Ekainaren 15ean euskal iheslariek Miarritzen egin zuten ekitaldian euskal gatazkaren beste ondorio bat ezarri ziguten bistara. Beti aipatzen dira presoak eta biktimak; gehienetan ahanzten dira etxetik ihesi joan zirenak edo aspaldi deportatu zituztenak. Konponbidearen baitan, iheslarien egoerak ere aterabidea behar duela azpimarratu zuten. Agerraldi hark Espainiako gobernuaren kexua sortu du: « argitu gabeko auzietako » iheslariak atxilotzeko eskaera egin zuen Fernandez Diaz Espainiako Barne ministroak; « inpunitaterik » ez dela izanen gehitu zuen Carlos Urquijo Espainiako gobernuak EAEn duen ordezkariak.
Herriak egia jakiteko ekimenak
Ez dira argitu gabe gelditu diren auzi bakarrak. Hain zuzen, iheslariek berek ere eskatu dute egia, iheslarien kolektiboak hamarkadetan zehar jasan dituen erasoen harira (Batallon Vasco Español, Triple A, GAL…). Edozein gatazka politikoren konponbidean, herriak egia jakiteko ekimenak ohikoak dira. Argitu gabe gelditu diren hilketak argitu behar dira; eta alde horretatik, Frantziako eta Espainiako Estatuek hainbat krimenetan izan zuten papera ere argitu behar da.
Fernandez Diazek beste zerbait ere ez du ongi ulertu: nahasi ditu sasian bizi diren ETAko kideak eta Ipar Euskal Herrian agerian bizi diren dozenaka iheslariak. Miarritzen bildu ziren iheslariek berek ohartarazi zuten haietarik askoren kontrako atxilotze aginduen oinarrian daudela torturen pean egindako adierazpenak batetik, eta mugimendu politikoen legez kanporatzean bestetik. Horiez gain daude aspaldiko urteetatik errefuxiatu gisa bizi direnak (batzuk errefuxiatu estatutuarekin, gehienak eskubiderik gabe), beren kontrako auzibideak preskribituak dituztenak.
Borroka armatua utzi arte
alderdi politiko gehienek
ETAren kontra bat egin zuten bezala,
orain alderdi politiko gehienek
bat egin behar dute PPri
eta Espainiako Gobernuari
jarrera aldarazteko
Egoera politikoa normalizatzeko
Torturapean egindako adierazpenetan oinarrituak diren auzipetzeak baztertzeko eta talde politikoetako militante izateagatik irekitako auziak gelditzeko eskatu zuten. Egoera politikoaren normaltzearen baitan, eskaera logikoa da. ETAk borroka armatua behin betiko utzi zuela iragarri zuenetik ia bi urte beteko dira laster, eta Espainiako eta Frantziako gobernuek ez dute neurririk hartu beren aldetik zuzengabekeria batzuk konpontzeko. Presoen arloan ez dute deus egin. Iheslarien eta deportatuen arloan, errazago izanen dute, borondatea baldin badute bederen.
Errefuxiatuak etxera itzultzen uztea, lehen urrats bat
Begi bistakoa da Espainiak gogor segitu nahi duela eta ez duela tutik eginen giroa lasaitzeari begira. Duela zenbait aste Bake Bideak presoei eskatu zien egindako mina aitor zezaten; Eusko Jaurlaritzak bake plana aurkeztu zuen eta 1960tik honako indarkeria politikoaren biktimen mapa bat egin zuen. Arnaldo Otegik berretsi du ezker abertzalearen bideak ez duela gibelera eginen eta aldebakarreko urratsak egiten segitu behar dutela. Baina ETAk borroka armatua utzi arte alderdi politiko gehienek ETAren kontra bat egin zuten bezala, orain alderdi politiko gehienek bat egin behar dute PPri eta Espainiako Gobernuari jarrera aldarazteko. Eta lehen urrats bat izan daiteke errefuxiatuak etxera itzultzen uztea.
Indépendant, sans pub, en accès libre,
financé par ses lecteurs
Faites un don à Enbata.info
ou abonnez-vous au mensuel papier
Les temps sont difficiles, et nous savons que tout le monde n’a pas la possibilité de payer pour de l’information. Mais nous sommes financés par les dons de nos lectrices et lecteurs, et les abonnements au mensuel papier : nous dépendons de la générosité de celles et ceux qui peuvent se le permettre.
« Les choses sans prix ont souvent une grande valeur » Mixel Berhocoirigoin
Cette aide est vitale. Grâce à votre soutien, nous continuerons à proposer les articles d'Enbata.Info en libre accès et gratuits, afin que des milliers de personnes puissent continuer à les lire chaque semaine, pour faire ainsi avancer la cause abertzale et l’ancrer dans une perspective résolument progressiste, ouverte et solidaire des autres peuples et territoires.
Chaque don a de l’importance, même si vous ne pouvez donner que quelques euros. Quel que soit son montant, votre soutien est essentiel pour nous permettre de continuer notre mission.
Pour tout soutien de 50€/eusko ou plus, vous pourrez recevoir ou offrir un abonnement annuel d'Enbata à l'adresse postale indiquée. Milesker.
Si vous êtes imposable, votre don bénéficiera d’une déduction fiscale (un don de 50 euros / eusko ne vous en coûtera que 17).
Independentea, publizitaterik gabekoa, sarbide irekia, bere irakurleek diruztatua
Enbata.Info-ri emaitza bat egin
edo harpidetu zaitezte hilabetekariari
Garai gogorrak dira, eta badakigu denek ez dutela informazioa ordaintzeko ahalik. Baina irakurleen emaitzek eta paperezko hilabetekariaren harpidetzek finantzatzen gaituzte: ordaindu dezaketenen eskuzabaltasunaren menpe gaude.
«Preziorik gabeko gauzek, usu, balio handia dute» Mixel Berhocoirigoin
Laguntza hau ezinbestekoa zaigu. Zuen sustenguari esker, Enbata.Info artikuluak sarbide librean eta urririk eskaintzen segituko dugu, milaka lagunek astero irakurtzen segi dezaten, hola erronka abertzalea aitzinarazteko eta ikuspegi argiki aurrerakoi, ireki eta beste herri eta lurraldeekiko solidario batean ainguratuz.
Emaitza oro garrantzitsua da, nahiz eta euro/eusko guti batzuk eman. Zenbatekoa edozein heinekoa izanik ere, zure laguntza ezinbestekoa zaigu gure eginkizuna segitzeko.
50€/eusko edo gehiagoko edozein sustengurentzat, Enbataren urteko harpidetza lortzen edo eskaintzen ahalko duzu zehaztuko duzun posta helbidean. Milesker.
Zergapean bazira, zure emaitzak zerga beherapena ekarriko dizu (50 euro / eusko-ko emaitzak, 17 baizik ez zaizu gostako).