par 
Elgarretaratzeak bihar, Ziburu, Lartzabale eta Kanbon Brebeta Euskaraz izan dadin.
Iaz bezala, Frantziako Hezkuntza ministeritzak ez du onartu Ziburuko Piarres Larzabal kolegioan, Kanboko Xalbador kolegioan, Larzabaleko Manex Erdozaintzi Etxart kolegioan 3.ean eskolatuak diren 188 ikasleek, eta Etxepare Lizeoko 3.Profesionalean diren 5 ikasleek Brebetako Zientzietako azterketa euskaraz egin ditzaten.
Brebeta osoki euskaraz izatea (frantses azterketa salbu, bistan dena) aspalditik lortu den urratsa da eta hori 90. hamarkadan izan zen mobilizatze azkarrari esker, garai hartako 3.eko ikasleak BEPC diplomarik ez baitzuten erdietsi, euskaraz idatzi zituzten kopiak ez baitziren zuzenduak izan. Geroztik, azterketak euskaraz egin dira. Baina kolegioen erreforma dela eta, Zientzien azterketa gehitu zen 2017 ekainean lehen aldiz, eta azterketa hori frantsesez egin dezaten nahi du Jean-Michel Blanquer ministroak.
Ikasgaiak ikasi hizkuntzan aztertuak izan daitezen eskubide bat baita, 2017 eta 2018an debeku eta presioen gainetik, 157 ikasleek euskaraz erantzun zuten Zientzietako azterketa. 2017an euskaldunak diren zientzietako zuzentzaileek zuzendu zituzten kopiak.
Baina 2018an ez zen halakorik posible izan, Ministerioak aginduz zientzietako gure 179 ikasleen kopiak bahituak izan baitziren, ez zitzaten zuzentzaile euskaldunek zuzendu. Azkenean zientzietako irakasle zuzentzaile frantsesek zuzendu zituzten euskarazko kopiak, deus konprenitu gabe, zuzenketa « zifra eta grafikoetara » mugatuz, azterketek merezi zutena baino anitzez nota apalagoak emanik.
Aurten ere, 193 ikasleek eta familiek azterketa horiek euskaraz egiteko xedea dute, nahiz eta ez diren zuzenduak izanen. Azpimarratzekoa da gaur egun Ipar Euskal Herrian diren 28 kolegio publiko eta pribatuetatik Zientziak edo biologia kurtsoak euskaraz emaiten direla kolegioen erdietan, beraz euskaraz edo frantsesez egiteko hautua izatea, geroz eta kolegio gehiagoren eskaria dela. Hizkuntza politikan aitzinatuz segitu behar dugu, ez gibelazka.
Jakinez gainera, heldu den urtetik goiti Baxoaren erreforma dela eta lehen aldiz Baxoan zientziak ere euskaraz egiten ahalko direla, ez du neholako zentzurik Brebetako zientziak ez euskaraz egiteko parada izaiteak.
Horretarako, 3 kolegioek elgarretartzeko deia egin dute biharko, Xalbador kolegioaren aitzinean 11.15etan, 12.00tan Manex Erdozaintzi Etxart kolegioaren aitzinean eta Piarres Larzabal kolegioaren aitzinean 12.45tan.
Ez, Euskara ez da etxerako mugatua den hizkuntza bat. Bai gaur egun onartua da irakaskuntzarako hizkuntza dela eta hezkuntza ministeritzak ez du oraindik barneratu azterketarako erabiltzen ahal den hizkuntza dela. Hezkuntza Kodeak baimentzen duen heinean(*), Ministroaren borondatea baizik ez da falta.
Bestalde, azterketak asteazkenean Donibane Lohizuneko Ravel kolegioan zuzenduko dituztela eta, Piarres Larzabaleko burasoek goizeko 9etan elgarretaratzeko deia zabaldu dute, gure ikasleen kopiak babestera.
(*) L 121-3 II Code de L’éducation : La langue de l’enseignement, des examens et concours, ainsi que des thèses et mémoires dans les établissements publics et privés d’enseignement est le français, sauf exceptions justifiées par les nécessités de l’enseignement des langues et cultures régionales.
Indépendant, sans pub, en accès libre,
financé par ses lecteurs
Faites un don à Enbata.info
ou abonnez-vous au mensuel papier
Les temps sont difficiles, et nous savons que tout le monde n’a pas la possibilité de payer pour de l’information. Mais nous sommes financés par les dons de nos lectrices et lecteurs, et les abonnements au mensuel papier : nous dépendons de la générosité de celles et ceux qui peuvent se le permettre.
« Les choses sans prix ont souvent une grande valeur » Mixel Berhocoirigoin
Cette aide est vitale. Grâce à votre soutien, nous continuerons à proposer les articles d'Enbata.Info en libre accès et gratuits, afin que des milliers de personnes puissent continuer à les lire chaque semaine, pour faire ainsi avancer la cause abertzale et l’ancrer dans une perspective résolument progressiste, ouverte et solidaire des autres peuples et territoires.
Chaque don a de l’importance, même si vous ne pouvez donner que quelques euros. Quel que soit son montant, votre soutien est essentiel pour nous permettre de continuer notre mission.
Pour tout soutien de 50€/eusko ou plus, vous pourrez recevoir ou offrir un abonnement annuel d'Enbata à l'adresse postale indiquée. Milesker.
Si vous êtes imposable, votre don bénéficiera d’une déduction fiscale (un don de 50 euros / eusko ne vous en coûtera que 17).
Independentea, publizitaterik gabekoa, sarbide irekia, bere irakurleek diruztatua
Enbata.Info-ri emaitza bat egin
edo harpidetu zaitezte hilabetekariari
Garai gogorrak dira, eta badakigu denek ez dutela informazioa ordaintzeko ahalik. Baina irakurleen emaitzek eta paperezko hilabetekariaren harpidetzek finantzatzen gaituzte: ordaindu dezaketenen eskuzabaltasunaren menpe gaude.
«Preziorik gabeko gauzek, usu, balio handia dute» Mixel Berhocoirigoin
Laguntza hau ezinbestekoa zaigu. Zuen sustenguari esker, Enbata.Info artikuluak sarbide librean eta urririk eskaintzen segituko dugu, milaka lagunek astero irakurtzen segi dezaten, hola erronka abertzalea aitzinarazteko eta ikuspegi argiki aurrerakoi, ireki eta beste herri eta lurraldeekiko solidario batean ainguratuz.
Emaitza oro garrantzitsua da, nahiz eta euro/eusko guti batzuk eman. Zenbatekoa edozein heinekoa izanik ere, zure laguntza ezinbestekoa zaigu gure eginkizuna segitzeko.
50€/eusko edo gehiagoko edozein sustengurentzat, Enbataren urteko harpidetza lortzen edo eskaintzen ahalko duzu zehaztuko duzun posta helbidean. Milesker.
Zergapean bazira, zure emaitzak zerga beherapena ekarriko dizu (50 euro / eusko-ko emaitzak, 17 baizik ez zaizu gostako).