Duela urte bat pasa Luhuson eta jazko apirilaren 8-an, bi urrats haundi egin ziren Euskal Herriko bake bidean. Bakegileen lanaren emaitza izan ziren bi urrats horiek. Abendoko Pariseko manifestaldia izan zen beste zedarri bat bakeari buruzko martxan. Urrats ttipiak haundiak bezain garrantzitsuak dira helburua lortzeko.
Joan den eguberrikari, Garaziko herrixka batean nintzan eguberri bezpera arratseko mezan. Eta, meza ondoan, denbora hotza bainan ederrarekin, jendea nonbre haundian solasean gelditu da, lasai eliza zolan. Gizonen aldean segurik, aroa eta kabalak ziren aipagai nagusiak. Aldi huntan ere, ainitz urtez bezala gertatu niz eskualde hartako adinetako laborari batekin, beti plazer haundiz elekatzen dutana. Ja, larogeita hamar urte ditu eta aldi guziez harritzen nau zein ongi den ikusteak, gorputzez dudarik gabe, bainan ere bereziki izpirituz. Aroa eta kabalak aipatu ditugu dudarik gabe, bainan ez zitzaion aski. Gure aktualitatera jin zaut laster, jakin nahiz zer izpiritutan zen gobernua, Pariseko manifestazioa hurbiletik segitu zuen urrun izana gatik, eta bazekien ministeritzan laister bilkura bat bagenuela. Ez zen dudarik, gure aktualitatea, bere aktualitatea zela ere. Eta hasten nakio ene erantzuna ahalik eta zuzenena ateratzen, edozoin kazetalariri gisa hortako galderari saiatzen naizen bezala, (laburrago bilduz hala ere!).
Aroa aldatzen
Galdera konplikatua da, alabainan bi eremuren artean bezala baigira: aldaketa sakonak posible bihurtuko lituzketen baldintzak betetzen ari direla uste dugu eta sinisten dugu, bainan betetzen ari diren baldintza horiek posible bihurtu behar luketen emaitza sakonik, sinbolikoaz aparte, ez da oraindik ageri. Beraz, kazetalari bati, ala nere 90 urteko laborari lagunari, bien arteko errealitate berezi hori esplikatu behar dut. Jakin nahi zuen nere barneko sentimendua. Eta ari nintzaion esplikatuz, bai gauzak aldatzen ari zirela, aroa aldatzen ari zela, entzunak garelako sendimendua genuela, bainan oraino ez dugula espero ditugun urratsak, bainan ondoko egun edo asteetan izan behar luketela… Fite ulertu baitu afera, eta ene ustez jada bere analisia eginik baitzuen, erten daut : “Ba, urratsa xehe!”, eta erantzuten diot : “Bai bai, eta bidea luze!”. Urratsa xehe: ze espresio pollita! Aspaldi entzuna ez nuena, alta lehenago eguneroko hiztegian entzuten zena. Hitz berriak baditugu, bainan hitz xaharrek duten aberastasuna galtzen dugu. Urratsa xehe, espresio horrek du hobekienik biltzen gaur egun bake prozesuan eta presoen gaian dagon errealitatea. Mendiko aldapa zutari buruz zoazilarik zakua bizkarrean, urratsa xehe duzu eta ez duzu beste manerarik abantzatzeko, abantzatzekotz. Ihiztoka batean sartua bazira eta handik ateratzeko, urrats xehez baizik zira aterako, edo ez zira aterako. Bainan urrats xehearen erranaldi horrek bi zentzu izan ditzake: edo elementu naturalen kontra abantzatzeari egiten du erreferentzia, mendi aldapa edo ihiztokaren kasuan bezala, eta urrats xehez baizik ezin da abantzatu. Momentukotz Euskal Herriko prozesua kasu hortan da nere ustez: ihiztokatik atera nahiz edo mendi malda igo nahiz. Edo, izan dezakeen bertze zentzua da, partaide izan behar lukeenak (Frantziar estatua gure kasuan) ez duela kolaboratzen, eta trabatzen duela: kasu huntan ere urratsak xehe dira bainan, dozierraren zailtasunaren gatik baino gehiago, lagundu behar lukeenak ez duelakoan laguntzen.
Desesperaziotik ilusiora
pasatu behar dugu,
eta hortan gira.
Nahi dugu sinetsi, eta sinesten dugu,
urratsa xehe balin bada
ez dela partaide izan behar lukeena
trabatzaile delakoan,
bainan ihiztokan
eta mendiaren aldapa zolan
garelakoan dela.
Desesperaziotik ilusiora
Ez dakit, bi zentzuetarik zoin zuen buruan nere adinetako solaskideak. Bietarik bazukeen, beste askok bezala dudarik gabe. Eta nehork ez daki xuxen xuxen gaurko urrats xeheen oinarrizko arrazoi guziak nun dauden. Gauza segurra da ihiztoka batetik atera behar dugula, eta mendia igo behar dugula: sobera urte iragan dira egoera blokatuan. Desesperaziotik ilusiora pasatu behar dugu, eta hortan gira. Nahi dugu sinetsi, eta sinesten dugu, urratsa xehe balin bada ez dela partaide izan behar lukeena trabatzaile delakoan, bainan ihiztokan eta mendiaren aldapa zolan garelakoan dela. Eta sinetsi nahi dugu ere baldintza zail hauetan, urratsak egiteko, partaidearen kolaborazioa aurkituko dugula. Badakigu, oraindik memento batez, urratsa xehe abantzatu beharko dugula: normal da, hortarik pasatu behar da. Bainan, bidea luzea dela ere badakigu, eta jendarteak eta historioak ez dute onartuko bide guzia urrats xehean egitea. Garaiak etorri beharko du nun urrats haundiz abantzatzatu beharko den. Alabainan, bidea luzea da eta bide guzia egin behar dugu.
Indépendant, sans pub, en accès libre,
financé par ses lecteurs
Faites un don à Enbata.info
ou abonnez-vous au mensuel papier
Les temps sont difficiles, et nous savons que tout le monde n’a pas la possibilité de payer pour de l’information. Mais nous sommes financés par les dons de nos lectrices et lecteurs, et les abonnements au mensuel papier : nous dépendons de la générosité de celles et ceux qui peuvent se le permettre.
« Les choses sans prix ont souvent une grande valeur » Mixel Berhocoirigoin
Cette aide est vitale. Grâce à votre soutien, nous continuerons à proposer les articles d'Enbata.Info en libre accès et gratuits, afin que des milliers de personnes puissent continuer à les lire chaque semaine, pour faire ainsi avancer la cause abertzale et l’ancrer dans une perspective résolument progressiste, ouverte et solidaire des autres peuples et territoires.
Chaque don a de l’importance, même si vous ne pouvez donner que quelques euros. Quel que soit son montant, votre soutien est essentiel pour nous permettre de continuer notre mission.
Pour tout soutien de 50€/eusko ou plus, vous pourrez recevoir ou offrir un abonnement annuel d'Enbata à l'adresse postale indiquée. Milesker.
Si vous êtes imposable, votre don bénéficiera d’une déduction fiscale (un don de 50 euros / eusko ne vous en coûtera que 17).
Independentea, publizitaterik gabekoa, sarbide irekia, bere irakurleek diruztatua
Enbata.Info-ri emaitza bat egin
edo harpidetu zaitezte hilabetekariari
Garai gogorrak dira, eta badakigu denek ez dutela informazioa ordaintzeko ahalik. Baina irakurleen emaitzek eta paperezko hilabetekariaren harpidetzek finantzatzen gaituzte: ordaindu dezaketenen eskuzabaltasunaren menpe gaude.
«Preziorik gabeko gauzek, usu, balio handia dute» Mixel Berhocoirigoin
Laguntza hau ezinbestekoa zaigu. Zuen sustenguari esker, Enbata.Info artikuluak sarbide librean eta urririk eskaintzen segituko dugu, milaka lagunek astero irakurtzen segi dezaten, hola erronka abertzalea aitzinarazteko eta ikuspegi argiki aurrerakoi, ireki eta beste herri eta lurraldeekiko solidario batean ainguratuz.
Emaitza oro garrantzitsua da, nahiz eta euro/eusko guti batzuk eman. Zenbatekoa edozein heinekoa izanik ere, zure laguntza ezinbestekoa zaigu gure eginkizuna segitzeko.
50€/eusko edo gehiagoko edozein sustengurentzat, Enbataren urteko harpidetza lortzen edo eskaintzen ahalko duzu zehaztuko duzun posta helbidean. Milesker.
Zergapean bazira, zure emaitzak zerga beherapena ekarriko dizu (50 euro / eusko-ko emaitzak, 17 baizik ez zaizu gostako).