par 
Korrikaren 21. edizioa apirilaren 4tik 14ra Garesen hasi eta Gasteizen bukatuko da. Jose Luis Alvarez Enparantza “Txillardegi” omenduko du euskararen aldeko lasterketak, kulturan, euskalgintzan eta pentsamenduaren alorrean egin zituen ekarpenengatik. Iparraldeko korrikaren animazio lan taldeko kide den Leire Oillarburu-k Enbatari 21. Korrikari buruzko hainbat zehaztasun ekartzen ditu.
Zein dira 2019ko Korrikaren helburu nagusiak?
Urtero bezala Korrikaren xedea euskararen aldeko ekimen handi hortara, jende gehien biltzea da. Euskararen aldeko kontzientzia suspertzeko, baita euskaltegien laguntzeko dirua biltzeko. 21.Korrikako leloa dugu “Klika”: Klika egitea aukera bat hartzea da, euskararen alde egitea. Euskara ikastea, erabiltzea, inplikatzea, jauzia ematea. Engaiamenduak hartzeko aukera paregabea da, nork berak bere ahaletan bistan da… Horregatik aurten hauxe eskatu nahi diogu jendeari:Korrikaren karietara engaiamendu bana gogoetatu eta hartzea, Klika egitea!
Nola prestatzen da edizio berri hau?
Edizio guziz ber funtzionamendua da guti gora behera… Ibilbidea, hasiera eta bukaerako herriak urte bat lehenago hautatzen dira Euskal Herriko AEK-ko batzar nazionalean. Iparraldean, 2018ko urrian hasi ginen dena prestatzen:
• Ibilbidea eta alde teknikoak, hau da, kilometroz kilometro ibilbidea segitu, bideen egoera segurtatu, Herriko Etxeekin harremana egin…
• Lorpenak, erran nahi baitu enpresen diru laguntzen bidez publizitate euskarri ezberdinak finantzatu ahal izaiteko edota hainbat gastu aurrezteko.
• Korrikako logoak dituzten jantzien edo bizkarrekoen salmenta antolatzeko eta segitzeko.
• Komunikazioa eta Korrika kulturala azkenik. Alde batetik prentsa eta jendearekin harremanak atxikitzeko Korrika pasatu aitzin. Korrika kulturala bestalde, euskarazko kutur eskaintza sustatzeko eta jendea Korrika giroan sarrarazteko sortu zena, euskarazko hainbat ekitaldi proposatuz eskualde guzietan. Hala nola, Gau eskola bakoitzak kontzertu, ikusgarri, tailer, proiekzio edo joko gauak antolatuko ditu otsailetik apiril arte, 10 000 haur mobilizatuko dituzten korrika txikiak ahantzi gabe.
Informazio guztiak www.korrika.eus webgunean atzemaiten ahal dira baita aplikazioan ere.
Azkenean, Gau Eskolekin anitz lan egiten dugu, haien funtzioa zinez estrategikoa baita Korrikaren antolaketarentzat. Haiei esker soilik posible da 11 egun eta gauez Korrika behar bezala iragaitea, milaka euskaltzale bilduz.
Zein dira Ipar Euskal Herriko pasaiaren eta animazioen berezitasunak?
Aurten bereizitasun bat izanen dugu ibilbidean: lehen aldikotz Bokaleko herritik pasako da Korrika. Joan den urtean ikastola ideki berri zen, beraz atzeman dugu aukera ona zela ibilbidean sartzeko. Bidea segitzeko, Bokaletik Angelura lekukoa arraunlariekin pasako da! Animazioen aldetik, Korrika pasatzen den egunean tokiz toki giro ona izanen da aurten ere anitz ekitaldi antolatuak izanen baitira Korrika pasa aitzin edo ondotik.
Zein dira oraindanik Korrikan parte hartzeko moldeak?
Hainbat aukera badira Korrikan parte hartzeko edo laguntzeko:
-Diru laguntzaren bidez Korrika laguntzaile bilakatuz, eta honekin hainbat deskontu ukanez denda edo leku ezberdinetan.
-Km bat erosiz: oraindik leku batzuetan kilometroak salgai gelditzen dira beraz eskualdeko gau eskolara deituz bat erreserbatzen ahal da;
-Korrika kulturaleko ekitaldietan parte hartuz (ikusgarri, kontzertu, bazkari…):
-Korrikan lasterka eginez eta antolatutako bestan parte hartuz;
-Korrikako bizkarrekoa erosiz Korrika pasa aitzin;
-Korrikaren arribatzean parte hartuz Gasteizen apirilaren 14an. Jakinez autobusak antolatuak izanen direla hara joaiteko!
Indépendant, sans pub, en accès libre,
financé par ses lecteurs
Faites un don à Enbata.info
ou abonnez-vous au mensuel papier
Les temps sont difficiles, et nous savons que tout le monde n’a pas la possibilité de payer pour de l’information. Mais nous sommes financés par les dons de nos lectrices et lecteurs, et les abonnements au mensuel papier : nous dépendons de la générosité de celles et ceux qui peuvent se le permettre.
« Les choses sans prix ont souvent une grande valeur » Mixel Berhocoirigoin
Cette aide est vitale. Grâce à votre soutien, nous continuerons à proposer les articles d'Enbata.Info en libre accès et gratuits, afin que des milliers de personnes puissent continuer à les lire chaque semaine, pour faire ainsi avancer la cause abertzale et l’ancrer dans une perspective résolument progressiste, ouverte et solidaire des autres peuples et territoires.
Chaque don a de l’importance, même si vous ne pouvez donner que quelques euros. Quel que soit son montant, votre soutien est essentiel pour nous permettre de continuer notre mission.
Pour tout soutien de 50€/eusko ou plus, vous pourrez recevoir ou offrir un abonnement annuel d'Enbata à l'adresse postale indiquée. Milesker.
Si vous êtes imposable, votre don bénéficiera d’une déduction fiscale (un don de 50 euros / eusko ne vous en coûtera que 17).
Independentea, publizitaterik gabekoa, sarbide irekia, bere irakurleek diruztatua
Enbata.Info-ri emaitza bat egin
edo harpidetu zaitezte hilabetekariari
Garai gogorrak dira, eta badakigu denek ez dutela informazioa ordaintzeko ahalik. Baina irakurleen emaitzek eta paperezko hilabetekariaren harpidetzek finantzatzen gaituzte: ordaindu dezaketenen eskuzabaltasunaren menpe gaude.
«Preziorik gabeko gauzek, usu, balio handia dute» Mixel Berhocoirigoin
Laguntza hau ezinbestekoa zaigu. Zuen sustenguari esker, Enbata.Info artikuluak sarbide librean eta urririk eskaintzen segituko dugu, milaka lagunek astero irakurtzen segi dezaten, hola erronka abertzalea aitzinarazteko eta ikuspegi argiki aurrerakoi, ireki eta beste herri eta lurraldeekiko solidario batean ainguratuz.
Emaitza oro garrantzitsua da, nahiz eta euro/eusko guti batzuk eman. Zenbatekoa edozein heinekoa izanik ere, zure laguntza ezinbestekoa zaigu gure eginkizuna segitzeko.
50€/eusko edo gehiagoko edozein sustengurentzat, Enbataren urteko harpidetza lortzen edo eskaintzen ahalko duzu zehaztuko duzun posta helbidean. Milesker.
Zergapean bazira, zure emaitzak zerga beherapena ekarriko dizu (50 euro / eusko-ko emaitzak, 17 baizik ez zaizu gostako).