par 
Mila biztanletik goitiko herrietan EH Bai-en babesarekin aurkeztu diren zerrendetarik bat da Jean-Michel Coscarat karguan zen auzapezarekin berriz aurkeztu den « Aintzina Baigorri » zerrenda bakarra. Zerrenda buru den Antton Curutcharry baigorriar hautetsiari Baigorri eta Garazi aldean herriko bozetako presentzia abertzaleari buruz hainbat galdera luzatu dizkio Enbata.Info-k.
Nola iragan dira Baigorrin herriko bozak?
Baigorrin, zerrenda bat baizik izanki, emaitza ezin hobea ardiesten dugu. Halere, parte hartzea %51,17koa izan da, eta 538 boz ukan ditugu. Ez da gaizki. Konparaketa baten egiteko, duela 6 urte, bozkazalegoaren %85a mobilizatu zen herriko bozak kari eta 615 boz eskuratu ginituen, aurtengoari konparatuz, 77 gehiago. Aurtengoa, emaitza ona da orduan, guretzat. Halere, azpimarra nezake zerrenda bat baizik ez delarik, bozkazalegoa desmobilizatzen dela pixka bat, eta gure militante munduan ere!
Zer dira Aintzina Baigorri zerrendaren ezaugarriak?
Aintzina Baigorrik zerrenda idekia izaiten segitzen du, ezkerreko, jendarte zibileko, etiketarik gabeko, laborari sindikateko eta ezker abertzaleko kide desberdinekin. Bakotxak atxeman du bere lekua eta guri, abertzale taldeari, iduritzen zauku ainitz irabazi dugula talde huntan lan eginez. Esperientziak trukatu, dozier ainitz aintziean eman. Guretzat inportantak diren gaiak kondutan hartuak izan dira (euskara, laborantxa iraunkorra, gure barnekaldeko herri ttipiaren garapen ekonomikoa, elkartasuna ahulenekin, EHren instituzionalizatzea, etab.)
Zure izenaren zerrenda buru ikusteak harridura sortu du…
6 urterendako berriz abiatu gira, eskema original batekin. Jean-Michel Coscaratek auzapez gisa segituko du 6 urtez, eta ni, izanen niz herriaren ordezkaria Euskal Elkargoan. Horrengatik lehen lerroan agertu niz, legez, gure herrian, elkargorat joaiteko, eta hautatua izaiteko, zerrenda buru izan behar baitzen. Horrek enganatu du prentsa pixka bat, bainan ez Baigorrin. Esplikatu eta, denek ulertu dute nola jokatu nahi ginuen, errolak partekatuz.
Zer erraiten ahal da Baigorri-Garazi eskualdean lehen itzuli honen biharamunean?
Baigorri bere eskualdean kokatzeko, erran nezake Baigorri-Garazi eskualdean izan dela aldaketa frango!
Lehenik, Donibane Garaziko emaitza azpimarratu nahi nuke. Xabi Larren abertzale-berde zerrenda idekiak ikaragarriko emaitza egiten baitu, joan den aldikoa kasik 10 punduz hobetuz. Esku zartak zinez! Testuingurua ez dute errexa bainan aintzina doatzi.
Bertze sorpresa eder bat Ortzaizekoa! Ekipa berri bat plantan emaiten da gazte, abertzale eta aurrerakoiez osatua, 800 biztanle pasako herri batean! Gure eskualdeko 3.a edo 4.a da, ez da gutti.
Orokorkiago, auzapez abertzale frango egoiten dira lekuan (Behorlegi, Bidarrai, Lakarra, Mendibe, Gamarte, Anhauze, Lekunberri, etab.), eta berri batzu heldu dira (Urepele adibidez).
Bainan abertzaleek ez dute dena eginen bakarrik, eta zerrenda edo auzapez progresistak aurkitzen ditugu ere gure inguruan. Heiekin lan egiteko parada ukanen dugu heldu diren hilabeteetan (Banka, Aintzile, Azkarate, Izpura, etab.).
Uste dut abertzaleek konfientxarekin jokatu behar dugula, hegemonikoa izaiteko ideia erabat baztertuz, gure lurraldearen onerako. Eta Baigorri-Garazin, badugu lan!!
Indépendant, sans pub, en accès libre,
financé par ses lecteurs
Faites un don à Enbata.info
ou abonnez-vous au mensuel papier
Les temps sont difficiles, et nous savons que tout le monde n’a pas la possibilité de payer pour de l’information. Mais nous sommes financés par les dons de nos lectrices et lecteurs, et les abonnements au mensuel papier : nous dépendons de la générosité de celles et ceux qui peuvent se le permettre.
« Les choses sans prix ont souvent une grande valeur » Mixel Berhocoirigoin
Cette aide est vitale. Grâce à votre soutien, nous continuerons à proposer les articles d'Enbata.Info en libre accès et gratuits, afin que des milliers de personnes puissent continuer à les lire chaque semaine, pour faire ainsi avancer la cause abertzale et l’ancrer dans une perspective résolument progressiste, ouverte et solidaire des autres peuples et territoires.
Chaque don a de l’importance, même si vous ne pouvez donner que quelques euros. Quel que soit son montant, votre soutien est essentiel pour nous permettre de continuer notre mission.
Pour tout soutien de 50€/eusko ou plus, vous pourrez recevoir ou offrir un abonnement annuel d'Enbata à l'adresse postale indiquée. Milesker.
Si vous êtes imposable, votre don bénéficiera d’une déduction fiscale (un don de 50 euros / eusko ne vous en coûtera que 17).
Independentea, publizitaterik gabekoa, sarbide irekia, bere irakurleek diruztatua
Enbata.Info-ri emaitza bat egin
edo harpidetu zaitezte hilabetekariari
Garai gogorrak dira, eta badakigu denek ez dutela informazioa ordaintzeko ahalik. Baina irakurleen emaitzek eta paperezko hilabetekariaren harpidetzek finantzatzen gaituzte: ordaindu dezaketenen eskuzabaltasunaren menpe gaude.
«Preziorik gabeko gauzek, usu, balio handia dute» Mixel Berhocoirigoin
Laguntza hau ezinbestekoa zaigu. Zuen sustenguari esker, Enbata.Info artikuluak sarbide librean eta urririk eskaintzen segituko dugu, milaka lagunek astero irakurtzen segi dezaten, hola erronka abertzalea aitzinarazteko eta ikuspegi argiki aurrerakoi, ireki eta beste herri eta lurraldeekiko solidario batean ainguratuz.
Emaitza oro garrantzitsua da, nahiz eta euro/eusko guti batzuk eman. Zenbatekoa edozein heinekoa izanik ere, zure laguntza ezinbestekoa zaigu gure eginkizuna segitzeko.
50€/eusko edo gehiagoko edozein sustengurentzat, Enbataren urteko harpidetza lortzen edo eskaintzen ahalko duzu zehaztuko duzun posta helbidean. Milesker.
Zergapean bazira, zure emaitzak zerga beherapena ekarriko dizu (50 euro / eusko-ko emaitzak, 17 baizik ez zaizu gostako).