par 
Michel BIDEGAIN
Gizaki batzuk sinesten dute bizpahiru bizitza biziko dituztela bata bestearen ondotik, metenpsikosis edo arrainkarnazioaren bitartez. Patxik ez du lur huntako bizia agortu zitzaikion idurikatu, ondotik beste bizi bat edo beste bizitzeko. Nahiago izan ditu hiruzpalau bizi berdenboran eraman, heriotzaren ondoko berpiztearen menturan egon gabe. Eta nolako bizitzak, gainera, bata bestea bezain aberats eta eragingarriak: Sokoa enpresaren sortzaile eta kudeatzaike, Herrikoaren sortzaile eta kudeatzaile, Enbata mugimendu abertzalearen sortzaile eta militante, Enbata aldizkariko laguntzaile eta idazle, Laborantza Ganbararen Lagunak elkartearen sortzaile eta kudeatzaile, ezker abertzalearen bidelagun jarraikia eta beste.
Mundu abertzaleak, Iparralde huntan sortu zenetik, zorionez, Patxi bezalako bidelagun paregabeak ukan ditu. Funtsean, gerla ondoan basamortu kultural, ekonomiko eta politiko zen eremu huntan ez zen abertzaletasunik sortuko eta errotuko, ez balira Patxiren iduriko aintzindari zenbait altxatu. Ez ziren asko, ahurtara bat gehienez, gizarte alienatu hontako indar aurrerakoien altxagarri izan zirenak. Belaunaldi aintzinikusle hori desagertzen ari zaigula, milaka daude, zorionez, haiek abiatu ildotik segitzen dutenak. Erein hazia hozitzen eta uzta emaiten ikustea xantza ederra da.
Patxiren bizitza ezberdinak nolakoak izan diren beste batzuk nik baino hobeki marraztuko dute. Nik xantza ukan dut Mixel eta Patxiren ondoan izaitea Laborantza Ganbararen sortze eta defentsako garaietan. Horien saietsean lanean aritu girenek ikusi eta ikasi dugu gizarte honen emanzipaziorako beharrezkoak ziren tresnak nola eraiki eta garatu behar ziren. Laborantza Ganbararen Lagunak elkarteko lehendakari izan da Patxi, urte luzez. Lehendakari argia, zorrotza, nekaezina. Alta ez zuen jatorriz laborantzarekilako lotura haundirik. Bainan sinesten zuen gizarteari hurbileko janari sanoa eskaintzea laborantza iraunkor et jasangarriaren afera zela, ez ekoizpen induztrialarena. Bazekien ere Iparraldeko etxalde ttipiek bizirik iraun behar balin bazuten ez zutela beste aterabiderik eta hori denen afera zela, baserritarrena eta hiritarrena, ekoizleena eta kontsumitzaileena. Gizarte osoarena.
Patxik honbeste aldiz, egunaz eta gauaz, egin duen Hendaiatik Ainizarateko ibilbidea bizi guzian egin dituen indar eta sakrifizioen adierazgarri da. Horrengatik jendartearen eskerrak merezi ditu. Bainan badakit ere, baitezpadako lan horiek denak ez zituela eramanen Patxik ez balu Pantxika bere bizilaguna bere ondoan ukan, laguntzaile diskreta, lan ederra ixilean egin duena. Gure eskerrik zintzoenak merezi ditu. Bidelagunen atxikimendua dolumin dorpearen soleigarri izan diezaiola.
Milesker Patxi, agur eta ohore Jauna.
Indépendant, sans pub, en accès libre,
financé par ses lecteurs
Faites un don à Enbata.info
ou abonnez-vous au mensuel papier
Les temps sont difficiles, et nous savons que tout le monde n’a pas la possibilité de payer pour de l’information. Mais nous sommes financés par les dons de nos lectrices et lecteurs, et les abonnements au mensuel papier : nous dépendons de la générosité de celles et ceux qui peuvent se le permettre.
« Les choses sans prix ont souvent une grande valeur » Mixel Berhocoirigoin
Cette aide est vitale. Grâce à votre soutien, nous continuerons à proposer les articles d'Enbata.Info en libre accès et gratuits, afin que des milliers de personnes puissent continuer à les lire chaque semaine, pour faire ainsi avancer la cause abertzale et l’ancrer dans une perspective résolument progressiste, ouverte et solidaire des autres peuples et territoires.
Chaque don a de l’importance, même si vous ne pouvez donner que quelques euros. Quel que soit son montant, votre soutien est essentiel pour nous permettre de continuer notre mission.
Pour tout soutien de 50€/eusko ou plus, vous pourrez recevoir ou offrir un abonnement annuel d'Enbata à l'adresse postale indiquée. Milesker.
Si vous êtes imposable, votre don bénéficiera d’une déduction fiscale (un don de 50 euros / eusko ne vous en coûtera que 17).
Independentea, publizitaterik gabekoa, sarbide irekia, bere irakurleek diruztatua
Enbata.Info-ri emaitza bat egin
edo harpidetu zaitezte hilabetekariari
Garai gogorrak dira, eta badakigu denek ez dutela informazioa ordaintzeko ahalik. Baina irakurleen emaitzek eta paperezko hilabetekariaren harpidetzek finantzatzen gaituzte: ordaindu dezaketenen eskuzabaltasunaren menpe gaude.
«Preziorik gabeko gauzek, usu, balio handia dute» Mixel Berhocoirigoin
Laguntza hau ezinbestekoa zaigu. Zuen sustenguari esker, Enbata.Info artikuluak sarbide librean eta urririk eskaintzen segituko dugu, milaka lagunek astero irakurtzen segi dezaten, hola erronka abertzalea aitzinarazteko eta ikuspegi argiki aurrerakoi, ireki eta beste herri eta lurraldeekiko solidario batean ainguratuz.
Emaitza oro garrantzitsua da, nahiz eta euro/eusko guti batzuk eman. Zenbatekoa edozein heinekoa izanik ere, zure laguntza ezinbestekoa zaigu gure eginkizuna segitzeko.
50€/eusko edo gehiagoko edozein sustengurentzat, Enbataren urteko harpidetza lortzen edo eskaintzen ahalko duzu zehaztuko duzun posta helbidean. Milesker.
Zergapean bazira, zure emaitzak zerga beherapena ekarriko dizu (50 euro / eusko-ko emaitzak, 17 baizik ez zaizu gostako).