par Euskal Herrian garai junta bat bizitzen ari garela nork uka lezake? Ha-markada dorpe bezain luze bat zeharkatu ondoren, potentzialitate berriak askatzen hasiak dira. Potentzialitateak momentuz, orria oraindik xuria delako. Segurua dugun gauza bakarra da atzean utzi ditugula ibilbide luzeko borroka mota bat, eskema estrategiko batzuk eta indar banaketa iraunkorra. Holako garaietan ez da iraganari tinki atxikitzeko momentua. Alderantziz. Zorabia eta zalantzak sortzen bazaizkigu ere. Alabainan egoera berriak denen ber kokapena eskatzen du, behartzen du.
Ondoko egun eta asteetan AB, Batasuna eta EA alderdien biltzar nagusiak iraganen dira. Bakoitzak etxeko lanak baditu bere gaitegian bainan galdera eta gogoeta komun frango ere badituzte. Etxeko lanak, zeren eta alderdi bakoitzak bere ibilbide propioa izan baitu, bere barne eztabaidak, bere garaipen eta huts egiteak, beste alderdien ondoan eta usu besteen araberan. Galdera komunak bestalde, 2011ko urte honen bukaeran, az-ken urteetako biltzar nagusietan ez bezala, alderdi bakoitzaren interesetatik at, proiektu abertzale ezkertiar osoaren bilakaera baitugu mahai gainean. Ezaguna da literatura militantean eszenatoki, bihurgune edo bidegurutze “historikoak” bezalako esaera pottokoak neurri kanpo erabiltzeko joera. Aldi honetan bederen ez da gehiegizkoa. Momentu berean, 3.000 lagun pasa, indibidualki edota kolektiboki eztabaidatu ondoren, arrakasta handia biltzen duen militanteen arteko inkesta betetzearekin, antzeko galderei erantzuteko ariketa egiten ari dira. Presioa beraz, momentua bezain inportanta.
Zein dira galdera horiek? Nora buruz joan nahi dugu hemendik goiti? Nola irudikatzen dugu ondoko hilabete/urteetako ibilbide politikoa, antolatzeko moldeak? Nola baliatu, hanka sartze nagusirik egin gabe, irekitzen diren aukera guziak? Gisa be-rean, nola erantzun politikoki Europa os-oa, Euskal Herria barne, harrapatzen duen dimentsio anitzetako krisia egoerari? Askotan pausatu ditugun problematikak eta ireki ditugun eztabaidak klase politikoan ere nagusitu dira. Sortu ditugun tresnei jendarteko sektore zabalek sustengua eta onarpena ekarri dizkiete. Nola lortu garaipen konkretuak ideien borrokan bataila frango irabazi ondoren? Eta bereziki funtsezko eta zentrala den ezagupen politiko-instituzionala? Nola kapitalizatu hautes-ontzietan ere gure proiektu abertzale eta ezkertiar berrituaren alde egunero militanteek egindako lana?
Ez dezagun joka hedabideek (tokikoek usu handienek bezainbat maleruski) markatzen duten “gai politiko inportanteen” agendaren araberan. Izan ere, eztabaida guziak ez dira maila berekoak. Lehenik eztabaida estrategikoak ditugu eta horietan norabide argiak trinkatu behar dira: ezker abertzalea ber konposatzeko eta behar bada birsortzeko aukerak badira. Har dezagun bidea, defini ditzagun urratsak denen artean, gure proiektu politikoa ahal bezainbat indartzeko. Azter ditzagun ondotik, taburik gabe, arloz arlo eraikitzen ahal ditugun indar metaketa zabalagoak. Erabaki horien araberan eztabaidatu eta trinkatuko dira eztabaida taktikoak (legebiltzarreko hauteskunde aliantza adibidez), lehengoak trabatu eta oztopatu gabe. Urtarriletik landa, epe motzeko helburuak kudeatzea bezainbat (2012ko hauteskunde sekuentzia besteak beste), lanean hasi beharko da epe ertaineko erronkei begira .
Indépendant, sans pub, en accès libre,
financé par ses lecteurs
Faites un don à Enbata.info
ou abonnez-vous au mensuel papier
Les temps sont difficiles, et nous savons que tout le monde n’a pas la possibilité de payer pour de l’information. Mais nous sommes financés par les dons de nos lectrices et lecteurs, et les abonnements au mensuel papier : nous dépendons de la générosité de celles et ceux qui peuvent se le permettre.
« Les choses sans prix ont souvent une grande valeur » Mixel Berhocoirigoin
Cette aide est vitale. Grâce à votre soutien, nous continuerons à proposer les articles d'Enbata.Info en libre accès et gratuits, afin que des milliers de personnes puissent continuer à les lire chaque semaine, pour faire ainsi avancer la cause abertzale et l’ancrer dans une perspective résolument progressiste, ouverte et solidaire des autres peuples et territoires.
Chaque don a de l’importance, même si vous ne pouvez donner que quelques euros. Quel que soit son montant, votre soutien est essentiel pour nous permettre de continuer notre mission.
Pour tout soutien de 50€/eusko ou plus, vous pourrez recevoir ou offrir un abonnement annuel d'Enbata à l'adresse postale indiquée. Milesker.
Si vous êtes imposable, votre don bénéficiera d’une déduction fiscale (un don de 50 euros / eusko ne vous en coûtera que 17).
Independentea, publizitaterik gabekoa, sarbide irekia, bere irakurleek diruztatua
Enbata.Info-ri emaitza bat egin
edo harpidetu zaitezte hilabetekariari
Garai gogorrak dira, eta badakigu denek ez dutela informazioa ordaintzeko ahalik. Baina irakurleen emaitzek eta paperezko hilabetekariaren harpidetzek finantzatzen gaituzte: ordaindu dezaketenen eskuzabaltasunaren menpe gaude.
«Preziorik gabeko gauzek, usu, balio handia dute» Mixel Berhocoirigoin
Laguntza hau ezinbestekoa zaigu. Zuen sustenguari esker, Enbata.Info artikuluak sarbide librean eta urririk eskaintzen segituko dugu, milaka lagunek astero irakurtzen segi dezaten, hola erronka abertzalea aitzinarazteko eta ikuspegi argiki aurrerakoi, ireki eta beste herri eta lurraldeekiko solidario batean ainguratuz.
Emaitza oro garrantzitsua da, nahiz eta euro/eusko guti batzuk eman. Zenbatekoa edozein heinekoa izanik ere, zure laguntza ezinbestekoa zaigu gure eginkizuna segitzeko.
50€/eusko edo gehiagoko edozein sustengurentzat, Enbataren urteko harpidetza lortzen edo eskaintzen ahalko duzu zehaztuko duzun posta helbidean. Milesker.
Zergapean bazira, zure emaitzak zerga beherapena ekarriko dizu (50 euro / eusko-ko emaitzak, 17 baizik ez zaizu gostako).