par EH Bai mugimenduko eta Aitzinako gazte antolakundeko kideek aurtengo Aberri Eguna elkarlanean antolatuko dugu Donibane-Garazin. Aberri Eguna, hizkuntzak eta kulturak ezaugarritu eta kolektiboki existitu nahi duen herriaren eguna izatea nahi genuke. Independentistak Sareak Iruñerako egin duen deialdiaren logika berean kokatzen dugu gure ekimena. Frantses eta Espainiar estatuek deuseztu nahi izan dituen euskal lurraldeen arteko lotura, sozial, politiko, instituzional eta kulturalak berreraikitzea dugu helburu. Euskal Herritar gisa, herria eraikitzeko engaiamenduan berresten gara eta oroz gain, herriak erabakitzea aldarrikatzen dugu.
Herria Eraiki
Urte luzeetako borrokak, Euskal Herriaren ezagupenaren eta bestelako jendarte baten aldeko egitasmoak plantan ezartzeko baldintzak sortu dituzte. Erresistentzia eta eraikuntza ibilbide oparoa du Ipar Euskal Herriak.
Biharko herri euskaldunaren oinarriak jartzen dituen Seaska; laborantza-eredu herrikoi eta jasangarria sustatzen duen Laborantza Ganbara; Tokiko ekonomiaren bidezko garapenaren akuilu den Euskoa edo energia burujabetzaren alde ari den I-Ener… eta aipatu ez ditugun beste hainbeste. Hamaika proiektuk eraikitzen dute gaurtik hasirik biharko nahi dugun herria.
Herri borroken adibide gisara, langileen eskubideen defentsarako dinamikak, mugimendu feministaren mobilizazioak edo etorkinen aldeko ekimenak ere aipagarriak dira. Aniztasuna ukatzen duen ikuskera uniformatzailearen aitzinean, ezberdinen arteko elkarbizitzan oinarrituriko Euskal Herria dugu helburu. Proiektu inklusiboa da gurea, Euskal Herrian lan egiten eta bizi den orori zabalik dena. Borroka anitzak batuz, autoeraketa eta eraldaketa prozesuak indartzea dagokigu.
Herriak Erabaki
Azken hamarkadetako mobilizazioei esker, Frantses iraultzaz geroztik, Ipar Euskal Herriak izan duen lehen ezagupen instituzionala lortu dugu. Euskal Elkargoa lehen eta azken urratsa da Frantziarentzat. Instituzio berri hau asimilazio kuadro bat bilaka ez dadin, Euskal Herriaren biziraupena bermatzeko eta jendarte justuago bat eraikitzeko, urratsez urrats, instituzio burujabeagoak erdietsi behar ditugu. Hiru euskal eremu administratiboen arteko loturak, helburu dugun Euskal Herriaren lurraldetasuna irudikatzen du.
Espainiako estatu antidemokratikoari buru eginez, Kataluniako herritarrek bozkatuko dute. Korsikako herriaren borondatea Frantses Estatuaren ukapenarekin talka egiten ikusi dugu. Independentzia erreferenduma izanen da udazkenean Kaledonia Berrian. Herrien aroa da hau, erabakiaren aroa. Herri orok du bere geroaz erabakitzeko eskubidea eta erabaki hori egikaritzeko zilegitasuna.
Gure lurraldearen ezaugarriek, krisian dagoen sistemari alternatiba eraldatzailea eraikitzeko oinarri sendoak eskaintzen dizkigute. Hemen eta orain instituzioak herriaren zerbitzura ezarriz, bestelako eredu bat posible dela frogatu nahi dugu. Ahate hazleen alde eta urre-meategien aurka lorturiko garaipenak lekuko, boteretze kolektibo batek bide eman diezaioke herriaren erabakiaren errespetuari.
Indépendant, sans pub, en accès libre,
financé par ses lecteurs
Faites un don à Enbata.info
ou abonnez-vous au mensuel papier
Les temps sont difficiles, et nous savons que tout le monde n’a pas la possibilité de payer pour de l’information. Mais nous sommes financés par les dons de nos lectrices et lecteurs, et les abonnements au mensuel papier : nous dépendons de la générosité de celles et ceux qui peuvent se le permettre.
« Les choses sans prix ont souvent une grande valeur » Mixel Berhocoirigoin
Cette aide est vitale. Grâce à votre soutien, nous continuerons à proposer les articles d'Enbata.Info en libre accès et gratuits, afin que des milliers de personnes puissent continuer à les lire chaque semaine, pour faire ainsi avancer la cause abertzale et l’ancrer dans une perspective résolument progressiste, ouverte et solidaire des autres peuples et territoires.
Chaque don a de l’importance, même si vous ne pouvez donner que quelques euros. Quel que soit son montant, votre soutien est essentiel pour nous permettre de continuer notre mission.
Pour tout soutien de 50€/eusko ou plus, vous pourrez recevoir ou offrir un abonnement annuel d'Enbata à l'adresse postale indiquée. Milesker.
Si vous êtes imposable, votre don bénéficiera d’une déduction fiscale (un don de 50 euros / eusko ne vous en coûtera que 17).
Independentea, publizitaterik gabekoa, sarbide irekia, bere irakurleek diruztatua
Enbata.Info-ri emaitza bat egin
edo harpidetu zaitezte hilabetekariari
Garai gogorrak dira, eta badakigu denek ez dutela informazioa ordaintzeko ahalik. Baina irakurleen emaitzek eta paperezko hilabetekariaren harpidetzek finantzatzen gaituzte: ordaindu dezaketenen eskuzabaltasunaren menpe gaude.
«Preziorik gabeko gauzek, usu, balio handia dute» Mixel Berhocoirigoin
Laguntza hau ezinbestekoa zaigu. Zuen sustenguari esker, Enbata.Info artikuluak sarbide librean eta urririk eskaintzen segituko dugu, milaka lagunek astero irakurtzen segi dezaten, hola erronka abertzalea aitzinarazteko eta ikuspegi argiki aurrerakoi, ireki eta beste herri eta lurraldeekiko solidario batean ainguratuz.
Emaitza oro garrantzitsua da, nahiz eta euro/eusko guti batzuk eman. Zenbatekoa edozein heinekoa izanik ere, zure laguntza ezinbestekoa zaigu gure eginkizuna segitzeko.
50€/eusko edo gehiagoko edozein sustengurentzat, Enbataren urteko harpidetza lortzen edo eskaintzen ahalko duzu zehaztuko duzun posta helbidean. Milesker.
Zergapean bazira, zure emaitzak zerga beherapena ekarriko dizu (50 euro / eusko-ko emaitzak, 17 baizik ez zaizu gostako).