuel d'Enbata à l'adresse postale indiquée. Milesker.
Si vous êtes imposable, votre don bénéficiera d’une déduction fiscale (un don de 50 euros / eusko ne vous en coûtera que 17).
Independentea, publizitaterik gabekoa, sarbide irekia, bere irakurleek diruztatua
Enbata.Info-ri emaitza bat egin
edo harpidetu zaitezte hilabetekariari
Garai gogorrak dira, eta badakigu denek ez dutela informazioa ordaintzeko ahalik. Baina irakurleen emaitzek eta paperezko hilabetekariaren harpidetzek finantzatzen gaituzte: ordaindu dezaketenen eskuzabaltasunaren menpe gaude.
«Preziorik gabeko gauzek, usu, balio handia dute» Mixel Berhocoirigoin
Laguntza hau ezinbestekoa zaigu. Zuen sustenguari esker, Enbata.Info artikuluak sarbide librean eta urririk eskaintzen segituko dugu, milaka lagunek astero irakurtzen segi dezaten, hola erronka abertzalea aitzinarazteko eta ikuspegi argiki aurrerakoi, ireki eta beste herri eta lurraldeekiko solidario batean ainguratuz.
Emaitza oro garrantzitsua da, nahiz eta euro/eusko guti batzuk eman. Zenbatekoa edozein heinekoa izanik ere, zure laguntza ezinbestekoa zaigu gure eginkizuna segitzeko.
50€/eusko edo gehiagoko edozein sustengurentzat, Enbataren urteko harpidetza lortzen edo eskaintzen ahalko duzu zehaztuko duzun posta helbidean. Milesker.
Zergapean bazira, zure emaitzak zerga beherapena ekarriko dizu (50 euro / eusko-ko emaitzak, 17 baizik ez zaizu gostako).