Aieteko adierazpenak bakegintzan erreferentzia izaiten jarraitzen du. Bainan ez Parisek ez Madrilek ez diote garrantzirik emaiten hainbat nazioarteko eragile ezagunek izenpetu ageriari. Hona Xabi Larralde, Sortuko eledunaren analisia.
2011ko urriaren 17an Kofi Annan, eta hainbat nazioarteko adituen gidaritzapean Aieteren konferentzian plazaratu zen adierazpena erreferentzitzat hartzen badugu, interpeletuak ziren eragileen artean, eskatutakoa bete duen bakarra ETA dela nahiko agerian gelditzen da. Bi Estatuen aldetik, konponbide prozesuaren alde ez da urrats bakarra eman ; bainan okerrago argi gelditu da denentzat, Madrile, Pariseren laguntzarekin, prozesua saboteatzeko asmotan dabilela. Orduan, prozesuaren garapenari begirako perspektiba hartzeko, lehenik eta behin, zer intentzioekin eman den ber-gogoratu behar da. Prozesuarekin hauxe da Ezker Abertzaleak egin dugun parioa : agertoki demokratiko bat finkatu, euskal gizartearen indarren aktibazioaren bitartez aukera errealak daudelako, fase historiko honetan, Euskal Herriaren aitortzaren eremuan (estatus aldaketak, erabakitzeko eskubidearen onarpena) eta gatazkaren konponbidean pausu erabakigarriak irabazteko, nazioarteko komunitateak onetsiko lukeen prozesu politiko baten bidetik.
Jarrera bortitza
Pario honi begira Estatuek azken hilabeteetan jarrera erasokorra finkatu dute. Guk egoera politiko berria indarrean jarri nahi dugularik, Madrilek eta Parisek zaharra mantendu eta elikatu nahi dute. Bi Estatuen jarrera bortitza da, bainan maila haundia batean logikoa ere, baldin eta, gure pausoak ofentsiba politiko bat gorpuztearen perspektibatik ulertzen badira… Guk nazio askapen prozesuan pausu kualitatiboak eman nahi ditugu euskal gizartearen akibaziotik, eta Estatuek ez gaituzte utzi nahi. Hortik, konfrontazio politikoa indartzen da eta areagotuko da ondoko hilabeteetan, zeren, testuinguru batean nun eta Eskozia eta Kataluña bezalako Estaturik gabeko nazioek autoderminazioaren ariketa burutzeko pausoa emanen dutela adierazia duten Europaren aitzinean, Euskal Herrian agertoki demokratiko baten idekitzea arriskutsuegia da Parise eta Madrilerentzat. Egoera honetan, Ezker Abertzalearen iniziatiba politikoa baldintzatzeko xedez betiko errezetaz baliatzen dira : errepresio ukaldiak eta presoen egoeraren erabilpena txantai pieza bezala. Eta, garbiki, Herrira presoen aldeko plataformaren kontra burutu den azken operazioak eskema horri erantzuten dio.
Bake prozesua bultzatzeko gomendioak
Hartara, hastapenetik gure prozesuak bi hartzailea nagusi dituela erran dugu : nazioarteko komunitatea eta euskal gizartea. Nazioarteari dagokionean, dudarik gabe, bada lana eginik, Donostian antolatu berri diren auzapezen nazioarteko jardunaldiak adierazten duten moduan, edo urriaren 17an Mexikon Euskal Herriko bake prozesuaz Hego Ameriketako hainbat estatu-buru ohiekin iraganen den konferentziak erakusten duen gisan. Eremu honi begira, Europak Parot Doktrinaren kontra hartu duen erabakia biziki inportantea izanen da dudarik gabe. Euskal gizartearen kasuan, denek dakigu blokeoaren hausteko bere partehartzea eta mobilizazioa prozesuan aldagai gakoa bilakatu direla. Hortarako beharrezkoak diren tresnak eta espazioak eraikitzeari begira pausoak ematen ari dira. 2012ko abenduan Baionan antolaturiko foroaren antzera, Bake Bideanek eta Lokarrik foroak antolatu dituzte Bilbon eta Irunean. Foro hauetatik nazioarteko aditu batzuk sintesia landu dute, bake prozesua bultzatzeko gomendioak osatuz. Gomendio horiek herritarrei, Euskal Herriko eragile eta instituzio guziei aurkezten ari zaizkie, euskal gizartearen parte handienak prozesuaren alde daukan atxikimendua lanerako ibilbide orria bilakatu dadin denentzat. Bilboko azken manifestaldiak gure Herrian azkar erantzuteko dagoen indarraren erakuslea izan da berriz, eta orain, prozesuak urrats berriak eman ditzan, denei dagokigu hitzetatik ekintzetarat pasatzea.
Indépendant, sans pub, en accès libre,
financé par ses lecteurs
Faites un don à Enbata.info
ou abonnez-vous au mensuel papier
Les temps sont difficiles, et nous savons que tout le monde n’a pas la possibilité de payer pour de l’information. Mais nous sommes financés par les dons de nos lectrices et lecteurs, et les abonnements au mensuel papier : nous dépendons de la générosité de celles et ceux qui peuvent se le permettre.
« Les choses sans prix ont souvent une grande valeur » Mixel Berhocoirigoin
Cette aide est vitale. Grâce à votre soutien, nous continuerons à proposer les articles d'Enbata.Info en libre accès et gratuits, afin que des milliers de personnes puissent continuer à les lire chaque semaine, pour faire ainsi avancer la cause abertzale et l’ancrer dans une perspective résolument progressiste, ouverte et solidaire des autres peuples et territoires.
Chaque don a de l’importance, même si vous ne pouvez donner que quelques euros. Quel que soit son montant, votre soutien est essentiel pour nous permettre de continuer notre mission.
Pour tout soutien de 50€/eusko ou plus, vous pourrez recevoir ou offrir un abonnement annuel d'Enbata à l'adresse postale indiquée. Milesker.
Si vous êtes imposable, votre don bénéficiera d’une déduction fiscale (un don de 50 euros / eusko ne vous en coûtera que 17).
Independentea, publizitaterik gabekoa, sarbide irekia, bere irakurleek diruztatua
Enbata.Info-ri emaitza bat egin
edo harpidetu zaitezte hilabetekariari
Garai gogorrak dira, eta badakigu denek ez dutela informazioa ordaintzeko ahalik. Baina irakurleen emaitzek eta paperezko hilabetekariaren harpidetzek finantzatzen gaituzte: ordaindu dezaketenen eskuzabaltasunaren menpe gaude.
«Preziorik gabeko gauzek, usu, balio handia dute» Mixel Berhocoirigoin
Laguntza hau ezinbestekoa zaigu. Zuen sustenguari esker, Enbata.Info artikuluak sarbide librean eta urririk eskaintzen segituko dugu, milaka lagunek astero irakurtzen segi dezaten, hola erronka abertzalea aitzinarazteko eta ikuspegi argiki aurrerakoi, ireki eta beste herri eta lurraldeekiko solidario batean ainguratuz.
Emaitza oro garrantzitsua da, nahiz eta euro/eusko guti batzuk eman. Zenbatekoa edozein heinekoa izanik ere, zure laguntza ezinbestekoa zaigu gure eginkizuna segitzeko.
50€/eusko edo gehiagoko edozein sustengurentzat, Enbataren urteko harpidetza lortzen edo eskaintzen ahalko duzu zehaztuko duzun posta helbidean. Milesker.
Zergapean bazira, zure emaitzak zerga beherapena ekarriko dizu (50 euro / eusko-ko emaitzak, 17 baizik ez zaizu gostako).