2024ko Aberri Eguna kari, Bagira prozesuaren bukaera izanen da. Bi urte inguru iraun duen gogoeta prozesuak bere emaitza plazaratu du Uztaritzen igandean, bide orri baten bitartez.
Bagira prozesuak ahalbidetu duena
Nora goazen jakiteko nondik gatozen jakin behar delako, Bagira prozesuak abertzaleek azken sei hamarkadetan egin duten bide luze eta malkartsuaz oroitu, konzientzia hartu ala irakasteko aukera eskaini du, “transmisio historikoa” deitu dugun sekuentziaren bitartez.
Begirada bat gibelerat eta beste bat aitzinerat Euskal Herriaren askatasunaren zerumugara buruz. Baina bi zangoak lurrean, gaurko errealitatean oinarriturik. Hau da abertzaleen egin beharrekoa eta egin moldea zehazteko metodoa. Egoeraren diagnostikorako zenbait iritzi partekatu agerrarazi zituzten Bagiraren inkestari emandako 1.500 erantzunek. Inkestak, bestalde, aurrera begira lehenetsi beharreko borrokak eta abertzaletasuna definitzeko oinarriak agerrarazi ditu. Kanbon, berriz, ehun bat pertsona tailerretan bildu ginen urtarrilean, mugimenduaren Jardunaldien karietara.
Prozesuak gai transbertsal ala sektorial batzuen inguruan iritzien partekatzea, eztabaidatzea, norabideak adostea ahalbidetu du. Borroka desberdinetan inplikatuak diren antolakundeen eta kideen indarrak batu ditu.
Mugimenduaren bide orria
Prozesuaren emaitza Ipar Euskal Herriko mugimendu abertzalearen bide orria da. Ondoko hamar urteetarako, mugimenduarentzat oinarri izanen diren norabideak finkatzeko anbizioa du dokumentuak.
Azken hamarkadan gertatu diren aldaketen arabera begiratu behar dugu aitzina. Ipar Euskal Herriko Mugimendu Abertzalea beste inflexio puntu batera heldu da. Lurraldeko lehen instituzioaren lorpena, borroka armatuaren bukaera eta euskal preso politikoen askapenerako aitzinamenduek egoera berri batean kokatzen dute. Haren ideiek eragiten dute, antolakundeak biderkatzen dira, mobilizazioek erakartzen dute eta hauteskundeetako emaitzak sekulako mailara heltzen dira. Baina gaurko errealitatea testuinguru globalak inposatzen digu ere: aldaketa ekologiko, ekonomiko, soziologiko eta berrantolaketa geopolitikoek hainbat urgentzia mahai gaineratzen dituzte.
Inkestaren emaitzez, emaitzen aurkezteko herriz herri egin diren bilkuretan bildu oharrez, eta Kanboko jardunaldietako ekarpenez osatu da Bide orriaren edukia. Kolorazio optimista eta proaktiboa du, eta irekidura edo hedapenaren kezka.
XXI. mendeko abertzaletasunaren oinarriak definitzeko momentuan, euskara, nazioa, lurraldea, euskal kultura, humanismoa, errepublika, ekosozialismoa, feminismoa, inklusioaz ari da bide orria.
» XXI. mendeko abertzaletasunaren oinarriak definitzeko momentuan, euskara, nazioa, lurraldea, euskal kultura, humanismoa, errepublika, ekosozialismoa, feminismoa, inklusioaz ari da bide orria. «
Estrategia eta praktikei dagokienez, alternatibak bertatik bertara eraikitzea nagusitzen da. Aspaldian ekinbide abertzalearen logika den hori, gaur egun biziko edozein arlotara hedatu nahi da, urgentzia klimatikoari erantzuteko eta kaos sozio-ekonomikotik ateratzeko bidea delakoan, eta Euskal Herria eraikitzeko bidea ere bai. Ahalduntzeko borondate honek, egituratze instituzionalean etapa berri baten beharra ezartzen du hurrengo hamarkadarako perspektiba partekatuan.
Xantier guzi horietan ezkerreko abertzaleen ekarpena ezinbestekoa izanen da, harrokeriarik gabe, baina erantzukizunez. Kontra egin, proposatu eta eraiki.
Egiteko gelditzen dena
Bagirak bide orriaren edukia eragile eta norbanakoen eskuetan uzten du, honen gauzapena nork bere sailetik gauzatzen segitzeko. Prozesuak bere ekarpen puntuala egin du. Parte hartu duten pertsona eta antolakundeen iritziak gurutzatzea bermatu du. Bide orriak hainbat gai jorratzen ditu. Denak ez dira nahi bezainbateko sakontasunarekin landu oraindik. Eta beste hainbat jorratzekoak gelditzen dira. Errealitate demografikoak urtero milaka biztanle berri kanpotik gure herrira bizitzera ekartzen ditu. Jende guzi horiek gure jendarte proiektura nola hurbilarazi, beti ere garena ukatu eta lausotu gabe?
Nazioa eta hizkuntzaren auzia nola aitzinarazi, identitateen eta komunitateen inguruko solasak eskuin muturraren ideien gorakadak desitxuratu eta gai delikatu bilakarazi dituen honetan? Mugimenduan transmisioaren erronkari nola aurre egin, belaunaldien berritzea errextuz, baina paternalismo eta dirigismoan erori gabe?
Bide orri honen segimendua eta sakondu beharreko eztabaida transbertsalak noren esku utzi ? Zein da mugimendu abertzalearen bateragune politikoaren funtzioa duen gunea?
Galdera mota horiek azken hilabeteetako gogoeta kolektiboa elikatu dute. Eta anitz gelditzen da eztabaidatzeko. Bagirak bere agurra egiten du, baina gogoetak dirau. Anartean, gure gaurko Euskal Herria ospatzeko eta biharkoa amesteko hitzordua dugu igandean Uztaritzen. Aberri Egun on guziei!
Indépendant, sans pub, en accès libre,
financé par ses lecteurs
Faites un don à Enbata.info
ou abonnez-vous au mensuel papier
Les temps sont difficiles, et nous savons que tout le monde n’a pas la possibilité de payer pour de l’information. Mais nous sommes financés par les dons de nos lectrices et lecteurs, et les abonnements au mensuel papier : nous dépendons de la générosité de celles et ceux qui peuvent se le permettre.
« Les choses sans prix ont souvent une grande valeur » Mixel Berhocoirigoin
Cette aide est vitale. Grâce à votre soutien, nous continuerons à proposer les articles d'Enbata.Info en libre accès et gratuits, afin que des milliers de personnes puissent continuer à les lire chaque semaine, pour faire ainsi avancer la cause abertzale et l’ancrer dans une perspective résolument progressiste, ouverte et solidaire des autres peuples et territoires.
Chaque don a de l’importance, même si vous ne pouvez donner que quelques euros. Quel que soit son montant, votre soutien est essentiel pour nous permettre de continuer notre mission.
Pour tout soutien de 50€/eusko ou plus, vous pourrez recevoir ou offrir un abonnement annuel d'Enbata à l'adresse postale indiquée. Milesker.
Si vous êtes imposable, votre don bénéficiera d’une déduction fiscale (un don de 50 euros / eusko ne vous en coûtera que 17).
Independentea, publizitaterik gabekoa, sarbide irekia, bere irakurleek diruztatua
Enbata.Info-ri emaitza bat egin
edo harpidetu zaitezte hilabetekariari
Garai gogorrak dira, eta badakigu denek ez dutela informazioa ordaintzeko ahalik. Baina irakurleen emaitzek eta paperezko hilabetekariaren harpidetzek finantzatzen gaituzte: ordaindu dezaketenen eskuzabaltasunaren menpe gaude.
«Preziorik gabeko gauzek, usu, balio handia dute» Mixel Berhocoirigoin
Laguntza hau ezinbestekoa zaigu. Zuen sustenguari esker, Enbata.Info artikuluak sarbide librean eta urririk eskaintzen segituko dugu, milaka lagunek astero irakurtzen segi dezaten, hola erronka abertzalea aitzinarazteko eta ikuspegi argiki aurrerakoi, ireki eta beste herri eta lurraldeekiko solidario batean ainguratuz.
Emaitza oro garrantzitsua da, nahiz eta euro/eusko guti batzuk eman. Zenbatekoa edozein heinekoa izanik ere, zure laguntza ezinbestekoa zaigu gure eginkizuna segitzeko.
50€/eusko edo gehiagoko edozein sustengurentzat, Enbataren urteko harpidetza lortzen edo eskaintzen ahalko duzu zehaztuko duzun posta helbidean. Milesker.
Zergapean bazira, zure emaitzak zerga beherapena ekarriko dizu (50 euro / eusko-ko emaitzak, 17 baizik ez zaizu gostako).
Une réflexion sur « Bagirak bere bide orria mugimendu abertzalearen eskuetan uzten du »
Les commentaires sont fermés.