Enbata Hilabetekariko Sar Hitza
Espainiako konstituzioak garbi dio Espainia “zatiezina” dela. Hori da Espainiaren zutabe nagusia. Hori gabe, gainbehera eror liteke. Horregatik, Espainiak ez du nehoiz onartuko, bere konstituzioaren atal hori aldatzea. Ez da, beraz, sekula posible izanen Espainiarekin adostea independentziari buruzko erreferendumik, erreferenduma egitea bera “zatiezintasun” hori dudan jartzea bailitzateke.
Espainia eraiki zen konkista bidez, besteak beste Katalunia eta Euskal Herria bereganatuz eta mendez mende kolonizatuz. Armekin eta bortizki, bistan da. Zuzen-kontra okupatzen dituen lur horiek aise gal litzake, konstituzioaren artikulu hori gabe. Soka gisa erabiltzen du bere legea. Baina eztabaida juridikoak balio guti du Kataluniako auzian. Hasteko, arazoa ez baita juridikoa, baizik eta politikoa.
Espainolek beti jartzen dute legea mahai gainean, eztabaida politikotik ihes egiteko. Bistan da, beren legea. Lege horrek ez du baliorik Katalunian eta Euskal Herrian, bi herri horiek menean atxikitzea duelako helburu. Kataluniak eta Euskal Herriak ez dute konstituziorik, estatua bahitu zietelako aspaldi. Konstituzioa balute, hain segur, konstituzio horrek aldarrikatuko luke Katalunia eta Euskal Herria herri askeak direla eta ez dagoela beste estaturik haien gainetik jar litekeenik. Ez Frantziak, ez Espainiak ez beste estatu bakar batek ere ez luke onartuko ondoko herriaren armada bere lurretan sartzerik.
Herriek berez dute aske izateko eskubidea. Haatik, independentziaren aldeko erreferenduma egin baledi askatasuna eta herri izaera ukatzen dizkion estatuaren legediaren arabera, erreferendum hori ez litzateke askea. Ez litzateke askea, estatu horren okupazioak mendeetan zehar izan duen eraginak, memento honetako administrazioak, poliziak, armadak, hedabideek, propagandak, laguntza sozialen antolaketak eta abarrek emaitza faltsutuko luketelako. Hots, ez litzateke demokratikoa. Ez da aski bozkatzea, demokrazia bermatzeko. “Pertsona bat=berdin bozka bat” ez da gauza bera herri aske batean edo herri zapaldu batean. “Herriaz” aritu beharrean “gizarteaz” ari bagara, hala nola norbanakoen borondateen batuketa batez, ez kontuan hartuz zapaltzaileak daukan eragina norbanako horien kontzientzian eta herriko demografian, ez gaude prozesu askatzaile batean.
Kataluniaren indarra da azken hamarkadetan, isil-isila eta apaltasunez, estatu bat eraikitzen aritu direla. Mentalki deskolonizatu direla. Oharkabean, hizkuntza politika sendo bat altxatu dute, komunikabide sisteman aitzinatuak dira, hezkuntzan berdin… Estatu logika batekin funtzionatzen duen herria da, nahiz eta oraino independentziarik ez duen. Egia da azken hamar urteetan Espainiako Gobernuak eta auzitegiek katalanen borondateari erakutsi dioten mespretxuak eragin duela independentismoa ikaragarri haztea. Lehenago ez zen hainbesteko indarrik independentziaren alde. Baina katalanek azpiko lan sakon hori ez balute egin, independentismoa ez zen hain aise loratuko.
Horregatik, lehenik lan egin behar da estatuek lotzen gaituzten soketatik libratzeko, korapiloak banaka-banaka askatzeko. Askatasuna ezinbesteko baldintza baita demokrazia lortzeko. Herri batean, zenbat eta pertsona, talde, elkarte, enpresa edo erakunde aske gehiago izan, orduan eta indar handiagoa dago independentziara buruz bidea egiteko. Aske izatea da Espainiaren eta Frantziaren logikatik urruntzea, haien propagandari kasurik ez egitea, euskaraz bizitzea, herriaren batasunetik aritzea, gure sistema ekonomikoa sendotzea… Eta ahalkerik gabe, gehiengoak pentsa lezakeenaren kezkarik gabe.
Indépendant, sans pub, en accès libre,
financé par ses lecteurs
Faites un don à Enbata.info
ou abonnez-vous au mensuel papier
Les temps sont difficiles, et nous savons que tout le monde n’a pas la possibilité de payer pour de l’information. Mais nous sommes financés par les dons de nos lectrices et lecteurs, et les abonnements au mensuel papier : nous dépendons de la générosité de celles et ceux qui peuvent se le permettre.
« Les choses sans prix ont souvent une grande valeur » Mixel Berhocoirigoin
Cette aide est vitale. Grâce à votre soutien, nous continuerons à proposer les articles d'Enbata.Info en libre accès et gratuits, afin que des milliers de personnes puissent continuer à les lire chaque semaine, pour faire ainsi avancer la cause abertzale et l’ancrer dans une perspective résolument progressiste, ouverte et solidaire des autres peuples et territoires.
Chaque don a de l’importance, même si vous ne pouvez donner que quelques euros. Quel que soit son montant, votre soutien est essentiel pour nous permettre de continuer notre mission.
Pour tout soutien de 50€/eusko ou plus, vous pourrez recevoir ou offrir un abonnement annuel d'Enbata à l'adresse postale indiquée. Milesker.
Si vous êtes imposable, votre don bénéficiera d’une déduction fiscale (un don de 50 euros / eusko ne vous en coûtera que 17).
Independentea, publizitaterik gabekoa, sarbide irekia, bere irakurleek diruztatua
Enbata.Info-ri emaitza bat egin
edo harpidetu zaitezte hilabetekariari
Garai gogorrak dira, eta badakigu denek ez dutela informazioa ordaintzeko ahalik. Baina irakurleen emaitzek eta paperezko hilabetekariaren harpidetzek finantzatzen gaituzte: ordaindu dezaketenen eskuzabaltasunaren menpe gaude.
«Preziorik gabeko gauzek, usu, balio handia dute» Mixel Berhocoirigoin
Laguntza hau ezinbestekoa zaigu. Zuen sustenguari esker, Enbata.Info artikuluak sarbide librean eta urririk eskaintzen segituko dugu, milaka lagunek astero irakurtzen segi dezaten, hola erronka abertzalea aitzinarazteko eta ikuspegi argiki aurrerakoi, ireki eta beste herri eta lurraldeekiko solidario batean ainguratuz.
Emaitza oro garrantzitsua da, nahiz eta euro/eusko guti batzuk eman. Zenbatekoa edozein heinekoa izanik ere, zure laguntza ezinbestekoa zaigu gure eginkizuna segitzeko.
50€/eusko edo gehiagoko edozein sustengurentzat, Enbataren urteko harpidetza lortzen edo eskaintzen ahalko duzu zehaztuko duzun posta helbidean. Milesker.
Zergapean bazira, zure emaitzak zerga beherapena ekarriko dizu (50 euro / eusko-ko emaitzak, 17 baizik ez zaizu gostako).