Abian da. Hainbat hilabetez herrietako dinamikak sustatuz eta giroa berotuz arizan ondoan, hasi da Gure esku dago plataformaren kanpaina, ekainaren 8an erabakitzeko eskubidearen alde Durango eta Iruñea lotu nahi dituen giza katea xede. Panpi Sainte-Mariek kondatzen dizkigu kanpainaren helburuak.
Martxoaren 29-an, Casilla kiroldegian 5.200 lagun tinkatu ziren Gure esku dago kanpainari abiapuntua emaiteko.
Zerbait haundi izanen dela sumatu da ekitaldi jendetsu hortan. Iruñeatik Durangora dauden 123 kilometroak betetzeko jendez, eskuz esku, 50.000 lagun baino geihagok parte hartzea behar dela pentsatua dute “Gure esku dago”koek. Bilbon, haatik, iragarri dute jadanik 22.000 lagunek parte hartzea hitzemana dutela. Beraz kasik erdia bildua da!
Orain artinoko guzia, han Hegoaldean, gertatu da. Mugimendua bulta huntan abiatua da Hego Euskal Herriko herri ainitzetan eta prentsa abertzalean. Hemen oraino guti entzuten da. Normala nonbait. Estado españolean aktualitatea pil pilean da erabakitzeko eskubidearen gaiarekin. Aspaldian aipatzen da Eskoziako kasua eta jakin behar da gora behera ainitzen ondotik irailaren 18an Eskoziarrek erabakitzen ahalko dutela beren geroari buruz eta Inglaterrarekin nahi dituzten harremaneri buruz.
Madrile sutan
Hurbilago, Katalunian, egoera politikoa gorri gorrian da. Madrilen klase politikoa sutan da ikusten baitu bere legedia, konstituzioa eta nik dakita zonbait jukutria guzien gainetik badela Katalunian jendarte iritzi bat uhain baten modura datorkiona. Alde batetik borondatea, mugimendua, bestetik imobilismoa, talka, kaska izigarriaren bezperan girea? Katalanak abilki ari dira jokatzen. Badugu zer ikasi.
Ta hemen ? 16 urtetan abertzale egin, bilakatu nintzen, 18 urtetan independentista, 22etan “autonomia lehen urratsa independentziaren bidean” lema pragmatismoz barneratu nuen. Geroago, instituzioa ta lurralde kolektibitatearen alde indar metaketa egitea beharrezkotzat ikusi dut beste hainbestek bezala. Bainan deus kendu gabe betiko zazpiak bat hariari.
Berriki entzuten nuen ETBko mahain inguru baten karietara Frantxua Maitia-k erraiten hemen Iparraldean abertzaleek ez zutela independentzia aipatzen edo arras guttik… Hori irriño batekin ziola. Ez diot Maitiari erakutsiko helburu taktikoen ta estrategikoen arteko desberdintasunak zoin diren. Abertzale giren heinean, Euskal Herriaren osotasunaren zaindari gira. Nere abertzaletasuna zazpiak bateri lotua zaio. Nahiz ta egunero lekuan lekuko jokatu. Nork ez du bere geroa erabaki nahi ? Edozein izanik ere bere identitate nazionala, helburu politikoa, sentsibilitate soziala. Nork ez du erabaki nahi ?
Nork ez du bere geroa erabaki nahi ?
Edozein izanik ere bere identitate nazionala,
helburu politikoa, sentsibilitate soziala.
Nork ez du erabaki nahi ?
Gure eskubidea da
Bilbon, ekitaldian, Ekuador, Sahara, Argentina, Herrialde Katalan, Senegal, Kolonbia, Galizia eta beste zenbait lekutan sortu herritarrek ozenki erran zuten “Gu ere Euskal Herritarrak gira, erabakitzeko eskubidearen alde gaude eta ekainaren 8ko giza katean egongo gira”. Irudi ederra eman dute. Hemen ere berdin egin daiteke Ipar Euskal Herri hau bizitokitzat hautatu dutenekin. Konbentzitua naiz Eskozia eta Kataluniaren ondotik Euskal Herriak ere baduela potentzilitatea erabakitzeko eskubidea agenda politikoan, jendartean xertatzeko.
Gu ere hemen euskal Herritarrak gira, erabakitzeko eskubidearen alde gaude eta ekainaren 8ko giza katean izango gira Landibartar talde bat.
Indépendant, sans pub, en accès libre,
financé par ses lecteurs
Faites un don à Enbata.info
ou abonnez-vous au mensuel papier
Les temps sont difficiles, et nous savons que tout le monde n’a pas la possibilité de payer pour de l’information. Mais nous sommes financés par les dons de nos lectrices et lecteurs, et les abonnements au mensuel papier : nous dépendons de la générosité de celles et ceux qui peuvent se le permettre.
« Les choses sans prix ont souvent une grande valeur » Mixel Berhocoirigoin
Cette aide est vitale. Grâce à votre soutien, nous continuerons à proposer les articles d'Enbata.Info en libre accès et gratuits, afin que des milliers de personnes puissent continuer à les lire chaque semaine, pour faire ainsi avancer la cause abertzale et l’ancrer dans une perspective résolument progressiste, ouverte et solidaire des autres peuples et territoires.
Chaque don a de l’importance, même si vous ne pouvez donner que quelques euros. Quel que soit son montant, votre soutien est essentiel pour nous permettre de continuer notre mission.
Pour tout soutien de 50€/eusko ou plus, vous pourrez recevoir ou offrir un abonnement annuel d'Enbata à l'adresse postale indiquée. Milesker.
Si vous êtes imposable, votre don bénéficiera d’une déduction fiscale (un don de 50 euros / eusko ne vous en coûtera que 17).
Independentea, publizitaterik gabekoa, sarbide irekia, bere irakurleek diruztatua
Enbata.Info-ri emaitza bat egin
edo harpidetu zaitezte hilabetekariari
Garai gogorrak dira, eta badakigu denek ez dutela informazioa ordaintzeko ahalik. Baina irakurleen emaitzek eta paperezko hilabetekariaren harpidetzek finantzatzen gaituzte: ordaindu dezaketenen eskuzabaltasunaren menpe gaude.
«Preziorik gabeko gauzek, usu, balio handia dute» Mixel Berhocoirigoin
Laguntza hau ezinbestekoa zaigu. Zuen sustenguari esker, Enbata.Info artikuluak sarbide librean eta urririk eskaintzen segituko dugu, milaka lagunek astero irakurtzen segi dezaten, hola erronka abertzalea aitzinarazteko eta ikuspegi argiki aurrerakoi, ireki eta beste herri eta lurraldeekiko solidario batean ainguratuz.
Emaitza oro garrantzitsua da, nahiz eta euro/eusko guti batzuk eman. Zenbatekoa edozein heinekoa izanik ere, zure laguntza ezinbestekoa zaigu gure eginkizuna segitzeko.
50€/eusko edo gehiagoko edozein sustengurentzat, Enbataren urteko harpidetza lortzen edo eskaintzen ahalko duzu zehaztuko duzun posta helbidean. Milesker.
Zergapean bazira, zure emaitzak zerga beherapena ekarriko dizu (50 euro / eusko-ko emaitzak, 17 baizik ez zaizu gostako).