par 
Enbata Hilabetekariko Sar Hitza
Maiatzeko Enbataren ale honekin hilabete bateko manifestaldi-ospakizun-aldarrikapen maratoi euskal-abertzaleari amaiera ematen diogu. Eta, batek baino gehiagok pentsatuko zuten uf! biziraun dugu! Apirilaren 1ean etxebizitzaren aldeko eskubidearekin hasita, Aberri egunarekin segituz, eusko Egunari helduta, euskararen aldeko manifestalditik pasata, eta ohiko Nafarroaren egunarekin amaituz, asteburuz asteburu milaka lagun elkartu dira ekimen ezberdinetan. Eta, horiei guztiei gehitu behar diegu, ahantzi gabe, erretreten erreformaren aurkako asteroko zeharkako manifestaldiak. Guzti horretaz bilana egiterakoan bi ildo hartu daitezke, bata bestearen aurka ez doazenak baitezpada.
Alde batetik, batek baino gehiagok pentsatu dute sobera zela, erokeria zela antolaketan parte hartu dutenetik at, uste izan baita lan txanden betetzea eta ekitaldi bakoitzean parte hartzeko bidea hartu duten pertsonak berdinak zirela eta horrekin, geroari begira erretzeko arriskua sortzen ahal zuela. Baina, bestalde, beste batzuek pentsa dezakete ere indartsu zegoen gizarte mailako aktualitate horretan ekitaldi bakoitzean milaka lagun elkartu izanak eta hamarnaka militante lortu izanak mugimendu abertzaleak urtetan lortutako indarraren isla irudika dezakeela. Hau da, urtetako lanaren poderioz mugimendu abertzale eta euskaltzaleak irekitzeko eta zabaltzeko izan duen gaitasunak, hein batean, egingarri egin du apirilean bizi izan dugun maratoi hori. Orain dela urte batzuk gutariko askok ezinezkotzat joko genuen horrelako zerbait, baina, egin da… eta lortu da.
Alde horretatik, interesgarria legoke zeharkako gogoeta egitea ekimen bakoitzean parte hartu duten ordezkariak mahai baten inguruan jarriz. Baina, hori egin aurretik hilabete batzuk itxaron beharko ditugu ziurrenik, zeren, maratoi horrekin erronka esanguratsuak mahaigaineratu ditu mugimendu abertzale eta euskaltzaleak. Eta, horiek guztiek ondoko hilabeteetan eta urteetan agenda politikoa markatuko dute.
Apirilaren 1eko etxebizitzaren eskubidearen aldeko manifestaldiarekin, bigarren etxebizitzen aurkako StopAski manifestu indartsu bat kaleratu da eta etxebizitza sozialen inguruan proposamen zehatzak plazaratu dira; Aberri Egunarekin biharko mugimendu abertzalea birfundatzeko eta berriz kokatzeko bidean lehen harria jarri da; Eusko Egunak orain dela hamar urte sortu zen Eusko tokiko monetari beste hamar urteko bidea segitzeko erronka berriak ireki dizkio; eta, euskararen aldeko manifestaldiarekin gure hizkuntzak behar beharrezkoa duen hizkuntz politika eraginkor baten aldarria berriz ere gogora ekarri da.
Maratoi euskal-abertzale-ezkertiarrak zabaldu ditu erroak, beraz. Orain horri fruituak atera beharko zaizkio eta, guztien memorian plazer bat izan dela irudikarazteko, zuku gozo bat atera.
Indépendant, sans pub, en accès libre,
financé par ses lecteurs
Faites un don à Enbata.info
ou abonnez-vous au mensuel papier
Les temps sont difficiles, et nous savons que tout le monde n’a pas la possibilité de payer pour de l’information. Mais nous sommes financés par les dons de nos lectrices et lecteurs, et les abonnements au mensuel papier : nous dépendons de la générosité de celles et ceux qui peuvent se le permettre.
« Les choses sans prix ont souvent une grande valeur » Mixel Berhocoirigoin
Cette aide est vitale. Grâce à votre soutien, nous continuerons à proposer les articles d'Enbata.Info en libre accès et gratuits, afin que des milliers de personnes puissent continuer à les lire chaque semaine, pour faire ainsi avancer la cause abertzale et l’ancrer dans une perspective résolument progressiste, ouverte et solidaire des autres peuples et territoires.
Chaque don a de l’importance, même si vous ne pouvez donner que quelques euros. Quel que soit son montant, votre soutien est essentiel pour nous permettre de continuer notre mission.
Pour tout soutien de 50€/eusko ou plus, vous pourrez recevoir ou offrir un abonnement annuel d'Enbata à l'adresse postale indiquée. Milesker.
Si vous êtes imposable, votre don bénéficiera d’une déduction fiscale (un don de 50 euros / eusko ne vous en coûtera que 17).
Independentea, publizitaterik gabekoa, sarbide irekia, bere irakurleek diruztatua
Enbata.Info-ri emaitza bat egin
edo harpidetu zaitezte hilabetekariari
Garai gogorrak dira, eta badakigu denek ez dutela informazioa ordaintzeko ahalik. Baina irakurleen emaitzek eta paperezko hilabetekariaren harpidetzek finantzatzen gaituzte: ordaindu dezaketenen eskuzabaltasunaren menpe gaude.
«Preziorik gabeko gauzek, usu, balio handia dute» Mixel Berhocoirigoin
Laguntza hau ezinbestekoa zaigu. Zuen sustenguari esker, Enbata.Info artikuluak sarbide librean eta urririk eskaintzen segituko dugu, milaka lagunek astero irakurtzen segi dezaten, hola erronka abertzalea aitzinarazteko eta ikuspegi argiki aurrerakoi, ireki eta beste herri eta lurraldeekiko solidario batean ainguratuz.
Emaitza oro garrantzitsua da, nahiz eta euro/eusko guti batzuk eman. Zenbatekoa edozein heinekoa izanik ere, zure laguntza ezinbestekoa zaigu gure eginkizuna segitzeko.
50€/eusko edo gehiagoko edozein sustengurentzat, Enbataren urteko harpidetza lortzen edo eskaintzen ahalko duzu zehaztuko duzun posta helbidean. Milesker.
Zergapean bazira, zure emaitzak zerga beherapena ekarriko dizu (50 euro / eusko-ko emaitzak, 17 baizik ez zaizu gostako).