Hitz bat nagusitu da ene belarrietan, azaroaren 30eko manifestaziotik: « zikloa« . Egun hartan ziklo bat bururatu omen zen, eta beste bat hasi. Solas horiek Mixel Berhokoirigoinen ahotik entzuteak berehala ezarri nau erreferentzia batzuei begira.
Lehen ere garbi esplikatu izana du faseen bukaeraren kontu hori, adimen politiko ikaragarria eta geroari begirako ikuspegi zorrotza duen militante horrek. Gogoan dut zein ongi esplikatu zuen Euskal Herriko Laborantza Ganberaren aldeko protesta eta manifestazio arrakastatsu guztien fasearekin gelditu behar zela: aldarrikapen mugimendu indartsu hura ahultzen hasi baino lehen, estrategia berriak martxan jarri behar ziren. Kalkulu ezinago hobea iruditu zitzaidan. Iraganean ere ikusi dugu zer gertatu izan den aldarrikapen bat, indartsu bihurturik ere, lorpenik gabe gelditzean: mugimendua ahultzen da, eta azkenik gelditzen da. Bakar gauzak badira duela 10-20 urte eskatzen genituenak, eman ez dizkigutenak, eta gaur egun eskatzen ez ditugunak.
Nola egin ez higatzeko?
Laborantza Ganberarekin estrategia guztiz aldatu zuten, eta ikastolak erreferentzia gisa harturik, Euskal Herriko Laborantza Ganbera sortu zuten. Ez da Laborantza Ofiziala oraino ere, baina hor da, funtzionatzen du eta orain gero eta jende gutiagok ezartzen du dudan haren zilegitasuna.
Engoitik ongi ulertu dugu Lurralde Kolektibitaterik ez duela onartuko Frantziak. François Fillonek (Frantziako hurrengo presidentegai batek) argi erran du ez dela Lurralde Kolektibitatearen aldekoa, ez euskal departamenduaren aldekoa. François Hollanderen gobernuaren jarrera ere ezagutzen dugu. Engoitik, aldarrikapen horrek ez du indar handiagoa hartuko, lortu duen sostengu hain zabala ikusirik. Beraz, nola egin ez higatzeko?
Tresna propioen sortzearen estrategia
Laborantza Ganberaren eredua datorkit gogora, edo Udalbiltzarena. Ez Frantziak eta ez Espainiak ez diote deus emanen Euskal Herriari, ez dute deusetan amore emanen. Tresna propioak sortzearen estrategia egokia da. Udalbiltzaren dinamika maingu gelditu zen 1998ko prozesua gelditu zenean, eta gaur egun ekimen interesgarriak egiten ari bada ere, ez da 1998an pentsatu zenaren heinera heltzen. Hala ere, bide horretan sakontzea da hoberena. Euskal Herria gure eskuz eraikitzea da fruitu emankorrenen iturri, gure tresnak sortuz eraikitzea.
Eraikuntza zikloa
Lurralde Kolektibitateari dagokionez, ziklo berria bide horretatik doala ulertu dut nik. Batera-ren beste bi aldarrikapenei ere gisa bereko erantzunak bilatu beharko zaizkie. Euskararen aldeko lana garatu beharko da, etxetik eta eskolatik kanpoko eremu pribatuetara eta publikoetara zabaltzeko neurri gehiago hartu beharko da, eta horretarako arduradun ekonomiko eta politikoen inplikazio zuzena baitezpadakoa izanen da. Unibertsitateari buruz ere lan batzuk abia daitezke: Ipar Euskal Herrian berean bada eskaintza bat, gutxietsi behar ez dena; baina Hego Euskal Herrian dagoen eskaintza zabalarekin, zubiak eraikitzen hasteko tenorea ere bada, Hegoaldean ikasi nahi duten Iparraldeko ikasleek dituzten trabak jauzarazteko, eta Iparraldean eskaintza berriak proposatzeko eta antolatzeko, Hego Euskal Herriko unibertsitateen parte hartzearekin eta Iparraldean dauden ikasketa adarrekiko elkarlanean.
Ziklo berria eraikuntza zikloa izan bedi. Bestela, urte luzeetako frustrazio batean sartuko gara berriz.
Indépendant, sans pub, en accès libre,
financé par ses lecteurs
Faites un don à Enbata.info
ou abonnez-vous au mensuel papier
Les temps sont difficiles, et nous savons que tout le monde n’a pas la possibilité de payer pour de l’information. Mais nous sommes financés par les dons de nos lectrices et lecteurs, et les abonnements au mensuel papier : nous dépendons de la générosité de celles et ceux qui peuvent se le permettre.
« Les choses sans prix ont souvent une grande valeur » Mixel Berhocoirigoin
Cette aide est vitale. Grâce à votre soutien, nous continuerons à proposer les articles d'Enbata.Info en libre accès et gratuits, afin que des milliers de personnes puissent continuer à les lire chaque semaine, pour faire ainsi avancer la cause abertzale et l’ancrer dans une perspective résolument progressiste, ouverte et solidaire des autres peuples et territoires.
Chaque don a de l’importance, même si vous ne pouvez donner que quelques euros. Quel que soit son montant, votre soutien est essentiel pour nous permettre de continuer notre mission.
Pour tout soutien de 50€/eusko ou plus, vous pourrez recevoir ou offrir un abonnement annuel d'Enbata à l'adresse postale indiquée. Milesker.
Si vous êtes imposable, votre don bénéficiera d’une déduction fiscale (un don de 50 euros / eusko ne vous en coûtera que 17).
Independentea, publizitaterik gabekoa, sarbide irekia, bere irakurleek diruztatua
Enbata.Info-ri emaitza bat egin
edo harpidetu zaitezte hilabetekariari
Garai gogorrak dira, eta badakigu denek ez dutela informazioa ordaintzeko ahalik. Baina irakurleen emaitzek eta paperezko hilabetekariaren harpidetzek finantzatzen gaituzte: ordaindu dezaketenen eskuzabaltasunaren menpe gaude.
«Preziorik gabeko gauzek, usu, balio handia dute» Mixel Berhocoirigoin
Laguntza hau ezinbestekoa zaigu. Zuen sustenguari esker, Enbata.Info artikuluak sarbide librean eta urririk eskaintzen segituko dugu, milaka lagunek astero irakurtzen segi dezaten, hola erronka abertzalea aitzinarazteko eta ikuspegi argiki aurrerakoi, ireki eta beste herri eta lurraldeekiko solidario batean ainguratuz.
Emaitza oro garrantzitsua da, nahiz eta euro/eusko guti batzuk eman. Zenbatekoa edozein heinekoa izanik ere, zure laguntza ezinbestekoa zaigu gure eginkizuna segitzeko.
50€/eusko edo gehiagoko edozein sustengurentzat, Enbataren urteko harpidetza lortzen edo eskaintzen ahalko duzu zehaztuko duzun posta helbidean. Milesker.
Zergapean bazira, zure emaitzak zerga beherapena ekarriko dizu (50 euro / eusko-ko emaitzak, 17 baizik ez zaizu gostako).