Behako guziak Kataluniarat itzuliak ziren irailaren 27 hontan. Ikusmin haundia sortua zuten hauteskunde autonomiko aintzinatuek. Independentziaren aldekoek Generalitateko parlamentuko gehiengoa segurtatu badute ere, boz kopuruan ez dute %50-a gainditu. Zein izanen da Madrilekilako harremanen geroa?
Buruilaren 27a egun historikoa izan beharra zen eta hala izan da. Katalanek beren geroaz erabaki behar zuten eta egin dute. Ahoan bilorik gabe mintzatzeko, erran daiteke Espainiatik berrextearen aldeko independentistek argiki irabazi dituztela hauteskundeak, bainan galdu egin dutela goraki desio zuten plebizitoa.
Nehork ezingo du geroan itsuarena egin emaitza horri. Denek, baita español gobernuak ere, beharko dute mugitu. Katalunian iragan diren hauteskundeek erranahi ainitz utzi dute beren gibelean. Parte hartzearena harrigarria izan da eta sekulako sinesgarritasuna emaiten dio emaitzaren kredibilitateari, aintzineko gisa hortako hauteskunde autonomiko guzien xifreak gaindituz Kataluniako bozka eremu guzietan.
Artur Mas Generalitateko presidenteak aintzin ikusi zituen hauteskunde plebizitarioak Espainiatik aldentzearen aldekoak argiki. Bozka bezperan oraindik aldarrikatzen zuen “Nahi dugu plebizito bat, behar dugu plebizito bat eta lortuko dugu plebizito bat”.
Ezin ukatu alde hortarik gauzak ez direla hain argi ateratzen ororen buru. Alde batetik “plebizito” hitza bakotxak bere ikuspegitik soilik ikusten duelako, nolabait nahasia delako juridikoki eta hauteskunde horiek soilik autonomikoak direlako “legez”.
Katalunia zatitua
Parlamentu autonomikoan independentziaren aldekoek gehiengo absolutoa izanen dute, orain arte bezala funtsean. Bainan bozen kopuruan ez dira urrundik ere erdia baino gehiagoren heinerat heltzen. Eta hor dago koxka, beraientzat eta bereziki, alabainan, independentziaren kontrakoentzat. Ondorioz hauteskundeak aintzin bezala, Kataluniako jendartea bi parte berdintsuetan arrunt zatiturik dago. Nahi ala ez konstatazio horrek indarra kentzen dio irabazleen emaitzari, bereziki nazioarte mailako ikusteko moldean. Alabainan beste adibide batzu gogoratuz, ikusi daiteke Montenegroren kasuan Europari begira edo Quebec aldeko hauteskunde guzietan exigitu direla gehiengo zabal eta ikusgarriak boz kopuruen aldetik. Ezin ukatu baldintza hortarik aski urrun gelditu dela Kataluniako hauteskundea.
Hori guzia erran eta gero, azpimarra daiteke ere, emaitzek parlamentuari emaiten dutela argiki independentziaren aldeko kolore ezinago argia. Junts pel Si eta CUP koalizio indpendentistek 72 (62+10) diputatu izanen dituzte. Ciutadans independentziaren kontrako alderdi berriak gorakada meteorikoa ezagutu du 25 diputatu bereganatuz kolpean. PSCko sozialistak 16 eserlekurekin egon beharko dira, PP bigarren mailako alderdi eskasa bilakatzen da 11 lekurekin. Berdintsu erran daiteke ere Catalunya Si que es Pot (Podemos eta ICV) koalizioarentzat bere 11 diputatuekin.
Hori guzia dela eta, eta beste hainbat elementurengatik,
nehork, ez ta Español gobernuak ere,
ezin du geroan ezikusiarena edo elkorrarena
egiten segitu.
Elkarrizketa politiko baitzezpadakoa
Irabazleen emaitzak onak dira bainan ez dira uste bezain bikainak. Zer nolako emaitzak lortuko zituen Junts pel Sik ez balitu bere zerrendetan sartu ANC, Omnium, zerrendako lehen postuetan ziren hautagai independenteak eta Lluis Llach bezalako hautagaiak ?
Irabazleen eremuan gauzak konplikatu daitezke aski fite. Alabainan CUP ezkerreko alderdi antikapitalistak ezinago argiki errana du kanpaina denbora guzian ez zuela Artur Mas orain arteko lehendakariaren alde bozkatuko inbestidura saioan. Alta beste edozoin alternatiba kasik ezin egingarria izanen da matematikoki.
Gehiengo ikusgarria eta matematikoa dute beraz parlamentuko alkietan independentistek, normalki aski direlako kalkulagailu parlamentariorako, independentzia prozesuari dagozkion bozketetan. Agian eskas geldituko dira kalkulagailu diplomatikorako… Hori guzia dela eta eta beste hainbat elementurengatik, nehork, ezta Español gobernuak ere, ezin du geroan ezikusiarena edo elkorrarena egiten segitu. Urgentziazko erreakzioak eta baitezpadako erabakiak hartu beharko dituzte eragile guziek elkarrizketa politikoari eta aterabide adostueri bide emaiteko. Kataluniako bidea politikoki iraunkorra eta ez hauskorra izaitekotan Madriletik pasatuko dela erraitea ez da ezkorra izaitea, sinesgarria eta eraginkor izaitea baizik. Kataluniaren bidea ezingo da eternalki Espainiako justizia tribunalean trenkatu edo behaztopatu. Kataluniako bidearen
punta edo aterabidea soilik politikoa izanen da, edo ez da izanen.
Indépendant, sans pub, en accès libre,
financé par ses lecteurs
Faites un don à Enbata.info
ou abonnez-vous au mensuel papier
Les temps sont difficiles, et nous savons que tout le monde n’a pas la possibilité de payer pour de l’information. Mais nous sommes financés par les dons de nos lectrices et lecteurs, et les abonnements au mensuel papier : nous dépendons de la générosité de celles et ceux qui peuvent se le permettre.
« Les choses sans prix ont souvent une grande valeur » Mixel Berhocoirigoin
Cette aide est vitale. Grâce à votre soutien, nous continuerons à proposer les articles d'Enbata.Info en libre accès et gratuits, afin que des milliers de personnes puissent continuer à les lire chaque semaine, pour faire ainsi avancer la cause abertzale et l’ancrer dans une perspective résolument progressiste, ouverte et solidaire des autres peuples et territoires.
Chaque don a de l’importance, même si vous ne pouvez donner que quelques euros. Quel que soit son montant, votre soutien est essentiel pour nous permettre de continuer notre mission.
Pour tout soutien de 50€/eusko ou plus, vous pourrez recevoir ou offrir un abonnement annuel d'Enbata à l'adresse postale indiquée. Milesker.
Si vous êtes imposable, votre don bénéficiera d’une déduction fiscale (un don de 50 euros / eusko ne vous en coûtera que 17).
Independentea, publizitaterik gabekoa, sarbide irekia, bere irakurleek diruztatua
Enbata.Info-ri emaitza bat egin
edo harpidetu zaitezte hilabetekariari
Garai gogorrak dira, eta badakigu denek ez dutela informazioa ordaintzeko ahalik. Baina irakurleen emaitzek eta paperezko hilabetekariaren harpidetzek finantzatzen gaituzte: ordaindu dezaketenen eskuzabaltasunaren menpe gaude.
«Preziorik gabeko gauzek, usu, balio handia dute» Mixel Berhocoirigoin
Laguntza hau ezinbestekoa zaigu. Zuen sustenguari esker, Enbata.Info artikuluak sarbide librean eta urririk eskaintzen segituko dugu, milaka lagunek astero irakurtzen segi dezaten, hola erronka abertzalea aitzinarazteko eta ikuspegi argiki aurrerakoi, ireki eta beste herri eta lurraldeekiko solidario batean ainguratuz.
Emaitza oro garrantzitsua da, nahiz eta euro/eusko guti batzuk eman. Zenbatekoa edozein heinekoa izanik ere, zure laguntza ezinbestekoa zaigu gure eginkizuna segitzeko.
50€/eusko edo gehiagoko edozein sustengurentzat, Enbataren urteko harpidetza lortzen edo eskaintzen ahalko duzu zehaztuko duzun posta helbidean. Milesker.
Zergapean bazira, zure emaitzak zerga beherapena ekarriko dizu (50 euro / eusko-ko emaitzak, 17 baizik ez zaizu gostako).