Herriko Bozak hitzordu garrantzitsuak dira abertzaleentzat, baina korapilatsuak ere bai. Sinpleagoak dira diputatu bozak edo kantonamendu hauteskundeak, ontsalaz alderdi politikoetan erabakitzen delako nola aurkeztu eta nor. Herriko bozetan, alderdi politikoek pisua galtzen dute, eta herriko taldeek irabazten. Hala ere, alderdiek ildo batzuk finkatu ohi dituzte. Euskal Herria Bai koalizioa sendotu da azken urteetan, eta herriko boz hauei begira zer eragin izanen duen ikusi beharko da, baina herri bakoitzaren berezitasunek eta errealitateek izanen dute lehentasuna, aurten ere.
Interes handiko lekuak izanen dira hauteskunde horietan, egoera berri franko sortuko delako azken hamarkadetako jauntto handienak ez direlako berriz aurkeztuko. Interesgune handiena, dudarik gabe, Baiona da, ez bakarrik Ipar Euskal Herriko hiri nagusia delako, baina baita ere Jean Greneten ordezkoa hautatuko delako. Uda aitzineko berrien arabera, Baionako abertzaleek ekimen berri, zabal eta ausart bat abiatu zuten, herriko bozei begira, Baiona 2014. Uztailaren 6an, zerrendaburua hautatu zuten biltzar nagusi batean: Jean-Claude Iriartek lortu zuen boz kopuru handiena.
Boz gehien lortu ez duen tendentziaren kexuaren solasak zabaltzen hasi dira publikoki. Ez da on. Talde batean parte hartzen bada proiektu bat aitzina eramateko, bozkatzea onartzen bada, bozak galdu ondoan ekimenetik baztertzeko xedea azaltzea ez da egokia. Normalena da emaitzak onartzea, eta elkarrekin aitzina segitzea. Espero dezagun urak bere onera itzuliko direla eta uztailaren 6ko biltzar nagusiaren kontra idatzi duten sei militanteek Baiona 2014en segituko dutela.
Abertzalea ez den ezkerrarengana irekitzean eta sozialistekiko akordioen inguruan omen dago desadostasuna. Baina hori ere zenbaterainokoa den ikusi behar da, Iriartek berak jarrera irekiaren aldeko hitzak izan baititu. Zer egin behar dute abertzaleek Baionan? Lehen itzulitik beretik sozialisten zerrendan sartu, beste herri batzuetan beste zerrenda batzuetan sartu diren bezala? Zatiturik, ahulago izanen dira halako akordio bat egiteko; eta Baiona 2014tik kanpo gelditzen direnek ez lukete izanen abertzaleen indar guztia, sozialistekin akordio on bat negoziatzeko. Eta lortuko luketena da abertzaleen emaitzak txartzea.
Bestalde, Baionak hiri nagusi funtzioa duenez, hango hauteskundeak beste herrietan baino anitzez politikoagoak dira, eta abertzaleak lehen itzulitik beste zerrenda batean urtzea abertzaleen presentzia bera hauteskunde haietatik kentzea litzateke. Aitzineko herriko bozen emaitzak txarrak baziren ere, Baionan abertzaleek emaitza onak lortu izan dituzte eta, zerrenda eta kanpaina on batekin, ez da arrazoirik pentsatzeko ez luketela emaitza onik lortuko aldi honetan ere.
Beste zerrenda batekin akordioa egin beharko dute, nahi ala ez, bigarren itzuliari begira. Hor sor daitezke eztabaidak: sozialistekin? Etxegarairekin? Ez da sinple; baina lehen itzulitik sozialistekin aurkeztea ere ez da aterabide zuzena, noiz eta Frantziako gobernu sozialistak modu zinez itsusian ukatu digunean Lurralde kolektibitatea, Hendaiako ikastolaren auzi ahalkegarria izan den urtean, hizkuntzaren gaia geldirik dagoenean, bake prozesua izozturik baino gehiago, errepresioak segitzen duenean… Eta hori, hamarkadaz hamarkada abertzaleez trufatu ondoan, berriz ere 1981ekoa errepikatzen dutenean. Ez dela nahasi behar lekuko politika eta estatu mailakoa? Baiona sinbolo bat da, eta abertzaleek ongi pentsatu behar dute Baionako sozialistei lehen itzulitik oparia egin behar dieten, hauek abertzaleei berriz ere muturrera irri egin aitzin.
Indépendant, sans pub, en accès libre,
financé par ses lecteurs
Faites un don à Enbata.info
ou abonnez-vous au mensuel papier
Les temps sont difficiles, et nous savons que tout le monde n’a pas la possibilité de payer pour de l’information. Mais nous sommes financés par les dons de nos lectrices et lecteurs, et les abonnements au mensuel papier : nous dépendons de la générosité de celles et ceux qui peuvent se le permettre.
« Les choses sans prix ont souvent une grande valeur » Mixel Berhocoirigoin
Cette aide est vitale. Grâce à votre soutien, nous continuerons à proposer les articles d'Enbata.Info en libre accès et gratuits, afin que des milliers de personnes puissent continuer à les lire chaque semaine, pour faire ainsi avancer la cause abertzale et l’ancrer dans une perspective résolument progressiste, ouverte et solidaire des autres peuples et territoires.
Chaque don a de l’importance, même si vous ne pouvez donner que quelques euros. Quel que soit son montant, votre soutien est essentiel pour nous permettre de continuer notre mission.
Pour tout soutien de 50€/eusko ou plus, vous pourrez recevoir ou offrir un abonnement annuel d'Enbata à l'adresse postale indiquée. Milesker.
Si vous êtes imposable, votre don bénéficiera d’une déduction fiscale (un don de 50 euros / eusko ne vous en coûtera que 17).
Independentea, publizitaterik gabekoa, sarbide irekia, bere irakurleek diruztatua
Enbata.Info-ri emaitza bat egin
edo harpidetu zaitezte hilabetekariari
Garai gogorrak dira, eta badakigu denek ez dutela informazioa ordaintzeko ahalik. Baina irakurleen emaitzek eta paperezko hilabetekariaren harpidetzek finantzatzen gaituzte: ordaindu dezaketenen eskuzabaltasunaren menpe gaude.
«Preziorik gabeko gauzek, usu, balio handia dute» Mixel Berhocoirigoin
Laguntza hau ezinbestekoa zaigu. Zuen sustenguari esker, Enbata.Info artikuluak sarbide librean eta urririk eskaintzen segituko dugu, milaka lagunek astero irakurtzen segi dezaten, hola erronka abertzalea aitzinarazteko eta ikuspegi argiki aurrerakoi, ireki eta beste herri eta lurraldeekiko solidario batean ainguratuz.
Emaitza oro garrantzitsua da, nahiz eta euro/eusko guti batzuk eman. Zenbatekoa edozein heinekoa izanik ere, zure laguntza ezinbestekoa zaigu gure eginkizuna segitzeko.
50€/eusko edo gehiagoko edozein sustengurentzat, Enbataren urteko harpidetza lortzen edo eskaintzen ahalko duzu zehaztuko duzun posta helbidean. Milesker.
Zergapean bazira, zure emaitzak zerga beherapena ekarriko dizu (50 euro / eusko-ko emaitzak, 17 baizik ez zaizu gostako).
PSF-rengan sinistea errege majikuengan sinistea bezalakoa da. Euskaldunok onartu behar degu behingoz ez degula tokiriz ez Frantzin ez Espainian. Koherentiak izan ezkero, argi dau hauteskudeendako aukera.