Frantziako erresuman / estatuan, Errepublikako lehendakari / presidentearen hautatzeko kanpainan gaude leporaino. Egiaz 2017ko udazkenean hasi zen, frantsesek Macron lehendakari berria hautatu eta berehala. Ehun egun utziak zizkioten, usaian bezala, mirakulu andana baten egiteko, eta bistan dena holakorik ez baitzuen lortu, abian gillotinatu zuten politikoki, hori ere usaian bezala, eta laster ondokoaren bila hasi ziren politizatuak diren minoria ezberdinak. Frantziako politika guztia ardatz monarkiko horren inguruan itzulikatzen da, pobreki. Nahi ala ez hunkitzen gaitu gu ere, bakoitzaren bizitzan eragin handia baitu. Itsasontzi batean bezala harrapatuak gaude, horretan sartu gintuztelako baimenik eskatu gabe, baina hor gaude.
Beraz hein batean parte hartu behar dugu, bereziki bozkatzera joanez. Haatik hauteskundeetako borrokan ez genuke sartu behar buru belarri, zentzua galdurik, euskal aberriari bizkarra emanez. Ezen gure ustez abertzale garenok ez genuke sekulan ahantzi behar hastapeneko egia bakun hura: «Euskadi bakarra da gure aberria!»
Herritar askok bizia eman dute horren alde, bai 1936-1939ko gerla hartan, baita geroztik ere, bereziki ETAren eta IKren garaietan. Hori guztia ez da folklore hutsa, ez da frantziar “régionalisme” bat, ezta espainiar “fuerismo” bat. Gureganik atxikimendu osoa hartzen du, zor diogu.
Beraz bozketa hauek, gisa batez hain garrantzitsuak izanagatik beren ondorio praktikoengatik, ez gaituzte itsutu behar, halako mozkorraldi batean murgitzera eraman, itsaso arrotz batean gure nortasunaren itotzera bultzatu.
Gainera gure muga hertsiak ikus ditzagun, proportzioen zentzua gogoan edukiz: euskaldunak hain guti gara non ez dugun inolaz ere Frantziako erregearen egiteko edo desegiteko ahalik. Beraz burua hotzik atxik dezagun. Horiek hola bakoitzak herritar eginbidea zintzoki beteko du, bere hautua eginez ahal bezain ongi eta zuhurki, bere interesen eta/edo ideologiaren arabera.
Euskarak eta Euskal Herriak tokiño bat ukan dezakete naski hautu horretan, ametsik egin gabe ordea: esperantza guti gain hartarik. Badakigu beharrena hemen egin beharko dugula autogestioz, orain arte bezala, haatik estatu gabeko nazioen elkartasuna indartuz.
Ber denboran zuhurtziak nahi luke hautagai jakobinoenak bazter utz ditzagun, eta oroz gainetik diferentzien arteko harremanak gogortu nahi dituzten fazistoide horiek, erlijioen, kulturen eta zibilizazioen arteko gerla (saindua?) predikatzen dutenak.
Ekonomian ere mirakulurik ez dut espero epe laburrean. Iraultzak, egiazkoa eta iraunkorra izateko, mundu osoa hartu behar luke, beraz buru dituen Estatu Batuetarik eta/edo Txinatik abiatu, ez Frantzia bezalako erresuma txiki batetik, hor hetsia eta laster itoa egotea bailuke, kalte franko egin ondoren.
Beste kezka orokorra, euskaldunak hunkitzen gaituena beste jende guztiak bezala, klimaren beroketa, eta horrekin batera lurren, uren, espezien, energien, ekai eta lehengaien murrizketa. Baina zoritxarrez ekologisten hautagaiak lehendakaritzarako xantza guti du oraikoan ere, eta gisa berean ezker zatituko edozein kandidatuk.
Ahulezia horrek ez du baztertzen prefosta alde horretara bozkatzeko eginbidea, alderantziz, denen beharra baitugu eskuinekoen indar soberakina mugatu nahi dugunok. Eiki eskuin klasikoek eta eskuin muturrek ekologiaz axola guti dute, maluruski diot, bulta batentzako boterean baitaude, Frantzian bereziki sekula baino zabalkiago. Are gehiago borrokatu behar ditugu, mementoan iraultza baten erdiesteko amets alferrik egin gabe.
Hirugarren kezka orokorra, etorkinena. Imigrazioa ez da geldituko, alderantziz, klimaren aldaketak areagotzen du jadanik, eta mugida handiago baten hastapena baizik ez da. Europak bere burua harresi batez zaindu nahi luke, bainan ez du lortuko, “Ligne Maginot” guztiak noizbait indargabeturik gelditzen dira. Balio luketen moldeak bistakoak dira: Afrika eta Mediterraneo Ekialdea urgatzi, imigrazioa hangoekin antolatu, etorkinak metodikoki hartu, hots hemen plantatzen eta hemengotzen lagundu. Ez da biharko, ni beldur, orain ditugun buruzagiekin.
Indépendant, sans pub, en accès libre,
financé par ses lecteurs
Faites un don à Enbata.info
ou abonnez-vous au mensuel papier
Les temps sont difficiles, et nous savons que tout le monde n’a pas la possibilité de payer pour de l’information. Mais nous sommes financés par les dons de nos lectrices et lecteurs, et les abonnements au mensuel papier : nous dépendons de la générosité de celles et ceux qui peuvent se le permettre.
« Les choses sans prix ont souvent une grande valeur » Mixel Berhocoirigoin
Cette aide est vitale. Grâce à votre soutien, nous continuerons à proposer les articles d'Enbata.Info en libre accès et gratuits, afin que des milliers de personnes puissent continuer à les lire chaque semaine, pour faire ainsi avancer la cause abertzale et l’ancrer dans une perspective résolument progressiste, ouverte et solidaire des autres peuples et territoires.
Chaque don a de l’importance, même si vous ne pouvez donner que quelques euros. Quel que soit son montant, votre soutien est essentiel pour nous permettre de continuer notre mission.
Pour tout soutien de 50€/eusko ou plus, vous pourrez recevoir ou offrir un abonnement annuel d'Enbata à l'adresse postale indiquée. Milesker.
Si vous êtes imposable, votre don bénéficiera d’une déduction fiscale (un don de 50 euros / eusko ne vous en coûtera que 17).
Independentea, publizitaterik gabekoa, sarbide irekia, bere irakurleek diruztatua
Enbata.Info-ri emaitza bat egin
edo harpidetu zaitezte hilabetekariari
Garai gogorrak dira, eta badakigu denek ez dutela informazioa ordaintzeko ahalik. Baina irakurleen emaitzek eta paperezko hilabetekariaren harpidetzek finantzatzen gaituzte: ordaindu dezaketenen eskuzabaltasunaren menpe gaude.
«Preziorik gabeko gauzek, usu, balio handia dute» Mixel Berhocoirigoin
Laguntza hau ezinbestekoa zaigu. Zuen sustenguari esker, Enbata.Info artikuluak sarbide librean eta urririk eskaintzen segituko dugu, milaka lagunek astero irakurtzen segi dezaten, hola erronka abertzalea aitzinarazteko eta ikuspegi argiki aurrerakoi, ireki eta beste herri eta lurraldeekiko solidario batean ainguratuz.
Emaitza oro garrantzitsua da, nahiz eta euro/eusko guti batzuk eman. Zenbatekoa edozein heinekoa izanik ere, zure laguntza ezinbestekoa zaigu gure eginkizuna segitzeko.
50€/eusko edo gehiagoko edozein sustengurentzat, Enbataren urteko harpidetza lortzen edo eskaintzen ahalko duzu zehaztuko duzun posta helbidean. Milesker.
Zergapean bazira, zure emaitzak zerga beherapena ekarriko dizu (50 euro / eusko-ko emaitzak, 17 baizik ez zaizu gostako).