par 
« Ikas’talo », abenduaren 28an Seaskak antolatu duen « mani’festa » arrakastatsua izan da. Milaka mobilizatu dira ikastolen oztopoak salatuz eta lege bat ikatolentzat aldarrikatuz.
Jende guzia aterbetzeko sobera ttipia gelditu den Baionako elkartetxeko ezohizko ekitaldi hori euskararen bizirik atxikitzeko eta Estatu frantsesak betidanik ezartzen dituen oztopoen gainditzeko buraso, languntzaile, musikari, artista, etab. guziek urteetan zehar bolondres gisa eskaini behar dituzten lan ordu andanen lekuko izan da.
« Bukatzen ari den 2013 urtean Frantses Estatuak ikastolen kontra hasi duen kanpaina, anitzek Hendaiako gertakizun bati lotu dute. Baina urte hastapenean Hendaian hasi zenak, Beskoitzen ukan du segida eta Baionako Suprefetak Hazparneko herri elkargora bidali berri duen gutunak argiki adierazten du ikastolen kontrako erasoa orokorra dela. Erasoa orokorra da, Arberoa eta Lekorneko ikastola proiektu publikoak geldiarazi baititu ere.
Suprefeta jauna, prefeta jauna eta Barne ministerioko jaun andereak. Ipar Euskal herriko parlamentari andereak, Ayrault eta Hollande jaunak. Zuen astia agortu da. 2014ean ikastolen egoera legeztatu beharko duzue, bai ala bai! Ez gira makilkada gehiago jasozeko prest. Ez gira gehiago onartzeko prest!
Orain arte herriko etxeek beren borondatez, demokratikoki eta gehiengoz erabaki dute ikastola bat egitea edo eremu publiko bat ikastolaren esku uztea. Baina Frantses Estatuak hemendik aitzina ikastolei loturiko edozoin erabaki auzitara eramanen duela abisu eman du.
Heldu den ikasturtean ere ehunetik gora ikasle gehiago izanen ditugu aurten baino. Orain arte bezala Herriko Etxe edo lurralde elkargoen laguntza beharko dugu, bestela ezingo ditugu ikasle berriak aterbetu. Ikastola Herri Eskola baita!
Egun proiektu berriak dituzte erasotzen. Baina nork segurtatzen digu bihar ez direla jadanik ditugun ikastolei lotuko? Beskoitzen lur bat alokatzea debekatua dela erraiten badu auzitegiak, zer gertatuko da besteak beste Kanbon, Itsasun edo Senperen alokatzen ditugun ikastolekin.
Ikastolek lege bat behar dute. Diwan, Bressola, Calandreta etab. eskolek ere ! Eta lege hori irabazi arte jotake aritu beharko dugu! Jotake irabazi arte!
Hendaiako proiektua auzitan da eta auziaren emaitza hauteskundeen ondoren helduko da. Urtarril hastapenean, aldiz, Prefetak Beskoitzeko lur publikoaren erabakia auzitara eramanen du. Adi egon lagunak! Erabaki horren berri jakinen dugun egunaren biharamunean Baionako Suprefetura okupatuko baitugu!!!
Hendaian milaka manifestari izan ondoren urtarrilean, ekainean beste milaka izan ondoren Baionan, alderdi sozialistaren egoitza hiru gau eta lau egunez okupatu ondoren, Ipar Euskal Herriko errepideak gure hizkuntzaren heriotza adierazten duten tindaketez emokatu ondoren, gure hizkuntz eskubideen alde borrokatzeko prest gara!
Kantonamenduen berrantolaketan lurraldetasuna babestea lortu dugu. Orain gure ikastolak babestu ditzagun mobilizatuz !!
Egoera larria da, biziki larria ! Ikastolen garapenak digu esperantza sortu azken urteotan, sinesteko gure hizkuntza salba dezakegula hainbeste urteko odolhustearen ondoren. Estatuak esperantza hori hil nahi du. Estatuak euskara hil nahi du, lurralde hizkuntzen heriotza nahi du. Ikastolak erasotuz gure izerdiz eraiki dugun hizkuntza politika publikoaren motorra lanjerran emana da. Ayrault jauna, ez du balio Eurokarta berretsiko duzuela erraitea, mementu berean dugun tresnarik eraginkorrena, ikastolak, suntsitzeko baldin bada !
Eta Frantses Estatuak ez baditu Herriko Etxeen erabaki demokratikoak onartzen, zertarako antolatu herri hauteskundeak heldu den martxoan, ondotik herriko etxe horiek hartuko dituzten erabakiak auzitara eramaten baditu?
Egoera biziki larri honetan, egun ezin dugu segurtatu heldu den martxoko herriko etxeko hauteskundeak lasaitasunez iragaiten ahalko direnik !!
Gogoeta dezatela Parisen norat eraman nahi gaituzten!!.
Gure hizkuntzaren alde, euskararen alde, ikastolen alde dugun guztia emaiteko prest gira. Egun 10 000 talo, bihar ere berdin. Zaindu dezagun maite dugun hori!
Gora ikastolak ! Gora Seaska ! Gora euskara ! »
Indépendant, sans pub, en accès libre,
financé par ses lecteurs
Faites un don à Enbata.info
ou abonnez-vous au mensuel papier
Les temps sont difficiles, et nous savons que tout le monde n’a pas la possibilité de payer pour de l’information. Mais nous sommes financés par les dons de nos lectrices et lecteurs, et les abonnements au mensuel papier : nous dépendons de la générosité de celles et ceux qui peuvent se le permettre.
« Les choses sans prix ont souvent une grande valeur » Mixel Berhocoirigoin
Cette aide est vitale. Grâce à votre soutien, nous continuerons à proposer les articles d'Enbata.Info en libre accès et gratuits, afin que des milliers de personnes puissent continuer à les lire chaque semaine, pour faire ainsi avancer la cause abertzale et l’ancrer dans une perspective résolument progressiste, ouverte et solidaire des autres peuples et territoires.
Chaque don a de l’importance, même si vous ne pouvez donner que quelques euros. Quel que soit son montant, votre soutien est essentiel pour nous permettre de continuer notre mission.
Pour tout soutien de 50€/eusko ou plus, vous pourrez recevoir ou offrir un abonnement annuel d'Enbata à l'adresse postale indiquée. Milesker.
Si vous êtes imposable, votre don bénéficiera d’une déduction fiscale (un don de 50 euros / eusko ne vous en coûtera que 17).
Independentea, publizitaterik gabekoa, sarbide irekia, bere irakurleek diruztatua
Enbata.Info-ri emaitza bat egin
edo harpidetu zaitezte hilabetekariari
Garai gogorrak dira, eta badakigu denek ez dutela informazioa ordaintzeko ahalik. Baina irakurleen emaitzek eta paperezko hilabetekariaren harpidetzek finantzatzen gaituzte: ordaindu dezaketenen eskuzabaltasunaren menpe gaude.
«Preziorik gabeko gauzek, usu, balio handia dute» Mixel Berhocoirigoin
Laguntza hau ezinbestekoa zaigu. Zuen sustenguari esker, Enbata.Info artikuluak sarbide librean eta urririk eskaintzen segituko dugu, milaka lagunek astero irakurtzen segi dezaten, hola erronka abertzalea aitzinarazteko eta ikuspegi argiki aurrerakoi, ireki eta beste herri eta lurraldeekiko solidario batean ainguratuz.
Emaitza oro garrantzitsua da, nahiz eta euro/eusko guti batzuk eman. Zenbatekoa edozein heinekoa izanik ere, zure laguntza ezinbestekoa zaigu gure eginkizuna segitzeko.
50€/eusko edo gehiagoko edozein sustengurentzat, Enbataren urteko harpidetza lortzen edo eskaintzen ahalko duzu zehaztuko duzun posta helbidean. Milesker.
Zergapean bazira, zure emaitzak zerga beherapena ekarriko dizu (50 euro / eusko-ko emaitzak, 17 baizik ez zaizu gostako).