par 
Herri gisa etengabe zapaltzen gaituen sistema indibidualista hau ez da eramangarria Ipar Euskal Herriko gazteontzat. Horregatik, Xuti Gazte!-ko gazteok kolektiboki antolatzeko apustua egin genuen joan den urteko martxoan. Gazte ezkertiar eta abertzaleontzako borrokarako tresna bat sortzea ezinbestekoa zela ikusi genuen.
Urteak dira Ipar Euskal Herrian Mugimendu Abertzalea indarra hartzen doala eta borroka emankorrak eramaten ari dela. Hala ere, mugimenduaren baitako gazte guztiak elkartzeko beharra ikusten genuen, gazte subjektutik elkarrekin egin eta eragiteko. Eta hori izan da azken hilabeteetan egin duguna: hainbat arlotako problematika ezberdinei erantzun diegu gazte gisa, beti ere egunerokoan horretan diharduten Mugimendu Abertzaleko eragileekin elkarlanean.
Goi-mailako ikasketak euskaraz burutu ahal izateko eskaintza zabala aldarrikatu genuen. Aberatsen aisialdirako apaintzen den lurrak lantzen duenarentzat izan behar duela aldarrikatu genuen. Neska gazteon aurkako erasorik onartuko ez genuela argi erran genuen. Euskal Herriak harrera herria izan behar duela oroitarazi genuen. Gazteontzako etxebizitza eskuragarriak bermatzea aldarrikatu genuen.
Hamaikaaldarrikapen
Baina arazoaren erroa bat eta bera. Frantziar estatuak inposatutako politikek ez diete Ipar Euskal Herriko gazteon beharrei erantzuten. Gazteok prekaritatean murgiltzen gaitu, neska gazteok bortizkeria zisheteropatriarkalera kondenatzen, euskaldunak herritik kanpora igortzen, eta kanpotik datozenak mugan oztopatzen. Frantziar estatuaren politikak eta hemengo gazteon beharrak etengabeko talka batean kokatzen dira. Frantziak inposatutako sistema zapalkuntzan oinarritutako sistema da, Ipar Euskal Herriko gazteok lehen pertsonan jasaten duguna.
Horren aitzinean, gure bizitzen alde borrokatzea dagokigu. Gazteon beharrak erdigunean jarriko dituen herria eraiki behar dugu. Herri euskalduna behar dugu, lan eta bizi baldintza duinak behar ditugu, gure herrietan bizi behar dugu, bortzikeria matxistarik gabeko herria behar dugu, harrera herria behar dugu. Eta guk argi dugu: behar dugun Euskal Herria eraikitzeko burujabetza behar dugu. Erabakiak hemen hartu behar ditugu, inoren eskuhartzerik gabe. Gazteok hemendik egingo dugulako gure neurrira izango den herria.
Gazteon ekarpena
Burujabetzarako bidean, ordea, ezinbestekoa da denek indarrak bil ditzagun. Borroka ugari eraman dira urteetan zehar, eta eramaten dira gaur egun ere. Gazteok ere, borroka horietan gure ekarpena egingo dugu. Borroka berriak ere plazaratuko ditugu, eta horiei lotuko gara. Ezinbestekoa da bakoitzak bere esparruan diren borroketan parte har dezan, eta batez ere, oraindik aktibatu ez diren esparruetan olatu berriak sor daitezen; gazte zapaldu bat dagoen alor guztietan horrekin hautsi eta eraldaketari bultzada bat eman behar baitzaio, horregatik garrantzitsua da gaztetxeetan, talde feminista edo ekologistetan, herriko elkarteetan, mugimendu sozialetan edo beste edozein espaziotan parte hartzea. Baina, esparruz esparru borrokatzea bezain garrantzitsua da alor ezberdinetan ekarpena egiten duten gazte guztiek bat egitea eredu berri baten alde, hau da, burujabetzaren alde. Izan ere, gazte abertzale eta ezkertiarrontzako proiektu oso bat eraiki behar dugu, egungo problematika guztiei aterabidea eskainiko diena, eta etorkizunean agertuko diren problematika horiek konpontzeko gaitasuna izanen duena. Bide horretan, bakoitzak bere eremutik, baina beste guztiekin elkarlanean, ekarpena egiten segituko dugu Euskal Herri abertzale, ezkertiar, feminista, ekologista, euskalduna eraikitzeko.
Amesten dugun Euskal Herria eraikitzeko, gazteok burujabetza!
Indépendant, sans pub, en accès libre,
financé par ses lecteurs
Faites un don à Enbata.info
ou abonnez-vous au mensuel papier
Les temps sont difficiles, et nous savons que tout le monde n’a pas la possibilité de payer pour de l’information. Mais nous sommes financés par les dons de nos lectrices et lecteurs, et les abonnements au mensuel papier : nous dépendons de la générosité de celles et ceux qui peuvent se le permettre.
« Les choses sans prix ont souvent une grande valeur » Mixel Berhocoirigoin
Cette aide est vitale. Grâce à votre soutien, nous continuerons à proposer les articles d'Enbata.Info en libre accès et gratuits, afin que des milliers de personnes puissent continuer à les lire chaque semaine, pour faire ainsi avancer la cause abertzale et l’ancrer dans une perspective résolument progressiste, ouverte et solidaire des autres peuples et territoires.
Chaque don a de l’importance, même si vous ne pouvez donner que quelques euros. Quel que soit son montant, votre soutien est essentiel pour nous permettre de continuer notre mission.
Pour tout soutien de 50€/eusko ou plus, vous pourrez recevoir ou offrir un abonnement annuel d'Enbata à l'adresse postale indiquée. Milesker.
Si vous êtes imposable, votre don bénéficiera d’une déduction fiscale (un don de 50 euros / eusko ne vous en coûtera que 17).
Independentea, publizitaterik gabekoa, sarbide irekia, bere irakurleek diruztatua
Enbata.Info-ri emaitza bat egin
edo harpidetu zaitezte hilabetekariari
Garai gogorrak dira, eta badakigu denek ez dutela informazioa ordaintzeko ahalik. Baina irakurleen emaitzek eta paperezko hilabetekariaren harpidetzek finantzatzen gaituzte: ordaindu dezaketenen eskuzabaltasunaren menpe gaude.
«Preziorik gabeko gauzek, usu, balio handia dute» Mixel Berhocoirigoin
Laguntza hau ezinbestekoa zaigu. Zuen sustenguari esker, Enbata.Info artikuluak sarbide librean eta urririk eskaintzen segituko dugu, milaka lagunek astero irakurtzen segi dezaten, hola erronka abertzalea aitzinarazteko eta ikuspegi argiki aurrerakoi, ireki eta beste herri eta lurraldeekiko solidario batean ainguratuz.
Emaitza oro garrantzitsua da, nahiz eta euro/eusko guti batzuk eman. Zenbatekoa edozein heinekoa izanik ere, zure laguntza ezinbestekoa zaigu gure eginkizuna segitzeko.
50€/eusko edo gehiagoko edozein sustengurentzat, Enbataren urteko harpidetza lortzen edo eskaintzen ahalko duzu zehaztuko duzun posta helbidean. Milesker.
Zergapean bazira, zure emaitzak zerga beherapena ekarriko dizu (50 euro / eusko-ko emaitzak, 17 baizik ez zaizu gostako).