par 
Euskal Konfederazioa
Ekainaren 1ean, Pour Que Vivent Nos Langues Kolektiboak zabaldu deia segituz, 800 euskaltzaletik gora bildu gara Ipar Euskal Herri osoan antolatu 10 elkarretaratzetan (Arbonan, Azkainen, Baionan, Beskoitzen, Donibane Garazin, Hazparnen, Hendaian, Itsasun, Maulen eta Ziburun), frantses Konstituzioa aldatu eta gure hizkuntza eskubideak errespetatuak izan daitezen aldarrikatzeko.
Izan ere, azken urte eta hilabete hauetan lurralde hizkuntzak garatzeko helburu zuten hainbat tokiko deliberoren kontra egin du frantses Estatuak, prefeten bidez, abantzu sistematikoki argudiatuz Konstituzioaren kontrakoak zirela, 2. artikuluak zehazten baitu frantsesa dela Errepublikaren hizkuntza.
Bainan gure hizkuntzen garapenaren kontra egiteaz gain, mota horretako errekurtsoekin hiztunon hizkuntza eskubideak ere dira zangopilatuak direnak: ikasleek ezin dute lurralde hizkuntzak / lurralde hizkuntzan baldintza onetan ikasi eta azterketak lurralde hizkuntzan pasatu, hautetsiek ezin dute asanbleetan hitza lurralde hizkuntzan bakarrik hartu bat-bateko itzulpen sistemarekin (Euskal Elkargoan hasteko, bainan eskubide hori aitortua zaie Bretainia Eskualdeko kontseilariei), herritarrek ezin dute auzitegian beren burua lurralde hizkuntzan defendatu nahiz eta itzultzaile batekin etorri (adibidez duela hamarkada batzuk Baionako auzitegian auziperatu batek posible zuen hori egitea, orain sistematikoki errefusatua delarik…).
Biziberritze fase eraginkor batean sartzeko eta hiztunen hizkuntza eskubideak errespetatuak izan daitezen ezinbestekoa da euskara bezalako lurralde hizkuntzen aldeko lege koadroa eraikitzea, juridikoki babesteko. Bainan holako lege koadro eraginkorra xutik ezartzeko, frantses Konstituzioaren 2. artikulua aldatzea da lehen baldintza, ezinbestekoa.
Horretaz konzient, joan den azaroan Pour Que Vivent Nos Langues Kolektiboak publikoki iragarri zuen Konstituzioa aldatzeko kanpaina hasiko zuela. Horrela, otsailean bost lurraldetako 42 lizeotar joera politiko desberdinetako diputatuekin bildu ziren Pariseko Asanbladan, irakaskuntza mailako trabak azpimarratzeaz gain ikastetxetik kanpo ezin zutela beren hizkuntzan bizi salatzeko eta, ondorioz, frantses konstituzioa aldatzea galdetzeko.
Ekainaren 1eko elkarretaratze hauek Pour Que Vivent Nos Langues Kolektiboak abiatu kanpaina orokor honen bigarren hitzordu nagusia izan dira beraz, eta Ipar Euskal Herriko elkarretaratzeetaz gain milaka lagun elkartu dira Alsazian, Bretainian, Katalunian, Korsikan eta Okzitanian antolatu mobilizaziotan.
Ekainaren 1eko egun arrakastatsu hau Konstituzioa aldarazteko beste urrats bat izan da beraz eta Euskal Konfederazioak eta PQVNL Kolektiboko egiturek mobilizatzen segituko dute, Konstituzioa aldatu arte, gure hizkuntzak bizi daitezen, gure hizkuntzetan bizi ahal izan arte.
Indépendant, sans pub, en accès libre,
financé par ses lecteurs
Faites un don à Enbata.info
ou abonnez-vous au mensuel papier
Les temps sont difficiles, et nous savons que tout le monde n’a pas la possibilité de payer pour de l’information. Mais nous sommes financés par les dons de nos lectrices et lecteurs, et les abonnements au mensuel papier : nous dépendons de la générosité de celles et ceux qui peuvent se le permettre.
« Les choses sans prix ont souvent une grande valeur » Mixel Berhocoirigoin
Cette aide est vitale. Grâce à votre soutien, nous continuerons à proposer les articles d'Enbata.Info en libre accès et gratuits, afin que des milliers de personnes puissent continuer à les lire chaque semaine, pour faire ainsi avancer la cause abertzale et l’ancrer dans une perspective résolument progressiste, ouverte et solidaire des autres peuples et territoires.
Chaque don a de l’importance, même si vous ne pouvez donner que quelques euros. Quel que soit son montant, votre soutien est essentiel pour nous permettre de continuer notre mission.
Pour tout soutien de 50€/eusko ou plus, vous pourrez recevoir ou offrir un abonnement annuel d'Enbata à l'adresse postale indiquée. Milesker.
Si vous êtes imposable, votre don bénéficiera d’une déduction fiscale (un don de 50 euros / eusko ne vous en coûtera que 17).
Independentea, publizitaterik gabekoa, sarbide irekia, bere irakurleek diruztatua
Enbata.Info-ri emaitza bat egin
edo harpidetu zaitezte hilabetekariari
Garai gogorrak dira, eta badakigu denek ez dutela informazioa ordaintzeko ahalik. Baina irakurleen emaitzek eta paperezko hilabetekariaren harpidetzek finantzatzen gaituzte: ordaindu dezaketenen eskuzabaltasunaren menpe gaude.
«Preziorik gabeko gauzek, usu, balio handia dute» Mixel Berhocoirigoin
Laguntza hau ezinbestekoa zaigu. Zuen sustenguari esker, Enbata.Info artikuluak sarbide librean eta urririk eskaintzen segituko dugu, milaka lagunek astero irakurtzen segi dezaten, hola erronka abertzalea aitzinarazteko eta ikuspegi argiki aurrerakoi, ireki eta beste herri eta lurraldeekiko solidario batean ainguratuz.
Emaitza oro garrantzitsua da, nahiz eta euro/eusko guti batzuk eman. Zenbatekoa edozein heinekoa izanik ere, zure laguntza ezinbestekoa zaigu gure eginkizuna segitzeko.
50€/eusko edo gehiagoko edozein sustengurentzat, Enbataren urteko harpidetza lortzen edo eskaintzen ahalko duzu zehaztuko duzun posta helbidean. Milesker.
Zergapean bazira, zure emaitzak zerga beherapena ekarriko dizu (50 euro / eusko-ko emaitzak, 17 baizik ez zaizu gostako).