par Mugimendu sozialetan aditua den Txomin Poveda elkarrizketatu dute Plaza Hutsa saiokoek. Lantzen ari den doktore-tesian Ipar Euskal Herriko praktika militanteak sakon aztertu ditu. Xabi Larraldek pausatu dizkio galderak. Historikoki ezkerrak erabili dituen eraldaketa-praktika klasikoak egun agortzen hasiak direla uste du, bai bide rupturista-iraultzailea bai bide erreformista darabiltenak. Munduan barrena, ordea, tokiko ekimen eraldatzaileak areagotzen ari dira, sarritan xumeak izan arren. Horiek guziak praktika militante alternatiboak deitzen ditu Povedak 15 minutako bideo-elkarrizketa interesante honetan.
Txomin Povedak Ipar Euskal Herriko praktika militante alternatiboak aztertu ditu bere Soziologiako doktore-tesirako. Baikor so egiten die praktika horiei. Ipar Euskal Herrian horien berpizte bat gertatzen ari dela konstatatu du. “Ipar Euskal Herrian bada horrelako ohitura bat, kultura bat, ekiteko hemen eta orain, itxoin gabe goitik datozen aterabideei”, adierazi du.
Pixkanaka, horiei esker sistema instituzional-herrikoi bat josten ari da bere aburuz, “zinez aldatzen dituena eguneroko praktikak”.
“Gaur egun, mobilizatzeko manerak aldatu dira”, baieztatu du. Egitura klasikoetan inplikatzeko beldurrak ikus daitezke jendearen artean. “Jendeak inplikazio konkretu bat nahi du, zerbait praktikoa, ez zerbait biziki ideologikoa”. Praktika militanteek eskari horiei erantzuna ematen diete: engaiamendu baikor bat, engaiamendu mailakatu bat. Egunerokotasuna eta lerro politikoa aldarazteko gai dira praktika horiek guztiak. “Biziki inportantea da duten eragina. Beraiek lortzen baitute errealitate soziala mugitzea”, dio soziologoak, izan ere, beste praktika politiko batzuk elikatzen baititu.
Herri mailan elkarte sozio-kultural bat izateak edo kooperatiba bat izateak beste praktika politikoen esparruan eragiten du. Horrez gain, sistema politiko instituzionalari ere eragiten diote. Lehia bat ezartzen dute sistema ofizialen eta herrikoien artean eta horrek mugiarazten ditu erakunde ofizialak.
Iparraldeko praktika alternatiboen ereduak badute potentziala Euskal Herri osora eramateko, soziologoaren iritziz. “Praktika horiek sortzen dira gainetik ematen ez diren erantzunak betetzeko. Gainetik ez ditugu gauza horiek lortuko eta hau da funtsezko jarrera: “Ez badigute ematen, sortzen dugu”. Herria aske izateko egitura instituzional horiek asmatu beharko dira, “instituzionalizatzen ari da herri hori gaurdanik, asmatuz zer sistema instituzional nahiko dugun, eta hori modu herrikoi batean”.
Praktika xume horietatik nola bideratzen da aldaketa sakon bat? “Artikulatuz erradikaltasuna eta praktikotasuna”, dio. Bi polo horiek osotasun baten parte dira Povedaren erranetan, erronka pausoz pauso idealera joatea baita. Adibide modura, Seaska aipatu du. Euskarazko hezkuntzari blokeo ofiziala ezarririk, herritar talde batek sortzen du tresna hori. “Seaskak lortu du urtez urte bere proiektua berritzea, eta pixkanaka-pixkanaka berriz aintzinatzea”. Euskal monetaren kasua ere nabarmendu du. Egunez egun, kapitalismoaren aurka keinu batzuk egin daitezkeela erakusten du euskal monetaren proiektuak, ogia erosiz adibidez. Tendentzia ezberdinetako jendea batzea lortu dute, “ez baitira idealean egon, baizik eta errealitatetik abiatu baitira”. Horren bidez, herritarrek bere egunerokoan lantzen ez zituzten gai batzuk barneratzen dituzte, erakundeen esku egon ohi direnak, “horien bidez ari dira gauzatzen eta pentsatzen beste herri-proiektu bat”.
Indépendant, sans pub, en accès libre,
financé par ses lecteurs
Faites un don à Enbata.info
ou abonnez-vous au mensuel papier
Les temps sont difficiles, et nous savons que tout le monde n’a pas la possibilité de payer pour de l’information. Mais nous sommes financés par les dons de nos lectrices et lecteurs, et les abonnements au mensuel papier : nous dépendons de la générosité de celles et ceux qui peuvent se le permettre.
« Les choses sans prix ont souvent une grande valeur » Mixel Berhocoirigoin
Cette aide est vitale. Grâce à votre soutien, nous continuerons à proposer les articles d'Enbata.Info en libre accès et gratuits, afin que des milliers de personnes puissent continuer à les lire chaque semaine, pour faire ainsi avancer la cause abertzale et l’ancrer dans une perspective résolument progressiste, ouverte et solidaire des autres peuples et territoires.
Chaque don a de l’importance, même si vous ne pouvez donner que quelques euros. Quel que soit son montant, votre soutien est essentiel pour nous permettre de continuer notre mission.
Pour tout soutien de 50€/eusko ou plus, vous pourrez recevoir ou offrir un abonnement annuel d'Enbata à l'adresse postale indiquée. Milesker.
Si vous êtes imposable, votre don bénéficiera d’une déduction fiscale (un don de 50 euros / eusko ne vous en coûtera que 17).
Independentea, publizitaterik gabekoa, sarbide irekia, bere irakurleek diruztatua
Enbata.Info-ri emaitza bat egin
edo harpidetu zaitezte hilabetekariari
Garai gogorrak dira, eta badakigu denek ez dutela informazioa ordaintzeko ahalik. Baina irakurleen emaitzek eta paperezko hilabetekariaren harpidetzek finantzatzen gaituzte: ordaindu dezaketenen eskuzabaltasunaren menpe gaude.
«Preziorik gabeko gauzek, usu, balio handia dute» Mixel Berhocoirigoin
Laguntza hau ezinbestekoa zaigu. Zuen sustenguari esker, Enbata.Info artikuluak sarbide librean eta urririk eskaintzen segituko dugu, milaka lagunek astero irakurtzen segi dezaten, hola erronka abertzalea aitzinarazteko eta ikuspegi argiki aurrerakoi, ireki eta beste herri eta lurraldeekiko solidario batean ainguratuz.
Emaitza oro garrantzitsua da, nahiz eta euro/eusko guti batzuk eman. Zenbatekoa edozein heinekoa izanik ere, zure laguntza ezinbestekoa zaigu gure eginkizuna segitzeko.
50€/eusko edo gehiagoko edozein sustengurentzat, Enbataren urteko harpidetza lortzen edo eskaintzen ahalko duzu zehaztuko duzun posta helbidean. Milesker.
Zergapean bazira, zure emaitzak zerga beherapena ekarriko dizu (50 euro / eusko-ko emaitzak, 17 baizik ez zaizu gostako).